وجدتكي ملجئي💜

part25

اسفه عالتأخير 🙁النت تعبني ان شالله تعجبكم الحلقه
Part25
اريج تشوف بصدمه😱😱
كانت الغرفه حمرا كلها والارضيه معبية ورد احمر والسرير كله عاهيئة قلب ومزينه بطريقه رأئعه💓
تلفتت لانور كان واقف عالباب ويتفرج عليها ويبتسم
اريج:هذا!!
انور قرب منها:هدي مفاجئتي ليك وشد ايديها عارف اني ضايقتك هلبا الفترة اللي فاتت وزعلتك وبكيتك وفي كل دمعه تنزل منك قلبي يوجعني بس حط ايده على خدها كان لازم تتعلمي درس وتعرفي انه لازم تعدي للعشرة قبل اي تصرف انا مستحيل نخليك لغيري بس نبيك تكبري عقلك واظن بعد اللي صار رح تعرفي تتصرفي كويس ولا!
اريج تبكي وهزت راسها موافقه
انور باس على راسها:اسف يا عيوني على كل دمعه نزلت منك بسببي وعلى كل ليله رقدتي فيها مضايقه مني وكل تصرفاتي معاك وكلامي القاسي يوم خطبتك بس البوسة مش اسف عليها😍😍
اريج:خزو يابارد وجعتني
انور يضحك:تو نعاودهالك المهم صافيه
اريج:صافيه وباساته على خده
انور:وين يا حلوة تحسابي روحك تبوسي في احمد هيا نبي حقي
اريج:شنو
انور:حقي يا ماما ولا شن بعد التعب هدا كله بنفوتها بوسات وقامها ومشو في حالهم 😁
عند سارة وعاصم روح بيها للحوش تعبانه بكل
عاصم:شن توا حبيبي
سارة بتعب:احسن من بكري
عاصم:نجيبلك شي
سارة:لالا قعمز جنبي نبي نقولك شي
عاصم:ها عمري قولي
سارة:نبي نمشي لخوتي ونحكيلهم على ايمن فات وقت طويل وهوا يستنى
عاصم:اي حبيبي بس انا خايف عليك صحتك اهم عندي
سارة:تخافش انا تمام نبيك تكون معاي لما نحكيلهم
عاصم:اكيد جنبك امتى تبي ووين ماتبي
سارة رقدت في حضنه:نحبك مووت
عاصم:نموت في حبك
تاني يوم طلعت سارة لعيادتها وعاصم مشي يشوف امه:السلام عليكم صباح الخير ياعيله
مفيدة:صباح النور وليدي كيف حال وحال سارة اليوم
عاصم باس ايد امه:كويسه اليوم احسن
مفيدة:بهي كويس وليدي كان تشوف وخيك الايام هدي كلها مضايق وماباش يحكيلي شي
عاصم:بهي حاضر وين هوا
مفيدة:في غرفته حتى الفطور قال مانبيشي
ركب عاصم لمحمد طق الباب وخش :ممكن نخش
محمد:انت خشيت اصلا
عاصم قعمز قدامه وولع دخانه:اها نسمع فيك
محمد شافله:انا قلت بنحكيلك شي
عاصم:مهو لما ترفض تحكي لامك ووضعك هكا اكيد رح تحكيلي انا
محمد:مافيش شي نقوله
عاصم:متعاركين ولا سيبتو
محمد واطى راسه وسكت
عاصم قامهوله:وانا موجود ماتواطيش راسك فاهم قولي خيرك وكل شي ليه حل
محمد:تعبتني وحق الله معاش عرفت شن نديرلها باش ترضى وانا نحبها ياعاصم حاس قلبي بيوقف وهيا بعيده عليا
عاصم:والمطلوب
محمد:تبي نتزوجها وتبي حوش بروحها ماتبيش تصبر عليا لين نكون روحي وتقدملها واحد حوشه كامل حاس روحي مربط
عاصم:وانت شن رايك
محمد:نبيها بس حاس اني رح نخسرها
عاصم:وقادر تفتح حوش ودير عيلة وصغار في عمرك هدا
محمد:معاها مستعد لاني مش نحبها انا مهووس بيها
عاصم خبطه على ظهره:خلاص مالا كلمها وحددو موعد نمشو نخطبو فيه وان شالله كل شي بالبركه عاقولت جداك😂
محمد:خيرك ياراجل تو شن كنت نقولك
عاصم:شد في ايدك عام ويكون حوشك واتي ونديرلك احلى عرس
محمد:بس
عاصم:مابسش هدا الكلام مش تحبها وتبيها وماتتحملش فراقها وخاش عالخط خطيب تمت القصه
محمد:ياعاصم هلبا هكا معقولة حوش بكبره انا بنخدم و
قص عليه عاصم:خدمتك واتيه وفلوسها اصرف بيهم على حوشك اللي بتعتبره هديه مني
