وجدتكي ملجئي💜

part22

اسفه عالتأخير😍 تنسوش تفاعلات
انور:شن قلتي عاودي
اريج خافت بس مصره على كلامها:هدا الحق انت وياها ديما مع بعضكم حتى نحكيلها انك هاملني تقولي تو نكلمه بصفتها شنو
انور يحاول يشد اعصابه لانه لو فلتها احتمال يقتل اريج تلفت لسارة اللي كانت مصدومة ودموعها تنزل قلها:اركبي البسي عبايه وتعالي وخش لعاصم قله بنرفعهم يشوفو حاجه ونرجعو
نزلت سارة ركبت السيارة بدون ولا كلمه
اريج:مانبيش نمشي معاكم
انور ضاغط على سنونه:تركبي ولا اقسم بالله دافنك في ارضك توا رهو على اخري🤬🤬
اريج ارتعبت منه وركبت ربع ساعه ووصلو لمكان فاضي نزلت سارة وانور نزل اريج بالسيف ووقف قدامها:هي عاودي شن قلتي
اريج ساكته
انور بعياط:عاودي شن قلتي
اريج:قلت..انك انت و..انتم
انور:انا وسارة نحبو بعض
بدي يعيط وعروقه كلهم ارتسمو ووجهه احمر انتي بوعيك ها من وين جبتي جرأة وحكيتي الكلام هدا تشوفي فيها هذي مرت خوي تفهمي شن معناها شن تحسابيني فرخ حرام نحب مرت خوي ولا نخلي خوي ياخد بنت انا نحبها انتي اصلا فاهمة علاقتي بيها عارفه من امتى نعرفهافوق العشرة سنين يعني لو نبيها مانخليش ذكر يشوفها وماحد يقدر يتكلم لو خوي حس اني نحبها رهو مافكرش فيها ابدا هذي تفهم عليا من عيوني اكتر شخص وقف معاي تعرفي انها 3مرات تتبرعلي بالدم كل مانطيح نلقاها جنبي مافيش يوم قتلها محتاجك ووخرت
اريج تبكي وتشوفله بندم
انور:انتي منو اصلا باش تتهمينا بشي زي هدا انتي ولا مرة حسيتي بيا هامك نتزوجك وبس مليون مرة قتلك اكبري راهو تعبتيني اخرتها طلعيني نحب مرت خوي عارفه هدي نخاف عليها اكثر من خواتي وعلى خاطرها نموت يوم خطبها خوي فرحت لاني اطمنت عليها عند راجل هذي على دموعها واهانتها رح نسيبك
اريج بصدمة:انور
انور شدها من يدها بقوة:ششش سكري فمك مانبيش نسمع صوتك بكل معاش نبي منك شي جايبك هنا باش نعرفك قيمه روحك بس و مانسمحلكش تشكي فيا عارفه علاش كنا نضحكو كنت نحكيلها عالمفاجئة اللي دايرهالك كنت نقلها عيد ميلادها قريب ونبيها ماتنساشي بس خسارة فيك ودفها💔
سارة تبكي:انور روح بيا توا
انور عيط عليها:امسحي نم دموعك ماتبكيش عليها هذي ماتستاهلش هيا هذي اللي تقولي عليها بنت قلبك
تلفت لاريج وقرب منها:تنسي حد اسمه انور وجهك معاش نبي نشوفه
اريج:لا انور بالله عليك لا
انور قام ايده بيضربها شداته سارة:ياسر
انور:حولي خليني
سارة:قتلك ياسر هيا روح بيا توا وركبت السيارة
ركب انور وقعدت اريج بتموت بسبب تفكيرها السادج وتسرعها خسرت كل شي دفعه وحدا حبيبها واعز اصحابها💔💔
رجعهم وطلع طول خشت سارة للحوش بدون ماتشوف لاريج
عاصم مقعمز في الصاله:كأنه عطلتو
سارة لارد
عاصم شد ايدها :نكلم فيك
سارة!!
