وجدتكي ملجئي💜

part3

بعد 5شهور من وفاة اكرم اليوم الساعه 11:00صباحا وصلو انور وعاصم ومعاهم مروان ليبيا
كملو اجرائاتهم وطلعو من المطار وقفو برا يستنو في سيارة اللي بتوصلهم
انور ماقال ولا كلمه من لما طلع من تركيا😔💔
عاصم:انور افردها شوية ره الموضوع مفروغ منه وانا مش ناقص لو سمحت
انور:تمام نحاول بس نرقد وتو نفيق كويس
عاصم:اهو بنمشو للشقه خديتها ليك نرتاحو وبعدها بنشوف العيلة اووف
انور حط ايده على كتف عاصم:هونها تهون وخي ربي يكون في العون
عاصم:ياحكمك يا انور😂😂
انور:ايه مهو اللسان الكويس مايمشي معاك ابدا 😒
ركبو السيارة وبعد نص ساعه كانو في شقة انور طلبو وجبات كلوها وطول عالنوم
الساعه 8مساءا انور وعاصم طلعو من شقتهم واتجهو لحوش اهل عاصم
_______________
رنو الجرس فتحت بنت تبان في بداية العشرينات
انور ابتسم:اهلا بعاصم رقم2
اريج مافهمتش قصده :اهلين الحمد لله عالسلامه من فيكم عاصم
عاصم ضحك عاجنب:اهلين يااختي مش كأنك تشبهيني شوية
اريج حضناته بقوة :اخيرا اجتمعنا من زمان نتمنى نشوفك خوي الكبير الطرف😂😂
انور:لاهيا كلها شكلها عيلة طروف 😻
عاصم:بنخشو ولا نقعدو برا 😐
اريج:اه لا تفضلو اسفه 😁
خشو ورا اريج وهمس عاصم لانور :الزم حدك وبلاش منه اسلوب الرديف هذا 😒
انور بضحك:حاضر اخينا
شاف عاصم للناس الموجودين تقريبا ماقدر يعرف حد فيهم الا امه اللي من عشرة سنين مش شايفها
واقف قدامهم بشخصيته اللي مايهزها ريح وبكل ثقه😌
عاصم:السلام عليكم قرب من امه حضنها وباس ايدها وراسها
مفيدة تبكي:الحمد لله عاسلامتك ياوليدي ربي يحفظك ويحميك
بعد على امه وابتسم للكل :عرفينا ياامي
مفيدة:هادو خوتك
محمد ،اريج،ريناد ،وحميده مصماص الكرشه راقد
وهدا خوكم الكبير عاصم
اريج:اهلا وسهلا خويا الحلو 😍
ريناد:مرحب بخوي التركي انست البلاد
محمدابتسم بهزوة:اهلين
عاصم فهم رفض محمد لوجودة وفرحه اريج وريناد بيه
تلفت حس بحد يشد في سرواله شاف تحت ولد صغير لفت نظره جمال عيونه لزرق قامه فوق وابتسم
احمد:منو انت 😊
عاصم:انا عاصم خوك
احمد:حويا عاثم 🤔اممم انت علاش كبير هلبا
عاصم ضحك:عادي قعدت نامل هلبا لين كبرت
احمد:حتى انا بناكل هلبا باش نكبر زيك
عاصم :تمام اتفقنا
احمد:وين بابا مش انت حويا معناها بابا معاك ولا ☺
عاصم شاف للكل وسكوتهم خلاه يفهم انه احمد مايعلمش بشي :شن رايك تناديني بابا وانا نديرلك اللي تبيه
احمد ضحك وحض عاصم :بابا
تعرف انور عالعيلة وتعشو مع بعض وقعمز عاصم مع اخواته يتعرف عليهم اكثر واحمد مش راضي يبعد عليه
الساعه 12انور وعاصم بيروحو
عاصم :انا بنرجع مع انور للشقه جهزو روحكم بعد اسبوعين بننتقلو لحوش جديد الانه مش رح يكفي نقعد معاكم هنا
اريج:الله يعني بتقعد معانا
عاصم:اكيد كلنا مع بعض ولا ماتبوش
ريناد:اكيد نبو 😍
نرجس ماشاركت في الحديث نهائي وطول الوقت خايفه تنكشف كذبتها
عليا مبسوطه لانها رح ترجع تعيش مع توأمها
