وجدتكي ملجئي💜

part4

Part4
صباحا الساعه 9في حوش اهل عاصم الكل عاطاولة الفطور ماعدا محمد وريناد "خميرة النور😂😂"الكل ياكل في صمت
مفيدة:وليدي فيه موضوع بنكلمك فيه
عاصم:تفضلي ياامي او تبي نحكو بروحنا
مفيدة:لاعادي كنت نفكر نديرو عشي لخوالك منه تتعرف عليهم ومنه على خاطر العتبه الجديدة!
عاصم:ايه عادي شوفي روحك واكتبي كل اللي تحتاجيه وانا نبعتلكم كل شي امتى ناوية يكون ؟
مفيدة:الليله شن رايك
عاصم:تمام تو نبعتلكم مروان يجيبلكم اللي تبوه وانا نحاول نكمل خدمتي بكري سلام توا باس راس امه وطلع
مفيدة شعور الندم بيقتلها وخاصه من معامله عاصم الكويسه ليها واذكرت موقف من عشرين سنة    Flash back
عاصم يبكي ويعيط :ياماما ارجوك ماتخلينيش نمشي نبي نقعد معاك ومع عليا لو سمحتي وعليا تبكي اما هيا نزلت دمعتها ومسحتها وقالت :امشي مع بوك احسن ماتعذبني بعدين نرجس معاها حق مش رح تكون خير منه   end back
فاقت من سرحانها على صوت احمد:ماما كملت فطوري اعطيني عصير
مفيدة:حاضر هاك هي
وناضت للمطبخ تكتب في النواقص للعشاء بعد كملت قعمزت في الصالون تكلم خواتها وخوتها تعزمهم
نتعرفو على خوال عاصم : طبعا ماليهمش اي دور في الروايه بس مجرد ذكر اسماء
عنده 3 خوال
*هشام الكبير متزوج بنت خالته وعنده امين وسندس
*احمد متزوج تونسية وعنده ريماس ورتال
*اسامه الصغير عايش مع امه مش متزوج
والخلات 3
*حميدة متزوجه وعندها رامي ورائد واماني
هدي كل همها الفلوس وطماعه هيا زرعت في راس بنتها فكرة تتزوج عاصم وتعيش بفلوسه انانيه وتكره الخير للناس
*حواء متزوجه راجل براني من منطقه تانيه وعندها ولد واحد سمير ليه دور في روايه بس مش توا
*ليلى الصغيرة مش متزوجه عايشه مع امها وخوها اسامه
الساعه 7مساءا وصلو الاغلب عاصم غير لبس توته مريحه ونازل من الدروج يسكر في ساعته قام راس شاف بنت واقفه على اخر درجه وتشوفله بهيام  قال في نفسه :استعنا عالشقا بالله😓
لما وصل فيها قربت منه وقالت بدلع مصطنع :هااي عصوم😍انا اماني بنت خالتك حميدة عافكرة انا مربيتني مامتك يعني مفروض تجهزلي غرفه في الحوش وضحكت
عاصم بقلة صبر:اهلا وسهلا بيك وفاتها واتجه للصاله الداخليه وين ماكان الكل مقعمزين طق عالباب فتحت اريج :تفضل تعرف عالعيلة الجميلة😂
خش عاصم وتعرف على خالاته وبنات خواله وامهاتهم وماعجباته ولا وحدا من البنات في تصرفاتها بس ارتاح لخالته ليلى
طلع للرجاله تعرف عليهم وقعمز معاهم تعشو وبعدها الكل روح اما اماني فاقررت تبدا في خطتها وماضيعش لحظه
________________
عاصم يدخن في الجنان ولما خش للحوش وقفت اماني في وجهه مرة تانيه :ايي عصوم شن رايك نتعرفو اكتر تعالى نهدرزو
عاصم بدي يتعصب:يااماني انا تعبان وطالع بنرقد مانبيش نسمع صوت فاهمه وفاتها
اماني في نفسها:اوف شكله بيتعبني بس عادي نجيبه وناخده ناخده _____________
ماحكيناش على كريمه ام سارة لانها ماحضرت العشاء واعتذرت من اختها تجي يوم تاني
بعد اسبوع بدون اي حدث مهم اتصلت كريمه باختها واعطتها علم انها جايه عالغدا هيا وبناتها وكناينها