حضنت عاصم وتخاول ماتبكيش قدامه:غير الطريق زحمه حبيبي
عاصم:اها وين مشيتو
سارة:انور داير مفاجئة لاريج
عاصم:بهي هيا نركبو
سارة:بهي
ثاني يوم متجمعين العيلة في حوش مفيدة حاولت سارة تتهرب بس ماقدرتش ورفعها عاصم معاه تغذو مع بعض وقعمزو يهدرزو
سارة لاول مرة تحس روحها غريبه بينهم وانه عاصم بس هوا اللي تعرفه قعدت مقعمزة جنبه وماشاركت في الهدرزة بكل
اماني تلقح:سارة فهمناك مرته مافيش داعي تلصقي فيه واكلينه رهو
سارة ولا كأنها تسمع شافت لعاصم وهوا فهمها
عاصم:ريحي روحك احسن حسابك قاعد ماتمش
اماني خافت وسكتت
اريج تشوف لسارة وتبي تتأسف منها بس حست روحها حقيرة اسفها مستحيل يأثر نهائي
سارة:بيبي عادي نروحو
عاصم:براحتك ياقلبي انا بنمشي لانور اطلعي معاي هي
مشت سارة للحوش وخذت معاها احمد وعاصم طلع
وصل للشقه فتح وخش لقاها مظلمه كلها وريحتها دخان
انور ببرود:اهلا
عاصم:خيره شقتك خامرة هكا
انور:ماعنديش نيه نظف
عاصم:خيرك انت مش طبيعي ولا متعارك مع الكبيدة
انور ضحك بهزوة:اي كبيدة
عاصم:شن صار احكي
انور بهدوء:مافيش نصيب ربي يبعتلها ولد الحلال انا فرخ حرام
عاصم:ادوي كويس
انور:هدا هوا وقعد يحكيله في اللي صار
في حوش مفيدة تحديدا غرفه اريج
عليا:انتي كيف تتصرفي هكا يااريج هبلتي
اريج:والله قلتها من غيضي وشوقي ليه ماحسيتش بروحي
ريناد:مهما كان تصرفك غلط مافيش حد تجرأ يقول هكا درتي احرف من نرجس
اريج:ساعدوني بالله عليكم نبي سرو تسامحني وانور
ريناد:انسيها سارة مستحيل تسامحك انتي شكيتي فيها رهو مش حاجه بسيطه ديري عمايلك وقعمزي ابكي وطلعت
روح عاصم خش شاف سارة تمسح في دموعها
عاصم:روحي
سارة:حبيبي امتى جيت وباساته
عاصم:مافيش داعي دسي دموعك انا عرفت كل شي وكأنه عطاها الاذن تفتح قلبها
بكت بصوت وطلعت كل شي في قلبها:عاصم انت شكيت فيا في يوم
عاصم مسحلها دموعها:لو شاك فيك مستحيل نتزوجك انتي روحي وانور انا مربيه انتم اكثر شخصين واثق فيهم
سارة سكتت ودموعها ماوقفتش
الساعه 4الفجر رن هاتف عاصم فاق ورد لما لقاه انور:ها خيرك
المتصل:ياخوي الشخص هدا داير حادث ولقينا رقمك اخر واحد في الاتصالات
عاصم وقف:نعم امتى صار وشن وضعه
الشخص:والله مانعلم نستنى في الاسعاف بناخدوه للمستشفى
عاصم:خوده لعيادة.... وتلقاني قدامكم
سارة:خيرك حبيبي
عاصم متوتر:نوضي غيري بسرعه انور داير حادث وطلع
خلال عشرة دقايق كانو في المصحه وجت معاهم عليا ونرجس
سارة طول غيرت وخشت للعمليات مع كمال
اما عند اريج تتمنى تموت
بعد 3ساعات طلع كمال جاه عاصم:شن ياكمال
كمال:وضعه حرج ياعاصم ادعوله
عاصم:شن يعني خيره خوي تكلم
