وجدتكي ملجئي💜

part15

Part15
عاصم بصوت عالي وخوفه كافي يقتله:ساااااارة😰
ماحد تحرك من مكانه والاغلب يبكي على حالهم ولا واحد قرب لانهم عارفين عاصم خش انور:عاصم قيمها نرفعوها للمستشفى
عاصم ولا كلمه حاطها بين ايده ويتفرج عليها بس
انور:عاصم نوض ماتقعدش تتفرج ياراجل ويبعد فيه بس بدون فايدة لين عيط عليه بقوة تبيها تموت تبي تدفنها تحت التراب تي تحرك
فاق عاصم وقامها حطها في سيارته وطلع ماتشوف الا غبرة السيارة وصل في عشرة دقايق لعيادتها دخلها وطلب كمال من الاستعلامات ونزله
كمال:دخلوها للطوارئ بسرعه
عاصم شده عاجنب:مانبيش ذكر غيرك داخل
كمال بضحك:بهي ياراجل غير خلي نخش نشوفها وكلم الممرضه غيريلي الطاقم كله نسائي بسرعه
فاتت ساعه ونص عاصم بيموت برا ولحقو باقي العيلة ماحد تجرأ يسأله شويه وطلع كمال:الحمد لله عاسلامتها ماتخافوش عليها هبوط عام تبي اهتمام بصحتها وترجع زي قبل وافضل
كريمه:من شنو الهبوط كانت باهيه
كمال:والله ياعمتي مش باهيه بكل الواضح ليها ايام مش واكله والارهاق باين عليها ربي يشفيها عاصم الحقني مشي وراه بدون ولا كلمه خش للمكتب وقعمز
كمال:شنو ياصاحبي طحنا!
عاصم:ومافيش رجعه من يوم وفاة بوي لما حكت معاي وجت عيني في عينها"همسلي القلب وقال حانغرقوا"بس كابرت واني طحت طيحه حرفه
كمال:خير ان شالله ترجعو زي قبل وافضل
عاصم ان شالله بس بنقولك ماتخلي حد يخشلها زيارة
كمال:كيف هدي عيادة خاصه ومش ممنوع الزيارات
عاصم:دبر راسك ونفذ
كمال بهزوة:امرك سيدي😅
عاصم طلع ووقف برا يدخن
ثاني يوم فاقت سارة لقت كمال جنبها يقيسلها في الضغط:دكتور انا شن جابني هنا
كمال بابتسامه:الحمد لله عالسلامه شن كنتي ناوية تقتلي روحك
سارة عرفت انه صحتها خانتها💔
كمال:اطمني رهو اللي يحبوك مش رح يسمحوا يصيرلك شي
فهمت قصده:بهي امتى بنطلع
كمال:مزال لين نطمنو عاصحتك هبوط عام يابنت
سارة:مافيش حد ولا كيف خيرني بروحي
كمال:لا والله الكل موجودين بس سي السيد تبعك مانع الزيارات  توا ارتاحي ولاحقه على شوفتهم
اتكت سارة وقعدت تتفكر في اللي صار من لما طلعت من الصاله
Flash back
في الصاله لما شافها عاصم ونزلت دمعته بعدها معاش قدرت تتحمل تقعد معاهم انخنقت ومافيش حد حاس بيها طلعت برا فتحت شنطتها شافت مفتاح حوشها هيا وعاصم قررت تنعزل فيه خذت سيارة خالتها ليلى لانه المفتاح كان عندها وطلعت حطتها برا باش ماحد يشك انها جت بيها وخشت للحوش قعدت تتمشى فيه وتشوف في كل شي اللي مفروض عاصم يكون معاها في اللحظه هدي وصلت دار النوم لقتها مسكرة قعمزت قدامها وبكت باعلى صوت ماتعرفش قداش الوقت اللي قعداته في الحوش بعدها طلعت ومشت وطاحت بين ايدين اكثر شخص تحبه واللتي تعتبره امانها
end back
هيا تذكر جي قدامها خيال يمكن هيا مش عارفه خيال او حقيقي كان عاصم شاد ايدها ويهمسلها:حبيبي هيا فيقي ماتكسرينيش رهو بعدك نموت مش عارف نعيش بلاك سارة ماتخلينيش وانا نوعدك مايزفك غيري ياقلبي نوضي واضحكيلي بس وانا نحرق الدنيا على خاطرك وقرب منها استاحشت ريحتك وباسها وطلع❤️
نزلو دموعها وتمنت يكون حقيقي بعدها خداها النوم
فات اسبوت تحسنت صحة سارة وطلعت من العيادة ورجعت لشغلها
اليوم اسبوع عليا وبتجي زيارة لحوش اهلها والكل متجمع عندهم
سارة في مكتبها تشتغل رن هاتفها:اهلا رورتي
اريج:حبي كيف حالك وصحتك توا
سارة:كويسه وانتي شن جوك
اريج:تمام سارة بنقولك
سارة:عارفه اليوم اسبوع عليا نحاول نجي اريج ولو ماجيتش اعذريني وماتزعليش
اريج:تمام ياقلبي باي
سكرت تفكر في عاصم وقداش استاحشت شوفته عيونه وضحكته كملت الخدمه وروحت قابلتها تسنيم:اهلا باختي الفالحه
سارة:اخر همي توا انتي شن تبي
تسنيم:عليا جايه الليله بتمشي معانا
سارة:على جوي بنرقد توا وبعدين نقرر
تسنيم:بهي اختي حبيبتي قفطانك الاسود الجديد شريتيه ولبسه الدولاب ممكن ناخده