نزل عاصم ماشي للشركة ووقفه صوت امه :عاصم
عاصم:نعم ياامي وباس ايدها
مفيدة:حبيبي اليوم جايه خالتك كريمه حاول تجي عالغدا
عاصم :باذن الله ناقصكم شي
مفيدة:لا وليدي سلامتك
طلع عاصم وطول للشركه وين مالقاها معبيه بنات اشكال والوان وانور مقعمز في مكتبه يختار في سكرتيرات ليهم
عاصم:شن ياانور ماعندكش مكتب تشتغل فيه
انور:مكتبك مريح شن بندير
عاصم:نوض  لمكتبك وفض هالزحمه اللي برا وانا نختار بروحي
بعد ساعه من المقابلات اختار عاصم نسرين كامديرة لمكتبه لانها ذكية في شغلها ومحترفة في الشغل واضح من Cvتبعها
الساعه 1الظهر طلع عاصم من الشركه واتجه للحوش لقي خالته وبناتها وكناينها سلم عليهم وطلع يسمع في صوت اغاني مشي وصل للمطبخ وخش شاف بنت قايمه شعرها وراسها لوطه تقرض في السلاطه تضحك مع محمد واريج واحمد شاد في رجلها ويبكي ويقول ماما !!!!!
عاصم :السلام عليكم
رفعت ساره راسها :وعليكم السلام اهلين عاصم الحمد لله عالسلامه
ابتسم عاصم وهز راسه بمعنى اهلا واذكر لقائهم من فترة واللي صار يومها Flash back
في وفاة اكرم لما تلاقو عاصم وسارة في المطبخ وقالتله :عظم الله اجرك
تلفت عاصم عالصوت واستغرب اللي صار وهي دقت قلبه اللي تسارعت فجأة بس تجاهلها ورد :اجرنا واجرك على الله    حضرتك!!
سارة انصدمت من اسلوبة :سارة بنت خالة حضرتك
عاصم ابتسم بخفة من ردها الجريء:اها صديقه انور اهلين كيف حال خالتي
سارة:كويسه نستاذنك ومشت طالعه
عاصم باستفزاز:اعصابك
طلعت بدون ماترد عليه     end back
سلم عاصم على سارة ووقف جنب اريج يشوف لاحمد :خيره هدا عالق
ضحكت اريج:هدا ولد سارة مدلعاته لين وصل للوضع هدا شوفت عينك
سارة غطت السلاطه ومسحت ايدها وقامت احمد :خلاص حبيبي اسكت اهو قمتك
احمد سكت طول
عاصم لسارة :كييف!!
سارة ببرود:عادي
اريج حست بينهم شرارة حبت تنهي الموقف :هدا ماما جابت احمد في السادس وقعد في الحضانه هلبا سارة تهتم بيه ولما طلعناه حضرتها تعودت عليه وقعدت حتى في الحوش هيا تهتم وتقريبا  مربياته وينادي فيها ماما
عاصم:اها كويس وطلع من المطبخ ركب لغرفته طلب دارين
عاصم:روني حبيبي كيف حالنا
دارين :اهلا حبي كأنك نسيتني ولا كيف
عاصم:حي كان تسمعك نادية عارفتها ماتحبهاش كلمة حبي 😂
ياقلبي مشغول الخدمه متعبتني نحاول نرتب الشركه بسرعه
دارين:ربي يعاونك بكري حكيت مع انور شويه وسكر عليا قال بيرقد
عاصم :ايه عالق معاي هالايام كيف حال امي وميرا
دارين:كويسين ميرا امس رجعت للجامعه
عاصم:اوك ديري بالك على روحك وامك سلام
في الليل متجمعين يتعشو نرجس لامها:غدوة موعدك عند الدكتور ياامي راه تنسي
عاصم:موعد شنو
نرجس:تابع عند دكتور سكر لانه سكرها قوي
عاصم:تمام الاسبوع الجاي مروح دكتور نعرفه بنمشوله وتغيري تابعي عنده
محمد استفزاته لقطه عاصم رد عليه بعصبيه :وشنو تخاف عليها هلبا يعني كان تحبها رهو قعدت معاها زمان مش اخترت بوك الحقير وخليتها هيا وخواتك
عاصم شاف لامه ونرجس بصدمه....يتبع