وجدتكي ملجئي💜

part8

سارة:هيا يامالك عندي عمليه عطلت خيرك😤
مالك:ياودي اني نزلت علاش مستعجله
شبحتله سارة على جنب وطلعت في الطريق يشوفلها ويضحك
سارة:ان شالله خير فيا شي يضحك
مالك:لا ابدا مافيش شي ياكنة خالتي وضحك😂😂
سارة:اووف علينا ندمتوني اني وافقت
مالك:ايه زي الحق انزلي لخدمتك انزلي
سارة اتجهت طول للعمليه وبعد 4ساعات كملت وكانت ناجحه وفي طريقها لمكتبها وقفتها
السكرتيرة:دكتورة عندك ضيف يستنى في مكتبك
سارة:منو!وكيف دخليه لمكتبي وانا مش موجودة
السكرتيرة:هوا قال لو مادخلتيني رح تعاقبك الدكتورة
خشت للمكتب شافت حد مقعمز على كرسيها وعاطي بظهره
سارة:اهلين!!!
ااشخص:ماشالله على طالبتي رافعه الراس
سارة بفرحه:دكتور كمال💕💕الحمد لله عاسلامتك امتى جيت
كمال:قبل ساعات بس وانا في الطريق معاي شيباني قعد يحكي على عيادتك ويشكر فيك حبيت نشوف بعيني
سارة:وشن رايك؟
كمال:تبارك الرحمن ممتازة زي مانعرفك
سارة:الحمد لله ايه وين ناوي تشتغل ولا جاي عطله
كمال:لا والله ناوي نستقر فترة هنا عندك ليا خدمه؟
سارة:ايه اكيد نتشرفو تخدم معانا دكتور
كمال:ان شالله خليني نرتاح وبعدها نتفاهمو
سارة:اوك سلامتك وبلغ سلامي للمدام طلع كمال ورن هاتفها ردت
اريج وريناد مع بعض:اهلا بمرت خويا
سارة:ايح علينا صرعتوني بخوكم هدا🙄
اريج:غير صفي النيه ياسرو طحتي فيه شكلك😂
سارة:تعرفو انا حمارة اللي رديت اصلا وسكرت الخط ودارت الهاتف طيران✈️
عند عاصم قاعد في غرفته يشتغل طق الباب وخشت عليا:عاصم نبي نحكيلك حاجه
عاصم:بهي تعالي خيرك خايفه هكا قعمزي واحكي اللي تبيه
عليا مش عارفه كيف بتحكي الموضوع قعدت ساكته وخلاص
عاصم قرب جنبها:قيمي راسك من شنو خايفه عليا انا نصك مش خوك وبس يعني انتي تحكي مع نفسك قولي وطول ماانا حي ماتخافي من شي
عليا:هوا انا فيه شن بنقولك..
عاصم حط ايده على قلبها:فيه حب هنا🥰
عليا ابتسمت لانه خوها فهم عليها بدون ماتحكي :هوا يبي يشوفك ويتقدم رسمي
عاصم:ايااه ومن امتى تعرفو بعض
عليا:من اولى جامعه
عاصم:وليش استنى لتوا باش يخطبك
عليا بحزن انا قتله نبيه يطلبني منك🥺
عاصم حضنها:بهي خلاص علاش الزعل اهو رجعت انا وخليه يتفضل امتى مايحب وان شالله ربي يقدم اللي فيه الخير🌹
عليا حضنت عاصم بقوة لانها عاشت طول عمرها فاقدة جزء منهاوتوا تحاول تعوض كل دقيقه فاتت بدونه
اما عند السيد انور فااريج مافارقت باله ابدا وحاير لانه اول مرة يصير معاه هكاطول عمره البنت بالكثير شهر ويفوت بس اريج كانت غير عالكل وقعد يفكر فيها لين خداه النوم
عاصم يحاول يكلم سارة وهيا لارد..!
