وجدتكي ملجئي💜

part9

Part9
سارة:عاصم انا وانت خذينا قرارنا خلاص وانا مش رح نتراجع فيه الا لو انت انسحبت
عاصم والدخان يطلع من وذانه 😅:عندك علم انه قلبي واقف توا😒😒
سارة ضحكت:والله سوري😇مش لدرجه اني نسيب بعد وافقت المهم توا نبيك توعدني انه مهماصار ودارو خلي علاقتنا بالثقه عاصم لانه لو مافيش ثقه زواجنا مستحيل يمشي قدام
عاصم:حاضر هي نخشو
سارة:قداش دخنت بالله
عاصم:مش عارف هيا فوتي
سارة:لا مش فوتي نقصه الدخان....وقص عليها عاصم:مضر ولا عارف ريحلي تفكيرك انتي
خشو للمربوعه وين ماكانو البنات والشباب متجمعين الكل شافولهم واماني كان تلقى تقتل سارة
اريج بضحك:شنو من بدايتها لقاءات بروحكم😅
سارة قعمزت جنبها:اسكتي خيرلك يافرخه حاسه روحي الليله بنموت
قعدو يهدرزو وعاصم يحاول ينسجم مع الشباب بعدين تعشو وطلعو للجنان يكملو السهرة
محمد:هيا فنانه سمعينا صوتك ولا متحشمه من خطيبك😉
سارة:فضح بيكم اصلا عارفه الليله مش حاتم الا وعاصم فايتني
عاصم ضحك وعرفها متحشمه منه:غني خيرك كان عليا انا سامع صوتك قبل وغمزلها
كلهم عيطو ويصفقو"برادة لما يعلقو على حد 😂"
سارة اذكرت لما كانت تغني في حوش خالتها وطلعت لقاته واقف يسمع
ريناد:تي هيا ياهم
سارة:بهي نفكر عندكم طلب ولا نغني عاذوقي الجميل😌
اريج:مهم جدا
سارة:مهم جداا وجودك في تفاصيلي...مهم جدا في اغاني ومواويلي...وغيرك ياحبيبي مو مهم عادي...تفز الروح لك لما تناديلي ..مهم جداا..جدا جدا..باغاني ومواويلي...توصيني عليك وقلبي متوصي💜...ياماخد كلي مني سيب لي نصي...اشوفك في عيوني كل ماغمضت💘...ياويلي من غلاتك ااه ياويلي...مهم جدااا...جداا جدااا باغاني ومواويلي...احب عطرك واشم رويحتك فيني...ياكل الناس في قلبي وفي عيني...لك ادعي في سجودي ياعسى تبقى...ياشمس الصبح انت ويا قمر ليلي...مهم جداا جداا ..مهم جدا وجودك في تفاصيلي....
محمد:الله عليكي يافنانه
سارة:اخجلت تواضعي😊 هيا انا بنروح محمد وصلني للحوش
عاصم:انا جبتك تو نروح بيك 😒
سارة:لالا نبيش نتعبك
عاصم:تعبك راحه هي تلقيني في السيارة
اماني:بشوية ياسارة مش هارب منك عاصم ره
سارة شدت في عاصم وشافتلها باستفزاز:لامهو نخاف عليه حبيبتي هدا بو صغاري😏
عاصم ضحك وطلع للسيارة بعد شويه ركبت سارة شد ايدها انخلعت وبعدت
عاصم:شن مش بو صغارك😅
سارة:غير قدام اماني بس مش تصدق
عاصم:شن مالا بنعيشو خوت
سارة:ياقليل الادب
عاصم زود السرعه وقاصد يخوف سارة بس انصدم لما شافها تضحك وطلبت منه يزيد السرعه
عاصم😰:متاكدة انك بنت
سارة:شن رايك انت 😏
بعد اسبوع يوم الخميس وهيا تلبيسه سارة وعاصم
صباحا في حوش حسن خشت كريمه لدار سارة مداهمة😅:تي نوضي حشم حالك تقول مش خطوبتك
سارة:الله ياماما علاش العياط عالصبح تو نوض بهي😪
كريمه:توا نشوفك قدامي نايضه هيا
سارة وقفت:اهو نضت هي ممكن تسمحيلي ندوش سبحان الله مايخلو حد يرتاح دوشت ونزلت فطرت وطلعت رفعها مالك تأكد في الحجز متع العشا والحلو والعصائر الساعه 3خشت للمزين
عند حوش مفيدة يجهزو في روحهم وحميدة عندهم تراقب في كل شي ليلى وامها مشو عند كريمه
عاصم ماخلى حاجه ماخداهاش لسارة وحطهم في محل تغليف وطلع مع انور ومحمد ياخد في لبسه
نرجس واماني في دار يفكرو كيف يفسدو الخطبة باي طريقه "نرجس تبي عاصم يتزوج اماني لانها نسخه منها في السم والحقد"
الساعه 7وصلت سارة من المزين وطلعت ايه من الجمال😍ركبت لغرفتها خشت عليها تسنيم:الله محلاها التسريحه والمكياج بس انا احلى منك😒