طلعت سارة ووضعها مش احسن من عاصم:انور تعبان واحتمال يكون في غيبوبة
عاصم قعمز عالمري وحيلة انهد على خوه اللي يعتبر فيه كل دنيته
سارة رمبت لمكتبها بروحها وكل ذكرياتها مع انور تمر بين عيونها
"اصعب شعور لما تشوف اللي تحبه يتعذب ويتوجع قدامك ومش قادر ديرله شي يساعده ويريحه"
عاصم طلع من العيادة مايشوف في شي ويتخايل في خوه يموت ويدفنه زي مادفن بوه
في مكتب سارة طق الباب وخش كمال شافها حاطه راسها عالمكتب
كمال:سارة
قامت راسها وعينها حمر:نعم دكتور انور صارله شي
كمال:لا وضعه مستقر حاليا
سارة:بس مافيش اي استجابه في جسمه
كمال:ايه انور يعتبر في غيبوبة ارادية
سارة:ربي ينوضه بالسلامه
في الليل سارة طالعه من العنايه قابلتها اريج تبكي
اريج:سارة بالله عليك دخليني
نشوفه
سارة شافتلها باحتقار ومشت
اريج لحقتها وشدت ايدها:ارجوك سارة على خاطر صحبتنا
سارة بعديت ايدها بقوة:اي صحبه تتكلمي عليها انا معاش نعرفك الصحبه اللي تسمحلك تشكي في حبيبك وصاحبتك بلاش منها
الممرضه:دكتورة ندخلها
سارة شافت لاريج اللي تبكي:ممنوع اي حد يخش لانور ومشت تتصل بعاصم مايردش عليها كلمت مروان:ايوا
مروان:اهلين دكتورة
سارة:عاصم معاك
مروان:لا بس يبي يقعد بروحه
سارة:تعرف وين هوا
مروان:ايه
سارة:تعالا ارفعني
مروان:حاضر هي مسافه الطريق
رفعها لعاصم في الشركه بروحها يدخن ويفكر في انور مش قادر يشوفه راقد بدون حركه وهوا عاجز يساعده
سارة حطت ايدها على كتفه:ادعيله حبيبي
عاصم:كيف حاله
سارة:على وضعه قاعد
عاصم:فيش اي تحسن
سارة:هوا في غيبوبة ارادية يعني امتى مايبي رح يفيق
عاصم هز راسه ويدخن.قعمزت سارة جنبه حضنها بقوة:محتاجك
سارة تمسح على شعره:وانا جنبك ديما
بعد يومين انور مزال على نفس الوضع دارين ونادية وصلو من تركيا والكل خايف عليه
طلع كمال وسارة من العناية وجوهم ماتتفسرش
عاصم شافلهم وساكت
نادية:كمال اخبرني كيف هوا ابني
كمال نزل راسه ومش عارف شن يقول
سارة بضعف:عنده 24ساعهلو مافاقش يعتبر ميت سريريا ونزلو دموعها
طاحت نادية اغمى عليها ودارين تبكي اما عاصم طلب يدخلوه لخوه
خشله نزل على ركابه وشد ايده:هيا نوض يااسدي ياسرك نوم هنت عليك تخليني بروحي تبي تزعلني
تذمر لما كنت صغير وتخشلي تلقاني راقد كيف تقعد تبكي وتقول عاصم رقد وزعلني هيا نوض وماتزعلنيش انور مش وصالك بوي تقعد جنبي وماتتهلاش عليا قعد شاد يده ويبكي بعد مدة طلع
فاتت24ساعه عالمل بخوف وتوتر
اريج قاتله روحها بكي
ثاني يوم كمال وسارة عند انور والكل برا يستنو في خبر اما يفرحهم او بيقتلهم💔
انفتح باب العنايه وطلع كمال ووراه سارة
كمال:احكي انتي سارة
سارة شن بنقلكم .... يتبع