وجدتكي ملجئي💜

part14

Part14
فتحت عليا باب السيارة عيطت اريج:سرو حبي سارة تضحك :دايرين عرس بدوني خزو عليك خيانه ونزلت نقزت اريج في رقبتها وتبكي :ياحمارة استحشتك
سارة:حتى انا يا حبي وبعدها حظنت عليا:حبيبتي الف مبروك ربي يهنيك
عليا:تسلميلي سرو فرحتي ناقصه بدونك
ضحكت سارة ومشت لمفيدة حضنتها بقوة لانها تحسها امها وحظنها الدافي:حبقلبي
مفيدة:بنيتي الحمد لله عاسلامتك 💘
سارة:وين حمودي
مفيدة:راقد قاعد كل يوم داير عرس على خاطرك
سارة:ياروحي
نرجس واماني مصدومين وخلاص
اماني:اهي روحت يا نرجس كيف بنديرو
نرجس:روحت بس مارجعت لعاصم خيرك فكري بعقلك
جت سارة وقفت قدامهم وابتسمت بخبث:شنو مافيش الحمد لله عالسلامه😏
نرجس:انتي ماعندكش كرامه بعد طلعتي من هنا منهانه راجعة بكل وقاحه
اماني:بلكي راجع تتهزب تاني
سارة:معاد فيه حد يشدني عليكم يعني!!ياويلكم وانتي عارفتني نرجوسة ومشت
نرجس خافت لانه سارة عارفه سرها
سارة:هيا نطلعو عطلنا ركبو في سيارة انور وطلعو
الساعه 2روحو تغدو ومشو يجهزو للسهرية
سارة طالعه بتروح باش تغير وتجيب لبسها كيف بتطلع درس قدامها عاصم جت عينها في عينه واااه عالشعور في هديكا اللحظه😭😭"بنبكي انا مشاعري مرهفة😣"
دارتله منبه مايبيش يحول نزلت :لو سمحت حول سيارتك بنطلع
عاصم يشوفلها ويعبي عيونها بيها قداش مشتاقلها:امتى روحت
سارة:اليوم
عاصم:نبي نحكي معاك
سارة:مافيش بينا شي نحكوه لو سمحت حول يا ولد خالتي
عاصم انصدم ببرودها معاه وركب سيارته وحولها طلعت هيا
مساءً البنات يلبسو باش ينزلو
مفيدة:يابنات وحدا منكم تنزل تغير لاحمد تو بتلهو ويقعد بالتوتة
سارة نازلة :اهو تو ندخله انا ياخالتي طلعت برا دور فيه الدنيا كيف بدت ظلم تمشي لين خبطت في حد
سارة:ااه راسي مش تفتحو عيونكم
عاصم:سلامتك يا عيوني ترا نشوف
سارة بعدت:لا مافيا شي شكرا
عاصم كيف بيتكلم قص عليه احمد لما جي يجري :ماما ماما ماما حبيبتي
سارة حمدت ربي انه بعتلها حد يبعدها على عاصم قامت احمد:روح ماما استحشتك يا فرخ 😘😘
احمد:حتى ني يا ماما
سارة:هكا تلبز روحك مش غلط
احمد:هيا نغسلو😌
سارة:هي وخشت وسيبت عاصم بيموت
بدو الناس يجو وفاتت سهرية حلوة
الساعه 2ساهرين البنات وشباب العيلة في الجنان
سارة مقعمزة جنب محمد باش ما تتصادم بحد من العيلة
ريناد:سرو غنيلي حبي 🥰
سارة:مش خاطري
انور خش من برا وسمعها :وخيرك تتجكتري عالبنت تبيش تغني اطربنا يا عاصم كلهم شافوله
عاصم:بلا خفة دم وفوتني
انور غير هيا وراس الغاليه😹
عليا:حق عصومي تغني
عاصم:لا
انور بصوت عالي:كدب عنده قيتار ويغني لما ينوى بس
كلهم قعدو يترجو فيه يغني بس ولا عاباله قام راس شاف لسارة وفهم نظرة عيونها