سارة:طيح سعدك اقلبي وجهك برا عاصم واخدني انا مايدورش في اللي احلى مني مقهورين😁 طلعت تسنيم متنرفزة
سارة في سرها:مش عارفه شن عجبكم فيه هالعاصم حسيته عادي يعني مافيه شي زايد عالباقي
شوي ووصلو صوت المنبهات والالعاب النارية🎇🎇🎇🎆واغاني قعدت شويه وخشت عليها اريج وريناد وعليا :عروستنا الحلوة وخيتي سلمها العاقله هيا ننزلو
سارة:شن حلوة ومنظمه
ريناد:ايه خوي لما يهبل فيك
سارة:نعرف اصلا
اريج:بشوية ياعبد الواثق ضحكو ونزلو سلمت سارة عالكل وقعمزت والحسد طبعا عنده نصيب وعيون حميدة بتطلع نرجس واماني شادين تركينه
مفيدة جت جنب سارة:ماشالله على بنيتي ربي يحميك
سارة:حااق حلوة ياخالتي ولدك حظه حلو خذاني ولا
مفيدة:هلبا ايه😅
وزعو العصير والحلو وتعشو وجي الوقت يخش عاصم يلبسها قالولهم البسوا كلهم تغطو الا اماني "حركات رخيصه😒" خش عاصم بهديكا الشخصيه واللحية اللي محددها والرايحه اللي عبت المكان😍😍 وصل سارة قرب منها وهمسلها :مبروك علينا عقبال نشوفك بالطرحه
سارة تحشمت :الله يبارك فيك
شد ايدها ولبسها الدبلة وطاقم ذهب وحديدة شافتلهم لقت مكتوب عليها "أميرتي" باس على راسها وبعدها لبستله خاتم وبدي التصفيق والتهاني والمباركات قصو الكيكه وبعدها عاصم غمز لاريج
سارة شافتله:شن فيه
عاصم:شن
وخشت اريج جايبه بوكس كبير ووراها ريناد شادة سفرة مغلفه وحطوها قدامها عاطاولة
في السفرة تشكيلة شكلاته من المحل اللي تحبه😍  والبوكس فيه 1000دينار مزينه وهاتف اللي كان عاجبها ولبسه كاملة
سارة:ياحليلي محلاك عاصم تعبت روحك شكرا بجد
عاصم باسها عاخدها:مش خسارة فيك تستاهلي اكثر
سارة:🙈بس سؤال ليش اللبسه هدي بروحها
عاصم:تو بعدين نقولك علاش توا بنطلع ردي عليا 😉طلع وبعدها روحو الكل وسارة مقعمزة تتفرج على الحاجات اللي جابهم عاصم وتاكل في شكلاته ومبسوطه عالاخر رن هاتفها لقاته عاصم:ايوا
عاصم:اكيد تاكلي في شكلاته
سارة شافت لايدها وضحكت:كيف عرفت قلها حفظتك واضح انك ادمان عليها
سارة:ايه وهلبا قولي هي شن قصه اللبسه
عاصم:اصبري يابنت قتلك بعدين مش توا وقعدوا يهدرزو
سارة:انسجمت مع عاصم هلبا وبدت ترتاحله
اماني تبكي:والله ماهي متهنية بيه رح ناخده ولو نسحره
نرجس:غير اهدي بس قعدين عالبر ره ينفصلو عادي بسيطه بس لازم ندورو لقطه على سارة تخلي عاصم يسيبها
اماني:بهي بس وحق ربي ياسارة نبكيك بدل الدموع دم
فاتو ايام وسارة وعاصم جوهم حلو وبدو يتقربوا من بعض واعجاب متبادل غير تسكير راس سارة وعنادها اللي مطلع عيون عاصم
نمشو للعاشق الولهان انور😁اللي مش عارف كيف يوصل لحبه انور في مكتبه يفكر كيف يوصل لاريج لانه خلاص قرر يعترفلها وناوي يبدا معاها صح اخر شي قرر ياخد رقمها من هاتف خوه ويكلمها طلع لمكتب عاصم خش بدون استئذان
عاصم:شن وكاله بلا بواب
انور:ايه حاجه زي هكا ممكن هاتفك شوي
عاصم:وعلاش
انور:نبي نشوف ندير بيه حاجه خيرك خايف عليه
عاصم حدف هاتفه عليه:بلا دوة فارغه
انور حفظ رقم اريج ورد الهاتف وطلع بدون ولا كلمه ركب للسطح واتصل 3مكالمات ماردتش بعتلها"انور ردي" وعاود عليها ردت
اريج:اهلين انور
انور وقلبه طاير بعد سمع صوتها:اريج بدون مقدمات نبي نقولك شي واوعديني تفكري كويس وماتظلمينيش
اريج:ان شالله خير
انور:نحبك وحق الله نموت فيك من يوم روحنا وفتحتي الباب لينا ماغبتي على بالي لحظه اعطيني فرصه نثبتلك حبي بس ووعد مانزعلكش ابدا
قطع عليه صوت تصفيق من وراه وقف قلب انور و........يتبع