وجدتكي ملجئي💜

part12

Part12
سارة حطت ايدها على خشمها لما حست بدم نزل وتلفتت انصدمت انه الكف جاها من عاصم😰
عاصم:مش رح نسمحلك تقعد اختي💔
سارة نزلو دموعها نار على خدها وضحكت بوجع:اختك صار توا طلعت اختك ها
عاصم ساكت ويشوفلها بس
سارة:انا غبيه كيف صدقت انك ممكن توقف معاي تقعد اختك ورح تفوتني على ابسط سبب خسارة وعودك نحت الخاتم وحطاته في ايده وقتله بضعف انتهينا😓وتلفتت لنرجس اللي تضحك :هدا خوك وانا طالعه من حياتكم تتهنوا ببعض وخذت شنطتها وطلعت
عاصم قعد يشوف لسارة لين ركبت سيارتها وطلعت شاف لترجس وقلها:نهنيك وهدي البنت الوحيدة اللي حبيتها خليتيني نخسرها ارتاحي وافرحي ونزلت دمعته وطلع 💔
مفيدة تبكي:علاش يابنيتي هدا خوك لحمك ودمك ماصدقت رجعلي وعايشين مرتاحين ربي يهديك ويسامحك وطلعت
اريج:حسبي الله ونعم الوكيل فيكم بس يكون في علمك تحلمي الحقيرة هذي تاخده عاصم وانا في وجهك وطلعت هيا وخواتها
اماني:زعما مايصيرش اللي نبوه
نرجس: لا طبعا  يصير هذي الخطوة الاولى تمت توا دورك تكوني جنب عاصم وتنسيه سارة انتي وشطارتك
اماني  ضحكت:اوك
سارة وصلت للحوش بعد جهد ودموعها ماوقفوش ونجت من حادث مرتين ركبت لغرفتها بسرعه ماتبي حد يشوفها وقلبها بيوقف وخشمها مزال ينزف قعمزت على سريرها تبكي بقهر وتذكر يوم وعدها عاصم مايزعلهاش ويوم كانو مع بعض عالشط وقعد تبكي قلها وانا معاك دموعك معاش ينزلو بكت لين داخت ورقدت 😭😭
اما عاصم طلع ويتمنى ايدن انكسرت قبل مدها على حبيبته وروحه اكثر وحدا حبها في حياته واول حب ليه قعمز في سيارته قدام البحر المكان اللي يمشيله لما بيشكي يشوف لخاتم سارة ودموعه ينزلو حط راسه عالدومان وقال في خاطره"خلاص انتهى كل شي قبل حتى مايبدا خسرتها قبل مانقلها قداش نحبها نبيها تبدا مرتي على اسمي نبي نعيش باقي حياتي معاها نبي كل يوم نتصبح على وجها وصوتها علاش ياربي😓😔الله ينتقم من اللي كان السبب قداش وجعتك ياعمري كسرت قلبك خيبت ظنك كسرتك واذكر يوم كانومع بعض في الشركه   Flash back
عاصم:خيرك واقفه غادي من لما وصلنا
سارة:المنظر حلو ماتعرفش قداشنحب الاماكن العاليه جي عاصم وقف وراها وحط راسه على كتفها :علاش
سارة:نحسها ديما نظيفه خالية نتنفس فيها براحه وهدوئها مميز
عاصم:والله مافيه مميز غيرك 😍تلفتت سارة وحطت ايدها على قلبه :عاصم نبي منك وعد
عاصم:نوعدك
سارة:نبيك توعدني ماتكسرش قلبي في يوم وماتعلقنيش بيك وتسيبني انا لما نحب نعتبر الشخص حياتي ولو خسرته احتمال نموت
عاصم:بعيد الشر عليك ياروحي انا نوعدك مانكسرش هالقلب في يوم وقرب يبوسها
سارة بعدت ومشت جيهة الباب:انا بنمشي نشوف انور تو نجي بهي
عاصم ضحك اهربي بهي تو تحصلي  end back
بعد 3ايام عاصم ماروحش بكل ومفيدة بتموت عليه حتى سكرها هبط وحالتها حاله😓
اما سارة بدون روح تحاول ماتبين لحد همها واصلا في حوشهم ماحد مهتم يسألها
صباحا الساعه 10نزلت سارة مشت لبوها :صباح الهير بابا وباست راسه
حسن:صباحك فل يا بنتي وينك ليك ايام نروح نسال عليك يقولو راقدة
سارة:ايه خدمه يا بابا ونروح تعبانه بس نبي نقولك شي ونستأذن منك
حسن:ان شالله خير
سارة:فيه دورة في المانيا 3شهور ودكتور مصطفى رشحني نمشي انا و9 معاي وانا نبي نمشي
حسن:بس يابنتي عرسك كيف تنفصلو بالطريقه هذي ببساطه
سارة:لو سمحت يا بابا احنا كبار ومسؤولين على قراراتنا
حسن:بهي يابنتي اسهلي ربي يحميك ويحفظك
ناضت سارة طلعت للعيادة ركبت لمكتب دكتور مصطفى استاذنت وخشت :دكتور فاضي نحكي معاك شويه
مصطفى:تفضلي يابنتي
سارة:بنسالك حطيت حد في مكاني في الدورة
مصطفى:لا الحق توا كنت بنشوف من نحط