ثاني يوم هوا نهاية الاسبوع وفيه يتجمعو الخوات والخوت في حوش امهم وعادة البنات يديرو في سهرة بقيادة سارة طبعا"اللي يشوف هبالها مع العيلة مستحيل يقول عليها دكتورة"
وصلو الكل لحوش الجدة بس استغربو عدم وجود سارة لانها عادة تكون اول الواصلين
اريج:عاصم تعالا شوية
عاصم:ها نعم قوليلي سارة وين ليش ماجت انا جاي نبي نشوفها
اريج:وهدا اللي بنسالك عليه ليها كم يوم مختفيه
عاصم:انا ماشي وتو نجيبها معاي دلع البنوت اللي دير فيه عااساس اول وحدا تنخطب
اريج ضحكت وخشت
وصل عاصم للعيادة وركب سأل على سارة قالوله في مكتبها خش للمكتب بدون مايستاذن
سارة:انتم كيف...عاصم😰
عاصم:ايه عاصم اللي يتصل بيك وانتي ولا هامك شن قصدك من حركاتك هذي فهميني
سارة بتوتر:اااا لا شي مش قصدي شي نبي نريح روحي فترة بس
عاصم:والفترة هدي تمت هيا ماشيين لحوش جداك
سارة:لالا مش ماشيه انا
عاصم:ماتعصبينيش واطلعي احسن نحكو شويه وبعدها لو ماتبيش تمشي نروح بيك هيا
طلعو ووقف عاصم عالبحر :احكي هي خيرك شن صايرلك من يومها انقلبتي 360درجه    Flash back
يوم النظرة الشرعية😍
سارة:انا قررت انه موافقه
لحظات صمت مرت وبعدين عاصم شد ايدها وباسها :نوعدك مانزعلكش ابدا وابتسم 😊
سارة سرحانه فيه ومش مصدقه اللي صار
عاصم:هي وين وصلتي
سارة:قعدا المهم نبي الخطبه فترة باش نتعرفو كويس ونبي نخدم رهو حتى بعد الزواج
عاصم:حاضر
سارة وانت عندكش شروط!
عاصم:انا طلبي الوحيد نبيك تكوني #ملجئي ياسارة انا تعبان في حياتي نبي نوصل عندك وتكوني راحتي بس
سارة بتفهم:حاضر
عاصن وقف:اوك تو نقول للعيلة تتفاهمو على موعد الخطبه وانا نكلم بوك على باقي التفاصيل باس على راسها وطلع    end back
سارة:مش صايرلي شي عاصم خيرك
عاصم:معناها خلاص سكري الموضوع انا وانتي مع بعض في كل شي وامتى ماتحتاجيني معاك وتوا يا غزالتي نمشو للعيلة بنفجرو القنبلة لاني فديت من اماني ونبيك تساعديني
سارة:قصدك تبيني نبعدها عليك😏
عاصم😂:ايوة بالزبط سلمها اللي تفهم وقرصها من خدها
وصلو خشو مع بعض شافتهم نرجس انجلطت😂:عاصم شن تلاقيت معاها عالباب
عاصم:لا والله انا جبتها من العيادة
الجدة:يبارك فيك يا ولدي هالقردة ليا ايام لاجتني لا دورتني
سارة:مهو يا جداي خدمه مانفضاش
عاصم حط ايده على كتف سارة تعمد الكل يشوفهم :حتى انا مش فاضيتلي يا جداي
سارة 😨😨
اماني:وعلاش بتفضالك عصومي
عاصم:مفروض البنت تفضا لخطيبها وزوجها المستقبلي ولا كيف يا اريج
اريج:اكيد طبعا 😁
اماني مش مصدقه:تبصرو ولا اكيد تبصرو
نرجس حاولت تدارك الامر وطلعتها برا
اما سارة شدت في يد عاصم بقوة لانه نظرات البنات لو كانت سكاكين ره قتلتها 😂"الحسد يا ناس"
طلعو برا
عاصم بضحك:خيرك قصدك خفتي منهم بجديات
سارة:انت واخد كل شي ضحك عندك حق مش انت اللي بتتحمل
عاصم:سارة نقصي صوتك الامر مش محتاج هدا كله انتي مزودتها
سارة ضحكت بهزوة:بالله زودتها عاصم احنا بنات وفاهمين بعض كويس وانا وياك والوقت وتو تشوف اماني شن دير انا نعرفها ونعرف سمها
عاصم واعصابه تلفت ودخان ورا دخان :شن قصدك يعني تي انا مش خايف من حد ولا هامني واحد فيهم مش غصب هوا 😠
سارة:اكيد مش غصب بس انا نقولك من اليوم عدوتها
عاصم:المعنى شن نفهم من كلامك انك تنسحبي ولا كيف
سارة:عاصم انا وانت.....يتبع