عاصم:بري جيبيه يااريج تلقيه تحت سرير ركبت نزلاته قعد يعدل فيه
انور:ترا سمعنا حاجه حزينه نبي نتزوج وخايف من خو الكبيدة 💔 كلهم ضحكو واريج قريب ماتت
عاصم:بهي اسكت وريحنا
شافلها وبدي يغني"مكانك خالي محمد عساف💔💔"
صح مامتت من فرقتك بس ناسي راحة بالي...ياناسي ياكوني وهلي...من تبعد اش يبقالي...هوا انت وياي واحس كلش مكانك خالي💔اش يرد الايام الفرقه تقتل...كل مايجي الليل دموعي تنزل...واضحك بلياك بس جاي امثل...خليها سكته مااريد اكمل...مو انا احبك💜اي والله احبك تروح مني وش يبقى يعني...ولو تبعد اش يبقالي....عن حالي شااحكيلك بعد..موزين بعدك حالي...عايش على قيد الحزن...بلياك يالحب مالي..فراقك كسر قلبي كسر...مااعرف اش سوالي...مااقدر ارتاح..الا انت وياي..ارجعلي مليت محتاجك هواي...هالشي ماينطاق..بلياك دنياي..فهمني وشلون عايش بلياي..مو انا احبك اي والله احبك تروح مني وش يبقى يعني..ولو تبعد اش يبقااالي💔..
بدو يصفقو
اماني:يهبل صوتك عصوم 😍
انور:والنبي ضمي فمك وانتي زي القطوس المخنوقة ويقلد في صوتها"عصومي😖"
اماني طارتلها وسكتت اريج بتموت من الضحك وسارة عجبتها القصفه😂😂"حتى انا عجبتني الحق تستاهل"
ريناد:ياسرو غني خيرك
سارة:عليك نقان
انور:غني انتي ياسر البنت بكري تترجى فيك تو تطلع في راس العيل
عاصم ضربه:ضم فمك 😡
سارة بهي ووك غنتلهم "وفي لبدر الشعيبي" ماعنديش نيه نكتبها رهو😁 نرجعو لرواية
تاني يوم غذا للرجالة العصر طلعو بيقرو الفاتحه وفي الحوش يستنو فيهم رن هاتف عليا:ايوا
عاصم:الف مبروك يانصي 🥰
عليا بدت تبكي والكل يباركولها ويزغرطو شويه وروحو الرجاله خشو خوالها يباركولها بس هيا تستنى في واحد بس لين خش لابس زبون اسود "يجنن ناعليا" تقول هوا العريس قرب منها وحظنها
عاصم:زواجة الدهر يا قلبي
عليا تبكي وشادة فيه
خش انور يضرب في الرصاص ويضحك هوا ومحمد شاد بوكس ابيض
عاصم:ياسر ياانور
انور:فرحان عرس وخيتي وباسها وعطاها البوكس هي تفضلي رهو بتسمي ولدك انور واستعجلي ها
نخصه عاصم:خوالي واقفين يا خرا
عليا متحشمه:تسلم حبيبي وجودك يكفي فتحت البوكس فيه طاقم ذهب ومنقوش عليه اسمها
جاب عاصم من سيارته بوكس كبير فيه مبلغ مرتب وخاتم ذهب "ريتها هدية كل حبيب😅"عطاهالها هدية توأمك غير عاد
عليا:هلبا هكا ياعاصم
عاصم:مايغلى عليك شي شاف سارة بعيد وعيونهم تحكي"كأنه يقوللها اليوم مفروض انقرت فاتحتنا وبديتي على اسمي بس..."في الليل جابو الكسوة وحنوها وفاتت سهرية حلوة ثاني يوم من الصبح طلعت عليا للمزين ومشت معاها سارة والباقي يجهزو للصاله
الساعه 7 عليا:ها شنو سرو حلوة
سارة:تهبلي حبيبتي 🥰تبارك الرحمن
عليا شدت ايدها:عقبالكم حبيبتي نشوفكم مع بعض
سارة تبي تغير الموضوع:هي نتصل بانور يجينا هوا هداكا وقت