محمد:والله هلبا تصرف فلوسك عليا
عاصم:مالا على من بنصرفهم على عيلتي انت عيلتي وخواتك عيلتي مش سارة بس انا يوم رجعت ليبيا كان هدفي نوقف معاكم وندعمكم زي ماوقفت مع انور وخواتي
محمد:ربي يخليك لينا ويقدرني نردلك جمايلك
عاصم:هدا مش جميل تبي تردهولي خليك كويس ديما وامك راضيه عليك
محمد:باذن الله
عاصم:تمام انا توا عندي خدمه تو يجيك مروان اطلعو خود لبس عاخاطر الخطبه مش معطلين بيها
محمد:اوك
طلع عاصم للشركه وركب لمكتبه فتح الباب وخش شاف حد مقعمز على كرسيه ولف
عاصم:😳
البنت:هاااي
عاصم:امتى جيتي وحظنها
البنت:اليوم جيت نستلم شغلي لو مافيش مانع
عاصم:انتي تؤمري أمر
البنت:جميل جدا
عاصم:اثبتي على لغه 😅ناوية تستقري هنا
البنت:يس
طق الباب وخشت سارة:سلام حبيبي
عاصم:اهلا بروحي شن الزيارة الحلوة هدي وباسها
سارة تشوف للبنت بتفحص في نفس الوقت تبيش تبين غيرتها انها كانت مع عاصم بروحهم
عاصم حس بيها وحب يلعب باعصابها:حبيبي تعالي نعرفك
هدي ميرا مديرة المحاسبة الجديدة وصديقتي وهدي سرو مدامتي
سارة:اها اهلا بيك😤
ميرا ابتسمت بخبث:اهلين ياحلوة
سارة:مش باين عليك ليبيه لهجتك مكسرة هلبا
ميرا:اه هلبا عاصم كان يعلم فيا نتكلم بالليبيه ومع الجامعه في امريكا اختلط الامر علي
سارة:اها😒
ميرا باستفزاز:اوك عصومي نلتقي في وقت اخر وباساته عاخده وطلعت
عاصم يحاول يخبي ضحكته
سارة:شن هدا عاصم شنو 😤😤
عاصم:شنو يا قلبي
سارة:شن تبوس فيك قدامي مش عرفتني عليها وقتلها مرتك
عاصم:بهي شن بنديرلها عيب يا روحي هدي جديدة في بلادنا
سارة بعياط:مش واضح انها جديدة تتكلم كويس
عاصم ضحك:مش كنتي تقوليلها لهجتك مكسرة 😂
سارة:عاااصم وكيف بتتكلم حست بمغص قوي تألمت
عاصم انخلع وجاها يجري:خيرك ياقلبي
سارة:بعد عليا برا للمايعه تبعك بوسها لين تشبع خزي خاين وطلعت حاول يلحقها بس ركبت مع مروان وقتله روح بيا توا
في الليل مقعمزة في حوش مفيدة يستنو فيه يروح للعشا شوية وخش هوا و محمد ومعاهم نفس البنت
سارة:ايح علينا
ميرا تضحك:اهلا بسارة الجميلة
سارة:اخطيني احسن
محمد:خيرك قريب تولعي 🔥🔥
عاصم حط ايده عاكتف ميرا وباس عاراسها
وقفت سارة:لا انت زودتها هلبا ره شن قصتك معاها اكيد متزوجها ولا
عاصم يضحك
سارة:اصلا الحق فيا متزوجاتك بدون مانعرف ماضيك طلقني بهي وبدت تبكي
ميرا قربت منها:انتي تبكي جديات ولا هرمونات الحمل
سارة قامت راسها:انتي الصبح كنتي مش عارفه تتكلمي كلمتين ليبي
ميرا ابتسمت:ذكيه قوليلي شن اسم حمواتك التركيات
سارة:دارين و...😱😱
ميرا ضحكت:اهلين بمرت خوي الغيورة 😜😂
سارة من الفرحه حضنتها:يعني انتي ماتحبيش عاصم
ميرا:لا طبعا نحبه مش خوي
سارة:اي نسيت😅
عاصم:طلقني صار تو نتفاهمو عليها
سارة واطت راسها وسكتت 🙈
عند العرسان الحلوين
انور:قليبي
اريج:عيون قليبك
انور:نموت فيك انا
اريج:انا اكثر يا عويناتي
انور:وين تبي تمشي شهر عسل
اريج قعمزت جنبه:بيبي خاطري نمشي الهند
انور:نعم هند شن ياروح امك تو انا داير فيها رومنسي وبنرفعك شهر عسل تقوليلي الهند
اريج:بهي خاطري نمشيلها ونشري ساري ونرقص على اغانيهم
انور:والنبي حولي من قدامي خير مانوض نعجنك مافيش سفر اقعدي هنا حتى طلوع من الحوش مافيش
