وجدتكي ملجئي💜

part6

نرجس:كيف يعني بوك تزوج واني مانعلمش 😡
عمر:والله ياماما اني مانعرفش بس بابا رفعنا اني ولين معاه مشوار ولبسنا لبس حلو وخدينا معانا عروسه حلوةوبابا قال هذي مرتي 😇
نرجس تعصبت عليه:لا وارفعكم معاه تاني والله نكرهه ف حياته هوا ومرته
عاصم:ليش انشالله اخر الدنيا كان تزوج بعدك 🤨
نرجس:لامايتزوج ورافع صغاري معاه تاني
عاصم:يعيش على ذكرياتك يعني بلا هبال زايد الراجل مادار شي غلط والصغار صغاره حتى هوا ريحي روحك😒
نرجس:حوشه نهده فوق راسه طلعني منه وسكن فيه الخمر
عاصم بعصبية:خيرك انتي مش اطلقتي وخديتي صغارك ويدفعلك في نفقتهم ولا ؟خلاص ماليك عنده شي ونسمع بيك ماشيتله -وقرب منها- مش حيصير خير😡
مفيدة:وانت مش ناوي تكمل نص دينك وتتزوج ياوليدي 💓
عاصم:مزال شويا يا امي خلي ننظم وضعي عالتمام هني وبعدها لاحقين على وجع الراس😏-وضحك وطلع-
.
.
رن الجرس فتحت اريج:اهلين انور😊
انور بابتسامة خبث:اهلا بالجميلة كيفك-ومد ايده-❣
اريج:تمام كويسة تفضل
انور:انتي من ربي كيوت ولا تاكلي ف التوت🤤-وغمزلها-
اريج ضحكت:مبردك بعدين انتا كيف تحكي ليبي بطلاقة هكي مش تركي
انور قرصها من خشمها:بوي ليبي ياحلوة لمحمد
ا نحكو زيه يعني ندوي ليبي خير منك-وخش-
اريج قعدو سرحانه فيه بعدها خشت وراه..🥀

انور سلم ع الكل وقعمز جنب مفيده يهدرز عليها..
نرجس:كنت تقدر تتصل بعاصم وتتلاقو ف مكان برا 🤨
محمد:نرجس خيرك-وفنص فيها-😐
انور:فوتها عادي متعود عليها اختي اللفعه هادي زابطها 😉
..كلهم ضحكو ونرجس طارتلها وطلعت
.
.
بعد وقت نزل عاصم وطلع مع انور للمربوعه يشتغلو مع بعض
__________
في حوش حسن🍃
معتز يقنع ف بوه وامه يوافقو يعطو سارة ل وليد ولد عمته
حسن:يامعتز ولد عمتك هادا ماينفعش ومستحيل اختك تقبله شوف مستواها هيا وهوا ديما سكران 😕
-ع اخر كلمة خشت سارة-
ساره:شن فيه منو اللي ديما سكران؟
معتز:حد المهم جايك عريس وبتوافقي 😐
سارة ضحكت:مش على مزاجك هوا ..نعرف من يكون ونفكر قبل
معتز:من العيلة هواا ..وليد ولد عمتك يبيك وشاريك صاحبي ونعرفه وبنعطيك
سارة:ولانه صاحبك اني رافضه رفض قاطع وبعدين عندي اب هوا يقرر بيعطيني او لا مش انتا 🤨
كريمه:غير شوفيه يا بنيتي ولد عمتك كيف نردوه صعبه وعيب😪
سارة انصدمت من امها:انتي يا ماما ..كيف تتمنيلي واحد زي وليد راااني بنتك مش عدوتك💔
كريمة:شن هالكلام شن قلتلك موتي اني
سارة:ايه قلتيها بزواجي من وليد انتي حكمتي عليا بالموت😢
حسن:خلاص الموضوع يتسكر اختك ماتبيش قوله مافيش نصيب
معتز تعصب:هوا هادا زيد دلعها وحني نحصلو فيها لاكن يكون فعلمك لو ماتاخديش وليد مافيش غيره😡 سارة طلعت تضحك ولا كأنها سمعت حاجه وطول للنوم