سارة:دكتور انا بنمشي
مصطفى:وعرسك
سارة:مافيش نصيب
مصطفى:اها ربي يعوضك خير خلاص جهزي روحك باقي الاسبوع خوديه عكله وبعدها نتلاقو وانا المسؤول عليكم
سارة:من بيستلم حالاتي
مصطفى:دكتور كمال بيباشر اليوم
سارة :تمام طلعت لقت كمال واصل سلمتله الحالات وشرحتله عليهم ونزلت ركبت سيارتها وتمشي بدون وجهة تشوف قدامها وخلاص لقت روحها قدام شقة انور "لما ننوجعوا قلوبنا بروحها وبدون مانحسو ترفعنا للشخص اللي نحبوه ونشكوله همنا كأنه نفسنا" قامت هاتفها اتصلت بيه :انور انا تحت شقتك ممكن نحكو
انور:تمام ننزل ولا تركبي
سارة:لا خلينا نطلعو برا نزل انور طلعت بدون ولا كلمه ومشت لمكان فيه  مبنى بس مش كامل
انور:سارة علاش جينا هنا
سارة بهدوء:المبنى لصاحب بابا نجي ديما هيا نركبو ركبو وقعمزا عالحافه وسارة ساكته انور خداها في حضنه وقلها:ابكي وكانه افرج لدموعها بدت تبكي بقوة وتشهق وشادة في انور بقوة
سارة:وجعني ياانور كسرني قتلني هوا وعدني مايزعلنيش كيف هكا انا قتله ماتسيبنيش
انور يسمعلها بس
سارة:قهرني وجع هنا واشرت عاقلبها بعدين بعدت عليه ووقفت نار هنا والله نار انا ماغلطتش في حد ماغلطتش ببساطه وقف مع اخته وسيبني ضربني ياانور ضربني
انور نزلو دموعه لانه مايتحملش وجع سارة "ياصاحبي لو ماقدرتش نوقف وجعك ننهار معاك💘" قرب منها شد ايدها :اهدي سارة هوا خسرك ماديريش في روحك هكا.سارة:لا ندير لاني حمارة مانفهمش ياريتني رفضت علاش وافقت علاش
انور:اوجعيه ياسارة رديله الوجع
سارة طاحت على ركابها:مانقدرش انا نحبه وسكرت عيونها نحبه والله نحبه نحبه
انور قعمز جنبها وقعدو عانفس الحال ساعه واثنين وثلاثه وهيا تبكي وهوا جنبها بس بعد وقت ناضت:هيا نروحو بنجهز روحي مسافرة
انور:وين
سارة:عندي دورة مش عارفه وين بس محتاجه نبعد
انور:تمام احسن شي مش رح يخلوك في حالك هنا قداش بتقعدي
سارة:3شهور نزلو سارة تسوق بسرعه وتشوف قدامها بتشتت
انور:سارة نقصي سرعه وركزي وصلت انور وروحت
عاصم روح للحوش وهوا خاش قابلاته اريج :اهلين ببرود
عاصم:اريج وحق الله ماني ناقص ماتزيديهاش عليا حتى انتي
اريج حن قلبها على خوها :بهي اركب لامي تعبانه من يوم مشيت
عاصم:بهي وركب خش لامه
مفيدةبدموع:وليدي وينك هكا تشغلني عليك
عاصم باس ايدها ورقد في رجلها:اسف ياامي بس كنت نبي نقعد بروحي
مفيدة تمسح على راسه:ربي يريح قلبك يا وليدي
عاصم:امين وقعد مع امه لين خداه النوم خلاته يرتاح ونزلت للصاله قعد ساعتين راقد وبعدها ناض نزل خش للصاله:اريج ديريلي قهوة وجيبيهالي في داري
اريج:حاضر
ركب قابلاته اماني :عصومي كيفك فاتها وكمل لغرفته شدتله ايده :خيرك يا قلبي
عاصم فقد اعصابه خنقها ودفها عالحيط:هيا كلمه معاش نبي نعاودها لما تشوفيني تمشي عكس طريقي فاهمه😠
اماني انخنقت وخايفه:فاهمه فاهمه
دفها بقوة وخش لغرفته
صورة سارة مافارقتش خياله وقلبه مابطلش وجع والندم انه مد يده عليها بيقتله
بعد اسبوع الصبح رن هاتف انور فيقه من النوم رد:الو مني
سارة:انور انا طالعه بعد شويةحبيت نودعك
انور:توصلي بالسلامه احتجتي شي انا موجود ثعلوب😅
سارة ضحكت:اوك نتلاقو سلام
فكرت في اريج وانها ليها فترة هاملتها وهيا ماليهاش اي ذنب بعتتلها رسالة"رورتي حبي مانبيك تزعلي مني لاني ماحكيتش معاك بكل بس انتي اكيد فاهمتني كويس انا اليوم مسافرة ومش عارفه امتى نتلاقو تاني نبيك تعرفي اني ديما موجودة سلمي عاخالتي وقلها تسامحني وردي بالك على احمد كويس سلا."
فتحت صورة ليها مع عاصم في الشركه واخذتها يوم وقعت الوثيقه هوا يبوس فيها عاخدها وهيا مكشرة نزلت دمعتها مسحتها وسافرت.....يتبع