محمد:مش لازم ننتقلو ياسيد عاصم
عاصم ببرود:انا مانعيش في حوش لحد يا خوي بعد اسبوعين الكل يكون جاهز وطلع بدون مايسمع رد حد
محمد:شن يحساب روحه جاي اليوم وبيمشي الكل على مزاجه
مفيدة:محمد ياوليدي ماديرش مشاكل مع خوك ريحني
محمد مايبيش يضايق امه اكتر :بهي ياامي حاضر
مفيدة ركبت لغرفتها وتفكر والندم قاتلها عاللي صار من عشرين سنه 💔
فاتو اسبوعين وفيهم عاصم ينظم في الحوش الجديد وامور شركاته
الساعه 4العصر وصل عاصم ووراه مروان لحوش اهله خش وتقابل مع عليا حضناته ونزل محمد بعدها
عاصم :كيف حالها اميرتي
عليا:كويسه طول ماانت معاي
احمد:بابا جيت ورفع ايديه لعاصم يقيمه
عاصم:جيت يا عيون بابا بنمشو لحوش جديد فيه هلبا العاب
احمد:😍😍😍😍
محمد:ماتعيشش دور الاب حق بس
عاصم:مش ليا الوهم وهيا طلع الشناطي بلا دوة فاضيه
وصلو لحوشهم الجديد ونال اعجاب الكل كانت فيلا على دورين الاول صالات ومطبخ  والتاني كان غرف نوم وحمامات  وكان فيه فيلا تانيه لعاصم مسكرة ويجمعهم سور
نخلو عيلة عاصم في حوشهم الجديد ونمشو لبطلتنا
في العيادة طلعت الدكتورة من غرفه العمليا مسحت جبهتها بتعب وقدمت من اهل المريضه
سارة:الحمد لله عاسلامتها رح تقعد تحت الملاحظه اليوم وغدوة تطلع لغرفة عادية
ام المريضه :تسلمي يا بنيتي الله يرحم ولديك
سارة:ولو ياعمتي هدا واجبي ان شالله لاباس عليها ومشت لمكتبها تسطحت عالكنبه بتعب سمعت هاتفها يرن قاماته لقت 15مكالمه من نفس الرقم استغربت خشت على كاشف الارقام تبي تشوفه وصلتها رسالة من نفس الرقم "ردي علينا يا ثعلب"ضحكت وعرفت انه انور عاود اتصل ردت :انور يا حيوان امتى جيت البلاد
انور:ليا اسبوعين هنا حبيت نفاجئك اليومسارة:خزو اسبوعين وتوا كيف تفكرتني😔
انور:على اساس فاضيه بيا انتي طول الوقا عمليات زي المهووسة
سارة:مابردك المهم لازم نتلاقو غدوة
انور:تم فوتي عليا لانه مانعرفش البلاد مازال
سارة:اوك سلام
كملت شغلها واتصلت بمالك يروح بيها لانه ليل وصلت للحوش دوشت وتعشت كيف بترقد رن الهاتف فتحت الخط بدون ماتشوف منو :الوو😪
اريج:سارة ياحمارة وينك مختفيه انتقلنا لحوش جديد
سارة:ايااه شكله خوك مايبصرش 😹😹
اريج:اي والله حوش يهبل ياسرو امتى تجينا
سارة:تونسوف امتى نفضى ونجي هي بنرقد وجهك
اريج:تف احلام سعيدة حبي😚😚
"نفس الاسلوب انا والبيست فريند دقيقه اصحاب دقيقه اعداء😂"
خشت نرجس على اريج :كان تفوتيها بنت خالتك هدي خير صايعه وتو تجرك معاها
اريج بعياط:مادخلكش فيا وسرو معاش تتكلمي عليها
عاصم كان راكب لغرفته وسمع صوتهم :وطي صوتك خيركم شن فيه
اريج:اسفه هدي نرجس تحب تدخل في كل شي جهز روحك😒
عاصم ضحك:لا معاي ماتقدرش هي ارقدي تصبحي عاخير وطلع
اريج شافت لنرجس:ليش عاصم يتخطى فيك تقريبا ماتحكوش بكل
نرجس بتوتر:انتي تتخايلي بلا هبال
اريج:لا مانتخايلش بس الا مانعرف شن قصتك 😌😏....... يتبع