عند عاصم حط راسه عالمخده ويفكر في كلام امه صح هوا كبر وخاش عالثلاثينات ولازم يتزوج ويدير عيلة بس من بياخد هوا مايحبش الخلطه هلبا وقعد يفكر لين خداه النوم
فااتت فترة واليوم ذكرى وفاة اكرم وعاصم من الصبح فاق على مكالمه دارين ودموعها اللي قهراته لبس اسود ونزل بدون مايحكي مع حد وصل للمطبخ يسمع في حد يغني شده الصوت ووقف يسمع
"الاغنية لماجد المهندس ناقصك شي"
لاقلتلي...ناقصك شي...ورديت ابد ناقصني انت...لاتحسب الناقص ناقص شوي...يامن بهالرد استهنت...انت تعرف وش معنى صار...مالي فامر وصلك قرار...غير اني انتظرك تجي...توفي الوعد للانتظار...معناها انا وكل اللي...من حسبت العمر وعليا اااه...مانسوى عند الثانية في البعد عنك اي شي ...ولا قلتلي...قرب كثر كثر ماجيتلك...باحلامي وعشت بسلام...مع صحوتي ناديتلك...وجاوب صداي ارجوك نام نام نام💔...واحشني في الواقع كثير وحارقني في غيابك هجير....شوقي وانا شارب ظماك...وطعم الظمأ بفمي مرير...ورغم ان هذي النار فيني...مابطلت ترجف يدي..لاتسال اش ناقص ناقص ابدا ....ماناقص الا كل شي...لا قلتلي....
طلعت سارة من المطبخ بعد كملت الاغنية خبطت في عاصم اللي كان سرحان وماشافها :ووه خلعتني خيرك واقف هنا زي الشبح👻
عاصم تعصب بدون سبب لانه مضايق دفها بقوة عالحيط وقلها:فوتيني خير يافرخه اخر همي انتي مافلحكم في التلصيق😒
سارة توجعت وعيونها تعبو دموع :تمام اسفه وانسحبت عاصم استغرب سكوتها وعدم ردها بس طلع وصل للشركه وخش مكتبه بعد ماقال للسكرتيرة ممنوع حد يزعجه وتلغي كل شغل اليوم وقف عالشباك الكبير ويشوف للسما ويذكر في كل حياته مع بوه كيف يهتم بيه وعمره مارفضله طلب كان ليه الاب،الاخ،الام،والصديق رن هاتفه وفيقه من ذكرياته لقاه انور رد:الو
انور بصوت مخنوق:عاصم انا مسافر اسبوع وراجع تبي شي
عاصم عرف انور ماشي يزور بوه :لاسلامتك دير بالك على روحك بس
قعد في الشركه لوقت متاخر وبعدها رجع للحوش ركب لغرفته لقى اريج مقعمزة فيها استغرب قربت منه حضناته بقوة:ربي يرحمه ويغفرله💔
عاصم:امين يارب كيف عرفتي انتي
اريج:عليا من الصبح تبكي ياروحي😭ولما سرو حكتلي عالموقف اللي صار بينكم فهمت انك مضايق
عاصم:اي سارة رفست معاها الصبح ان شالله مازعلتش
اريج:قعدت تبكي وروحت بعدها
عاصم:تو نكلمها نفهمها بس بنسالك علاش هيا والفرخه التانيه اماني ديما عندنا يعني؟
اريج:بعد سافرتو انت وبوك ماما قعدت فترة مضايقه وبعدها جابت خالتي سرو ماما خدتها وقعدت معاها وطبعا من حسد خالتي حميدة لما جابت اماني قتلها خوديها مع سارة وهكذا تعودنا عليهم بالنسبة لاماني ماحد يحبها غير نرجس اما سرو فاكلنا نموتو فيها ماتعرفش قداش كويسه هالبنت ياعصوم 😍
عاصم:ياودي بهي وانتي تشكري تقول قتلك بناخدها