سارة:بلا وجع راس خوديه وركبت دوشت ونووم 😴فاقت المغرب لقت امها وتسنيم ماشيين قررت تقعد نزلت دارت عشاها وقعمزت تتفرج لين رن هاتفها انور
سارة:اهلا انور
انور:سارة محتاجك صايرتلي مشكله
سارة:ان شالله خير شن فيه
انور:الوقت متاخر توا الصبح بالله عليك نتلاقو
سارة:تمام وسكرت
عاصم:فهمني كيف سارة بتساعدنا
انور:غدوة تعرف
عاصم:شن غدوة يانور الشركه بتخسر
انور:شن بندير الوقت تأخر يطلع الصبح وساهل
الصبح ساعه 8نزلت سارة اتجهت لشقه انور خداته وطول عالشركه ركبو كيف بتمشي لمكتب انور قلها تعالي لمكتب عاصم خشت وسارة تحاول تخفي توترها شافت عاصم واقف عالشباك يدخن وواضح عليه التعب ولحيته المهملة زايداته جمال😍
سارة:كيف الحال
عاصم:تمام وانتي كيف صحتك
سارة:كويسه شن صاير
انور:صاير اختلاس في شركات فرع تركيا ومختلسين مبلغ كبير
سارة:اممم وشاكين في حد
انور:لا ونبو مساعدتك معانا ولا نشوفو حد تاني
سارة:ماصح وجهك اكيد معاك بس بنمشي نجيب لابتوب متعي نزلت هيا وانور ومشو لحوش مفيدة كلمت اريج نزلتلها ووقفت عليهم في السيارة:تفضلي سرو امانتك شن مافيش صباحو
انور:حبيبي وحق الله ماهو وقتك توا نفضالك بعدين
اريج شافت لسارة:خيره
سارة:تو بعدين يحكيلك
اريج بزعل:دير رايك سلام وخشت
سارة:زعلت ره وانت اعصابك بكل
انور:نعرف نرضيها هي اطلعي بسرعه
وصلو للشركه
عاصم:بتفهموني شن علاقه سارة باللي صاير ولا شنو
انور:سارة هاكر
عاصم:نعم بعياط
سارة خافت:انا هاكر خيرك
عاصم:ومن امتى هذا الكلام
انور ضحك:من ايام تركيا لاعبه في الدنيا هذي الثعلب
عاصم يمسح على لحيته بعصبيه:وكيف بتساعدنا
انور:هيا تعرف شغلها
سارة قعمزت وفتحت لابتوبها يبان قديم بس فيه كل خير بعد ساعه ونص
سارة:اللي مختلس يعرفكم شكله لانه فاهم كويس طريقه شغل شكرة متعكم بياناته نسخه من بياناتكم وبس اللي يركز يعرف وين الفرق هدا السبب خلاهم يحولو المبلغ ليهم هوا يشتغل ببرنامج اول ما وصلت البضاعه اشتغل وتحول المبلغ لحسابه وبرنامجه قوي نوعا ما
انور:بهي وكيف بديري توا
سارة:الفار كيف يحصل وشافت لعاصم ضحك وقاللها:بضاعه جديدة
سارة:بالزبط انتم عندكم صفقه جديدة وبتاخدها شركه تركيا وهوا اول مايسمع بيها بيشتغل برنامجه باش ياخد المبلغ مرة تانيه ووقتها انا لازم نخترقه ونعرف موقعه
انور:ياعيني عليك ثعلب بجد
سارةضحكت وبدت تخدم فاتو ساعتين:عاصم ترا شوف شنو هكا البيانات تمام
قرب عاصم وقعمز جنبها:ايه مليحه بكل والمبلغ كبير
سارة:تمام توا نستنوا بس شافتله وابتسمت وهوا هايم فيها انور لما حس وجوده غلط انسحب وقلهم بنجيب فطور
سارة انتبهت على روحها ورجعت تشوف للكمبيوتر اما عاصم عاجبه الوضع وزاد لصق فيها اكثر وهيا متوترة ومش قادرة تحكي
قعدو عالحال هدا انور متمدد عالصالون ويحكي مع اريج يرضي فيها
سارة دايرة روحها لاهية في اللابتوب وعاصم سرحان فيها ماحولش عينه من عليها
بعد وقت انور خداه النوم وعاصم رقد على كتف سارة وهيا قعدة مركزة في اللابتوب وتحاول ماترقدش باش لو اشتغل البرنامج تخترقه وتشرب في القهوة وكل شويه تشوف لعاصم وتلعب بشعره وتشم في ريحته لين رن هاتفها:الو بابا عاصم فاق و يشوفلها
حسن:وينك يابنتي امك قالت طلعتي بكري ولتوا ماروحتيش
سارة:ايه عندي شغل يابابا لو ماروحتش بعد شويه معناها بايته في العيادة
حسن:ردي بالك على روحك وسكر
عاصم بهمس:علاش كذبتي على بوك
سارة توترت من قربه:شن تبيني نقوله انا في شركه خطيبي السابق
عاصم:اممم عادي شن فيها بعدين انا مش خطيبك السابق انا حاضرك ومستقبلك
سارة شافتله:لا سابق و.......
قص عليها عاصم ببوسة وشادها بقوة لين دفاته
سارة:وقح معاش تقرب مني
عاصم:مستاحشك ياشر
سارة:بعد احسن ماناخد كمبيوتري ونطلع
عاصم قام ايديه بمعنى استسلام:ها بعدنا المهم خديت جرعه وغمزلها😉
سارة:بايخ وشدت هاتفها
بعد ساعتين عاصم عالشباك يدخن وانور راقد
عيطت سارة.......يتبع