اريج:لا خلاص نبصر معاك نمشي وين ماتبي انت بهي
انور:خلاص تم تعالي هي
روحو سارة وعاصم لحوشهم وميرا قعدت مع اريج وريناد اللي اصرو انها تقعد عندهم ويتعرفو
سارة تتهرب من عاصم لين حصل عليها:كيف قلتي طلقني
سارة صوتها هرب:لا حبيبي نبصر معاك ني
عاصم:تبصري صار بهي وكان طلعت مرتي حق
سارة:نقتلك وعضاته
عاصم:ااه والله نوريك ياسارة قعد يجري وراها لين شدها و..خلاص ياسر😁
نمشو لشخص اول مرة ندخلو في حياته الخاصه
محمد:والله نتكلم جديات يا قلبي
ريماس:الله بيبي مش مصدقه بنتزوجو
محمد:ايه اخيرا نحس في روحي طاير
ريماس:مش قتلك انا كلم خوك تو يديرلك حل
محمد:تي والله عيب انا لما قالي بناخدلك حوش تحشمت منه
ريماس:مهو ياروحي تخرجت وعلقت شهادتك تتفرج عليها
محمد ضحك:اي والله
ريماس بدلع:بهي نحبك ني
محمد بصوت عالي:تي نموت في دين امك انا يافرخه
"طبعا ريماس مش طامعه في الفلوس زي مافهمتو لا هيا تحب محمد بجديات وديما تنق عليه يتزوجها لانها خايفه يتقدملها حد وبوها صعب ويزوجها غصب هدا علاش تقوله اطلب فلوس من خوك وخود حوش ونتزوجو"
ثاني يوم الصبح عند عاصم وسارة
عاصم:شنو جاهزة ياروحي
سارة:خايفه ومتوتره كيف حاتكون ردة فعلهم
عاصم:توكلي على الله وانا جنبك
طلعو وتلاقو مع ايمن واتجهو لحوش اهلها وين ماكانو الكل مجتمعين بطلب منها ويستنو خشت هيا وقعد ايمن وعاصم برا
كريمه:شن ياسارة علاش مجمعتينا
سارة:نبي نقلكم خبر بس نبيكم تهدو وماديروش ردة فعل تندمو عليها
مالك:شن فيه ان شالله خير
تسنيم:خوفتيني
سارة:وين معتز
حسن:اكيد طايح في شي مكان سكران
سارة:ربي يهديه المهم بابا انت الوحيد اللي رح تصدقني طول لانك تعرف هالشي كويس
حسن:شي شنو
سارة:سفرة مصر قبل ماتجيب ماما مالك
حسن وجهه تلون وتوتر:وخيرها
سارة:خوي يا بابا جاني وحكالي كل شي
كريمه:خوك!!!
سارة:ايه يا ماما خوي بابا لما سافر لمصر تزوج وطلق مرته بعد جابت ولد وهوا لادوره ولا يعرف عليه شي
خوي كبر وامه ماتت بس وصاته يدورنا ويعلمنا بوجوده
مالك:شن تخرفي انتي من قالك مش فرخ شارع يضحك علينا
سارة طلعت ورقه:انا مش عيلة هدا تحليل DNAليه معاي ومع بوك شوفه
مالك شافه وقعمز مصدوم:يعني بجديات عندنا خو
على كلامه خش معتز مش عارف وين يعفس :شنو شنو خو شن اللي تحكو بيه ومن هداا اللي جايباته مع فرخ الحرام اللي متزوجاته
سارة:احترم نفسك هدا اللي برا خوك من لحمك ودمك وراجلي ماتتكلمش عليه
معتز:اياه كبرتي وبديتي تردي في الكلام على خوك الكبير
سارة:معتز بالله فوتني مش وقتك
كريمه تبكي وخلاص
تسنيم:سارة بجديات اللي قلتيه
سارة:ايه واهوا برا تو نقوله يخش وكيف جت بتطلع حست بشي اخترق بطنها ووجع يقوا
معتز:هدا جزاك ياكلبه عاللي درتيه فيا
سارة تشوف للدم بصدمه وكل تفكيرها في طفلها اللي في بطنها
"معتز ضربها بموس بسبب كلام حكاه وليد وتو نعرفوه"
تسنيم عيطت خش عاصم وايمن يجرو لقو الكل في حاله صدمه وسارة غارقه بدمها وتشوف لعاصم  قرب منها
مالك عيط بصوت عالي على معتز:اختك حامل ياحقير
قامها عاصم وطلعو بيها هوا وايمن للعيادة دخلوها للعمليات وقعدو يستنو عاصم مافتحش فمه بكل وداخله بركان يغلي
بعد 4ساعات انفتح باب غرفه العمليه وطلع الدكتور
عاصم:شني يا دكتور مرتي كويسه
الدكتور:وللأسف💔💔...يتبع