وجدتكي ملجئي💜

part23

اسفه جدا جدا عالتأخير بس كيف حصلت نت وان شالله تعجبكم الحلقه 😊😊
Part23
سارة:شن بنقلكم ياعيلة انور يسلم عليكم كلكم😅
عاصم تنهد براحه وضحك الحمد لله ياربي
نادية تبكي:حمدا لله
مفيدة:الحمد لله عاسلامته وحظنت نادية
اريج جت وواقفه بعيد
سارة ركبت لمكتبها شويه وطق الباب شافتله وضحكت قرب منها وحضنها بقوة:حبيبي ربي يخليك ليا
سارة:امين ولا يحرمني منك ياروحي
عاصم:هوا كويس توا
سارة:ايه حبيبي كويس بس مزال عليه الاجهزة احتمال نطلعوه في الليل
عاصم:المهم فاق الحمد لله تعرفي توا حسيت بروحي تالف بكل
سارة حطت يدها عاخده:ياقلبي الايام اللي فاتو مضايق حسيتش بروحك اقعد في المكتب حاول ترقد 
عاصم:شد ايدها انتي معاي
سارة:بهي تعالى قعمزت عالسرير وخداته في حظنها تلعب بشعره لين رقد غطاته ونزلت
نادية:هل سيبقى في العنايه اليوم؟
سارة:لالا الليل ان شالله نطلعوه
شافت اريج مقعمزة بروحها بعيد وتبكي مشتلها
اريج وقفت:كيف حاله
سارة حن قلبها لانها تعرف قداش اريح تحب انور بس عقلها صغير وتصرفت غلط:كويس
اريج:بهي الحمد لله
سارة:تخشيله!
اريج مسحت دموعها: ايه ايه اكيد
سارة نادت الممرضه:عقميها ودخليها لانور ومشت تشوف باقي المرضى
حست بدوخة بس ماعدلتش وكملت دورتها وقعمزت مع نادية ودارين
اريج خشت لانور لقاته راقد:حبيبي ياريتها فيا ولا فيك 😢هيا نوض وارجع زي قبل انا مستعدة نقعد بعيدة عليك بس المهم انت كويس مش قادرة نعيش وانت تعبان هكا انور نار في قلبي عارفه روحي مانستاهلكش بس عمتني الغيرة وقلت كلام فارغ ماحسيتش بكبره انا رح نرضى باي شي بس انت بصحتك قربت منه وباسته كانت بوسه وداع 💔ودعت فيها كل شي حلو بينها وبين انور وكل لحظاتهم الحلوة ضحكته،ريحته،كلامه،وحتى حظنه طاحت دمعه منها على خده بعدت عليه وطلعت
انور فتح عيونه ماكانش راقد وكان محتاج يشوفها ويسمع صوتها ويحس بقربها ولهذا اختار انه يمثل النوم لانه لو شافها رح يذكر كل شي ويطردها برا مسح دمعتها من عاخده وابتسم بخبث:وحق الله ندمك يااريج وانا انور😏
بعد اسبوعين تحسن وضع انور واليوم بيعطوه خروج
سارة معاه في الغرفه تغيرله عالجرح وهوا يتبرد عليها
سارة:خلاص ياانور اثبت بلا جو
انور يضحك:تي خيرنا عاد تو انتم فرحتو برجعتي بالسلامه ولا
سارة:بهي لخص
انور:مفروض ديرولي وليمه الحق
سارة ضحكت:عليك وعلى عاصم
انور:تو نطلع ونعرض عليه عندي مشروع وناوي نبدا فيه
سارة:ان شالله خير
انور:على بركه الله
سارة كملتله ولما تلفتت حست بدوخه تاني قريب طاحت بس شدها انور:خيرك
سارة:مش عارفه شكلة من تعب
انور:ردي بالك وشوفي روحك نرات ضغطك نازل
سارة:تمام
طلعو هيا وانور للعيلة وروحو لحوش عاصم مسكر راسه يقعد عنده لحد يتعافى
