وجدتكي ملجئي💜

part5

Part5
محمد بهزوة :شنو بترمي اخطائك على غيرك 😏
عاصم بصوت عالي:سكر فمك احسن مانكسرك يافرخ وبوي ماتجيبش سيرته على لسانك 🤬دف الكرسي بقوة طيحه وكسر اللي قدامه انتم كيف هكا كيف ماقوا قلوبكم وطلع تحت خوف نرجس وندم مفيدة وحزن عليا 💔
ركب سيارته وكيف بيطلع ركبت جنبه اريج
عاصم:انزلي مش وقتك توا
اريج:لا مش نازلة نبي نكون جنبك لو سمحت انا عارفه فيه شي غلط ونبي نسمع منك
عاصم طلع بكل سرعة قريب قلب السيارة طفاها قدام البحر ونزل قعمز عالشط جت اريج جنبه :نسمع فيك
عاصم اذكر قبل عشرين سنه وانفتحت جروحه Flash back
بوي وامي صح تزوجو على حب بس بعدها زواجهم كان كله مشاكل وهموم وماتفاهموش ابدا وفي يوم وصلوا لقرار الطلاق ونرجس كانت واعيه وكبيرة اختارت امي بس انا وعليا كان يادوب عمرنا 7سنين صغار ومش فاهمين الا انه بوي وامي كل واحد منهم بيعيش في مكان مختلف طلعت من غرفتي واتجهت لامي نبي نرقد وقفت قدام الباب سمعت نرجس تقول :اعطيه ولده لو خليتيه معانا رح يكبر ويتعبك مش رح يطلع خير من بوه لوحيه لبوه وخلي عليا معانا حسيت بوجع في قلبي لاني مانتحمل نبعد على عليا دقيقه وحدة
نزلت نبكي وحضنتها كأنها بتهرب مني وقعدت عالحالة هدي لين رقدت انا وياها
بعد يومين تم الطلاق وبوي قرر يرجع تركيا كنا في الصاله كلنا بوي قال:اعطيني التوأم يامفيدة نرجس ماتبيني خليني ناخدهم معاي
مفيدة :لاخود ولدك مهما صار رح يطلع زيك وعليا بتقعد معاي
نزلو دموعي وقربت منها:لاياماما خليني معاك نبي نقعد مع عليا ارجوك
اكرم وقلبه تقطع على ولده اللي ماذنبه شي شده من ايده وقال لمفيدة :ربي يسامحك يجي يوم وتندمي عاللي درتيه
قرب من عليا حظنها وباسها :حبيبت بابا انا ديما معاك وجنبك اي وقت ونحبك مهما صار خلي قلبك هدا ابيض وماتسمحي لحد يلوثه
طلع وخداني معاه لتركيا وجرح امي ونرجس انحفر في قلبي قعدت اول سنه صايبني اكتئاب وتعالجت عند دكتور نفسي وبعدها بوي تزوج ناديه بطلب مني هيا كانت مديرة مدرسه اللي تسجلت فاها وطلبت منهم يتزوجو لاني نحبها وافقو وكانت ليا اكتر من ام ومع الوقت تعودت على غيابهم end back
شاف لاريج لقاها تبكي قالها:شوفت عينك خوك شخص بارد جدا بسبب اللي صار بس ننصدم انهم كذبو عليكم وقالو انا تخليت عليهم وسافرت
اريج شدت ايد عاصم بقوة :نوعدك من اليوم نكون جنبك ومعاك الوقت اللي تبيه اسفه للي صار
عاصم حضنها :من يوم شفتك عرفت انك اكتر وحدا رح تفهميني قعدو يهدرزو ساعات وبعدها رجعو للحوش خشو شافو نرجس ومفيدة في الصالة
عاصم قال:تصبحو عاخير وجي راكب وقفه صوت امه :عاصم خلينا نحكي
عاصم:مافيش شي نحكي انا وعدت بوي اني نعاملك باحسن طريقه لانك امي بس بنتك ما ليها عندي شي وركب
اريج شافتلهم بغضب:ادعو يسامحكم على كذبكم ويكون في علمكم رح نقول لمحمد وريناد
نرجس :اريج بلا هبال وانسي اللي صار
اريج:هه تبصري ولا مسكينه انتي وركبت لغرفت محمد خشت للدار وقتله سكر الخط نبيك في موضوع
محمد:اوك حبي بكرا نحكو سلام توا