اريج:من زيك تاخدها والله وردة تهبل وطلعت
عاصم قعد يفكر في موضوع وبعدها نوم 😴بعد اسبوع رجع انور وكل حد لاهي في حياته
يوم الخميس في الليل ساهر عاصم مع اهله واحمد مقعمز على رجله يلعب بهاتفه :احم ياعيلةبنقلكم حاجه الكل انتبه
محمد:ومعنا السيد عاصم التركي سيخبرنا بقرار وحط هاتفه قدام عاصم عااساس ميكروفون😂
عاصم:بهي ياخفيف انا قررت نتزوج
مفيدة زغرطت:هدا يوم الهنا ياولدي بنشوف صغارك
نرجس:عروستك واتيه
عاصم:ومن قالك دوريلي ان شالله عاجباتك وحدا اهو خوديها لمحمد
محمد:خيرني شن داير في عمري ناخد ذوق نرجس وضحكو
مفيدة:شن عندك وحدا تبي نمشولها عاصم:لا ياامي انا ناوي ناخد من العيلة بس عطوني فترة ونقلكم تمشولها
مفيدة:بهي ان شالله ربي يكمل عالخير
اريج بضحكه شر:ان شالله تختار اللي في بالي
عاصم ضحك وقام احمد وطلع:شن رايك نمشو لماما غدوة
احمد:هااي يس نبي ماما 😍 ركب لغرفته ورقد احمد معاه
الصبح عاصم فات الشركه وطلع مع احمد لعيادة سارة بعدماخدي جدول اعمالها من اريج
وصل للعيادة ونزل حط احمد في مكان مخصص للعب الصغار وقاله نمشي نادي ماما ونجي ركب وسال على مكان مكتب سارة وصل للسكرتيرة:لوسمحتي اعطي علم للدكتورة وقلها عاصم
السكرتيرة بمياعة:حاضر لحظات بس طلبت سارة عالهاتف وقتلها دخليه تفضل ولو احتجت شي انا موجودة😘
عاصم شافلها بقرف وخش :السلام عليكم
سارة:وعليكم السلام تفضل عاصم
عاصم اعجب باسلوبها العملي وانها ماخلطتش بين حياتها الخاصه وشغلها :انا جاي نعتذرلك عالموقف اللي صار بينا يومها كنت..
قصت عليه سارة:كان ذكرى وفاة بوك معليشي حصل خير ان شالله ربي يرحمه
عاصم:امين يارب اسف مرة تانيه ومفروض نراضيك انا اطلبي اي شي تبيه وانا حاظر
سارة:والله طلعت تفهم يا ولد خالتي خليني نفكر شن نبي
عاصم في خاطرة:زعما شن تطلب ان شالله ماتخيبيش ظني ياساره فاق عليها لما صفقت
سارة :لقيتها تعرف فيه محل شكلاته جديد كل مرة نقول بنمشي بس مالقيتش وقت رح نعطيك مكانه وتاخدلي منه شكلاته حلوة عاذوقك
عاصم:جدياتك انتي
سارة:علاش خيرك لو ماتبيش عادي ره
عاصم:لا بس توقعتك تطلبي شي كبير او غالي
سارة بضحك:مش للدرجه هدي عاد عاصم انا عيني ماضايقه على رزق حد 🙂
عاصم:خلاص ابعتيلي العنوان وتوصلك الشكلاته توا تعالي معاي جايبلك مفاجئة نزلت سارة معاه وشافت احمد جاها يجري
احمد:ماما حبيبتي تاحشتك
سارة:ياروح ماما حتى انا هلبا عاصم ممكن تخليه معاي
عاصم:ايه اكيد الولد ولدك هي سلام
وطلع فات على العيلة اللي كانو مجتمعين في حوش الجدة وطبعا انتشر خبر انه عاصم يبي يخطب من خواله وكل وحدا تحاول معاه واماني حست روحها في خطر وبتستغل كل الفرص
روح عاصم باهله وهما خاشين قال:ياعيلة قررت بنخطب....يتبع