وصلو ودارله استقبال حلو بالرصاص والعاب ناريه والعيلة كلها موجودة"بالرغم انور مش ولدهم بس الكل يحبوه وخافو عليه"دخلوه للمربوعه وبدو يجهزو دايرين عشا
المغرب سارة غيرت لبسها ومقعمزة تمكيج خش عاصم:اميرتي
سارة ابتسمت:ها حبيبي
عاصم وقف وراها:مستاحشك موت
سارة حست بريحته متغيره بس فاتت:وانا اكثر ياقلبي جهزتلك لبسك كان بتغير
عاصم:ايه والله خلي نخش ندوش عالسريع استنيني نطلعو مع بعض
سارة:تمام
قعمزت في الصاله تستنى فيه وتفكر  لين باسها عاصم وحضنها:مش كان نفوتوهم ونقعدو في حوشنا خير
سارة بعدت عليه:لا عيب حبيبي هيا نمشو
عاصم حس بيها وفات:تمام هي اطلعي قدامي
فات العشي وفي الليل كالعادة ساهرين في الجنان
انور تعمد يقعمز جنب سارة ويحرق دم اريج😅
سارة:علاش مقعمز جنبي
انور يضحك:وخيره شن عيب ولا حرام
سارة:انت عارفني شن نقصد
انور:تي طز في الكل يا ثعلوب مادوري حد
سارة شافتله عالجنب😒:بارد
انور بصوت عالي:ترا اطربوني باغنية جميلة
عاصم:قعمز وهني روحك جرحك جديد
انور:شن قتلك بنرقص انا بعدين مافيا شي اني زي الاسد قدامك💪💪
عاصم😒😒
انور:هيا سارة غني
سارة:لا فوتني
انور اخس تو نغني بروحي تعالي فرخه ريناد غني معاي
ريناد:هي ابدا
انور:ظلامي ياظلامي..انتم سبب الامي..للأسف ضاع وياكم كل تعبي واهتمامي..عمت عليا الطيبه..عالم تحب الغيبه..متندم اني هواية..يل بكتو حتى ايامي..انسوني بس انسوني..رايد اعيش براحه..اي والله تعبتوني..واحكيها بالصراحه
ريناد:ماسامحكم واتفتهمو العكس..عيب اعتذر منكم وادنيا درس..باجر اكيد ارجع اقوى من الامس..كل همي من عندكم ماواحد يحس..ظلامي ياظلامي
انور يشوف لاريج:وين لقبل حبوني..تاليها شو تركوني..شايلهم اني بروحي..بس للاسف جرحوني💔💔
ريناد:حاليا اني بنعمه..اصلا ولا مهتمه..مدام انا مرتاحه..خليهم يسمعوني
انور:دنيانا يادنيانا..تفتر عليهم تفتر
ريناد:صح وحدي بس ربحانه..ولقلبه طيب يخسر
انور ابتسم بوجع:رح انسى عشرتهم والعشرة ندم..واحرقها صورتهم واحسبهم عدم..عاديه وانساهم..مايهمني الالم..يومية وياهم..معيود الفيلم ظلامي ياظلامي💔
اريج تبكي وخشت للحوش
سارة تشوف لانور هز راسه وطلع يدخن برا
عاصم مايبيش يدخل بينهم الزوز خوته مايبيش يوقف مع واحد ويفوت التاني لهذا قرر يخليهم يحلو مشكلتهم بروحهم
عاصم:شنو سارة
سارة:هيا وخشو للحوش
عاصم حضنها ويبوس فيها:لقد اشتقت لكي كثيرا
سارة ضحكت:ليس اكثر مني
"يحكو تركي طبعا تستغربوش علاش غيرت اللغه فجأه"
عاصم:بلا انا اكثر ولن تصلي حتى نصف اشتياقي
سارة بدلع:لالا انت مخطئ☺️
عاصم ضحك:حسنا لنرى الاثبات😍
وخشو عالمهم الخاص اللي انتم مادخلكمش بيه😂😂سايعين