اتصلت بيه وقلها جايكم ربع ساعه واتصل بيها قلها اطلعو بس الصدمه لما لقاته عاصم قلبها بيطلع من مكانه بس ماتبيش تبين  ركبت عليا وركبت جنبه طول الطريق هدوء تام وصلو نزلوها ودخلتها سارة لغرفه العروس يرتبوها باش تخش جت اريج ومفيدة ونرجس وطبعا اللصقه اماني😒
مفيدة بدموع:تبارك الله ربي يحفظك يا بنتي
اريج:ماشالله علوشة تهبلي
عليا:سلمكم
ريناد:هيا عليا عاصم وانور برا بيدخلوك
طلعت عليا ودخلوها خوتها وصلوها مكانها وسلمو عليها عاصم وهوا طالع جت قدامه سارة واقفه بعيد قعد يشوفلها وخاناته دمعه مسحها💔 وطلع بعد نص ساعه وصل راجل عليا وخش غيرو الدبل وقعد شوية وطلعو
اريج:سرو وين مش بتمشي معانا
ريناد:ايه اكيدة طلعت هيا نمشو خير مايفوتونا
طلعو البنات وخالاتهم مشو مع عليا ومفيدة وكريمه وامهم قعدو في الصاله مع الضيوف رن هاتف مفيدة:ايوا اريج
اريج:ماما سارة معاك
مفيدة لا يا بنيتي وين مشت
اريج:مش عارفه نحسابوها ركبت السيارة قبلنا بس لما وصلنا هنا مالقيناهاش
مفيدة وقفت:اللطف ياربي وين بتمشي
كريمه:خيرك
مفيدة:سارة قالو ماجتش معانا ومش لاقيينها
كريمه:ووك عليا بنتي😢
واعلنوا الاستنفار الكل يدورو في سارة روحو كريمه ومفيدة يبكو وشوية وروحو من حوش عليا
نرجس بغضب:هالفرخه لازم تفسد فرحتنا 🤬
مفيدة:اسكتي نرجس مانبيش نسمع صوتك
جو الولاد لما سمعو الخبر وعاصم بيحرق الدنيا ويعيط اتصل بمروان وجاه
عاصم:مروان تخلقها من تحت الوطا توا نبيها قدامي 😡
مروران: تم هي وطلع
انور من جيهة ومحمد من جيهة ومالك والكل يدورو بس ولا واحد لقاها رجعو للحوش وين مالكل مقعمزين في الجنان يستنو في خبر
عاصم:شنو ماتقوليش مالقيتهاش مروان :للاسف ياعاصم سيارتها موجودة بس هيا في ولا مكان من اللي متعودة تمشيلهم
عاصم خبط ايده في الطاولة وحدف الكرسي نزل راسه لين سمع اريج قالت :سارة شافها خاشه مشالها يجري
عاصم شدها من كتافها:سارة وين كنتي وين وقفتي قلبي
حاولو العيلة يقربو منها بس عاصم منعهم وماحد يتجرأ يقرب لانهم عارفين غضب عاصم شنو😩
سارة بهدوء وتشوفله:كنت في حوشنا
عاصم بصدمه:كنتي وين!
سارة:في حوشنا اللي مفروض اليوم نخشله عروس قامت ايديها شوف عاصم ني مش دايرة حنه تذكر قداش نقولك نحبها
عاصم بيموت على وجعها:قولي موافقه بس والله الليله نقراها فاتحتك ونديرلك عرس ماصارش قبل
سارة ضحكت:انت تحبني
عاصم:نموت في الارض اللي تمشي عليها حط ايدها على قلبه هدا ماينبضش الا ليك وباسمك ❤️
سارة ابتسمت وسكرت عيونهاوكأنه قلبها قاللها"خلاص انا لهنا معاش قادر نكمل اطمنا انه يحبنا خلاص" استسلمت للهدوء للمكان اللي مافيشي حد يزعلها او يبكيها وطاحت بين ايدين عاصم .....يتبع