خيرك انتي خاشه مداهمة وخيرك طلعتي معاه بكري شن واقفه في صفه
اريج :ايه وحتى انت رح توقف معاه بعد اللي بتسمعه شويه وخشو ريناد وعليا
ريناد :خيرك اريج علاش بعتي مسج انه نتلاقو في غرفه محمد
اريج:عليا احكيلنا اللي صار لما بوك طلق امك
عليا حكتلهم كل شي وكيف تعذبو هيا وعاصم وكل مايمرض حد منهم الثاني يتوجع معاه
ريناد تبكي:كيف يديرو هكا وانتي كيف سكتي على كذبهم وخليتينا كل هالوقت كارهين خونا كيف وطلعت قربعت الباب
محمد :اطلعو
ريناد مشت لعاصم خبطت عالباب فتحلها :ريناد خيرك تبكي حضناته بدون ماتتكلم دخلها وسكر الباب
ريناد :اسفه لانه ولا مرة حاولنا نتواصلو معاك او نكونو جنبك 😭
عاصم عرف انه اريج حكتلهم :حبيبتي اللي صار صار انسي اني رجعت وينعيشو مع بعض وخلاص حكت معاه شوي وبعدها مشت لغرفتها اما عاصم قعد يفكر في بوه وحياته لين خداه النوم
الصبح عند بطلتنا
فاقت الساعه 10 لانه عطلتها اليوم قررت تقسمها بين انور وخالتها
طلعت الساعه 11 مرت على انور وتوجهو لمكان يرتاحو فيه الزوز
موقع الشركه الجديد عالسطح بعد 23دور
سارة ايه مافيش جديد
انور :على حطت ايدك ياثعلوب 😂 حاس روحي لا فائدة مني
سارة :علاش خيرك
انور:ملل من الشركه للحوش من الحوش للشركه
ساره :معليشي شويه وقت تو تتعود ودير اصحاب
بعد وقت حطت انور في شقته واتجهت لخالتها وصلت واستقبلتها نرجس بكلامها المسموم فاتتها وركبت لخالتها
سارة: حبي توحشتك
مفيدة:تعالي ياام لسان وينك لا دوري خالتك ولا تتصلي
سارة:والله خدمه يا قلبي اهو جيتك وباست ايدها وراسها
نزلو يتغدو ونزل وراهم عاصم قعمزو عالطاوله
عاصم:كيفك يابنت خالتي شن اسمك قلتي؟!
سارة فهمت انه يحاول يستفزها :مش ضروري تذكر اسمي انا انت ركز في اماني وفوت الباقي وغمزتله😉
عاصم طارتله لانه اماني ناشرة خبر انها عاجباته ويعاكس فيها رد بعصبيه:نقصي منها قلة ادبك وقصري لسانك
سارة بتحدي:عيب نطلع ادبي وانت ماعندكش بعدين يقعد خاطرك فيه وناضت طلعت من الصاله
عاصم لامه:هدي ديما هكا لسانها متبري منها
مفيدة بضحك:ايه والله ماحد سالم منها فوتها انت وخلاص
عاصم هز راسه وطلع لغرفته يشتغل على اوراقه
نمشو لمكان بعيد على ليبيا
في تركيا نادية بعصبيه:دارين انزلي الى هنا فورا 😤
دارين ببرائة:ماذا امي لما تصرخين
نادية:ماهذا
دارين:انه استدعاء من المدرسه لا اعلم ماالامر امي
نادية:لاتعلمين ها وضربكي لزميلتك لاتعلمين عنه ايضا 😒😒
دارين:اسفه امي لن افعلها مجددا اعدكي
نادية:لقد اتعبتني يافتاة ان وصلني استدعاء اخر اقسم ساخبر عاصم
دارين بخوف :حسنا لنغلق هدا الموضوع ☹️
عند عاصم الساعه 11طق باب غرفته فتح لقاه محمد:ممكن نحكو
عاصم:تفظل خشو وقعمز عاصم اما محمد قعد واقف مش عارف من وين يبدا :انا اسف عاللي قلته امس ماكنتش نعرف انه القصه هكا واسف عاكلامي على بوك و..
قص عليه عاصم:انسى سكره الموضوع وانساه
محمد:نبدو صفحه جديدة خوت واصحاب ومد ايده
عاصم:هكا يسلمو الخوت وحظنه
محمد:ايه صح
قص عليهم صوت عياط وعراك في الصالة...يتبع