عند انور برا يدخن واحد ورا الثاني يحاول ينساها بس بدون فايدة وهيا طول الوقت في وجهه
اريج:انور😓
تلفت شافلها يحاول يخلي روحها طبيعي:اها
اريج قربت:انت كويس
انور:الحمد لله كويس
اريج:بس انا مش كويسه تعبانه ياانور قلبي يوجع فيا هلبا
انور:انت سبب وجع قلبك درتيه بروحك
اريج بدموع:وانت عادي عندك اميرتك تتوجع وتبكي عادي نقعد زعلانه
انور يتفادى يشوف لعيونها لانه عارف روحه رح يضعفلها:هه كله بدي عادي عندي وسيبها وخش للمربوعه سكر الباب وقلبه يوجع فيه
اووف ياانور كيف قدرت تخليها تبكي وتحملت دموعها ااه ربي يعيني عليك يااريج بس اللي في راسي رح نفذه مهما يصير
ثاني يوم فاق عاصم خش دوش ونزل:سرو وينك
سارة من المطبخ:هنا حبيبي
جاهاوحضنها:صباحك عسل ياعسلي
سارة باساته:صباح الورد غزالي
عاصم:امتى نضتي
سارة:بكري ذكرت انور بدواه وعطيته فطوره لازم ياكل قبل الدوا
عاصم:اها بهي شن وضعه
سارة:كويس حبيبي متحسن عالايام اللي فاتو
عاصم:الحمد لله قعمز يفطر وبعدها طلع للشركه وسارة مشت لحوش خالتها تهدرز عليها
في الشركة
عاصم عالهاتف:اذا هكذا يااركان
المتصل:نعم سيد عاصم كما اخبرتك
عاصم ضحك:حسنا دعنا نقنعه انه ربح الموقف لصالحه
المتصل:كما تريد
عاصم:اخبرني ان حدث شي جديد
المتصل:بالتأكيد الي اللقاء
سكر عاصم خش مروان:صباح الخير
عاصم:وخيرك تقول فيها من ورا قلبك
مروان:فددني الفرخ اللي عندنا هدا
عاصم:ايي اطلقه بهي وارتاح😅
مروان:اضحك ايه من زيك انت
عاصم:اللهم لاحسد
مروان طلع ومشي طول لوليد خداه ولوحه قدام مستشفى وفاته
بعد اسبوع الساعه 1الظهر
خشو عاصم وسارة لحوش مفيدة
عاصم بصوت عالي:اريج اريج
نزلت تجري:نعم خيرك
عاصم:بري البسي حاجه باهيه وحطي حاجه على وجهك وانزلي
اريج:علاش شن فيه
عاصم:فيه واحد طلبك وجاي بيشوفك ويقولك شروطه
اريج:انصدمت شنو لالا عاصم بالله عليك مانبيش انا
عاصم:مش بكيفك هوا انا عاجبني الراجل وعطيتك بس هوا جاي بيقولك شروطه
اريج بدت تبكي:عاصم ارجوك مانبيش نتزوج انا
عاصم تعصب:مش لعب هيا بعد عطيت كلمه للراجل انا عندك عشرة دقايق وتكوني قدامي في المربوعه وطلع
سارة قعمزت جنب خالتها والكل مصدوم
ريناد:بري ديري اللي قالك عليه خوك مرات يطلع راجل كويس
اريج:مستحيل ناخده لو نموت سارة  ساعديني اقنعي عاصم
سارة:ماعندي ماندير الراجل كويس زي ماقال خوك واصلا خلاص يعتبر خطيبك
اريج خلاص انهارت وقفت ركبت غسلت وجها وغيرت لبسها ودارت لمسات ونزلت
دارت قهوة وطلعت طقت باب المربوعه فتحلها عاصم:خشي وديري اي لقطه غلط نقتلك
اريج مصدومة في خوها اللي تغير اسلوبه معاها فجأه بس خلاص معاش هامها شي بعد خسرت
خشت قدمتله القهوة بدون ماتشوفله حتى وقعمزت
الولد:شن ماتبيش حتى تشوفي وجهي
اريج....يتبع