بسم الله الرحمن الرحيم
وبه نستعين
*
تاليف :صفاء حسنى طيب
اسم الروايه : من أجل إبنتى
الحلقه( ٢)
يفتح الباص وتدخل( خلود) وتكون لاستقباله مشرفه الباص ...
مشرفه الباص : إتأخرتي يا خلود فضلنا كتير مستنينك ومجيتيش ..
خلود : أسفه يا ميس فاديه انتقلنا من بيتنا القديم لبيت جديد فى مدينتى وعشان كدا ملقيتنيش قدام البيت القديم و بابا اتصل بالسواق وعرف مكانكم وجيت معاه بالعربية قبل ما يروح للشغل بتاعه ..
ميس فاديه : خلاص كدا هنيجي ناخدك من البيت الجديد الصبح بدري
وأبعتيلي الأبلكيشين للسواق..
خلود : حاضر يا ميس ...
ثم تدخل وتجلس خلود بجوار بسنت
خلود تري دموع في عيون بسنت
خلود : ايه الإستقبال ده بتستقبليني بدموع فى عينيكي يوم عيد ميلادي...
بسنت : اسفه يا قلبي بس افتكرت بابا لما شوفت الراجل اللى فى العربية دي يشبه والدى كتير
(وهى تشاور على السيارة التى تمشى بجوار أتوبيس المدرسة )..
خلود : فين هو..
(ثم تقوم من مكانها وترى السياره ثم تقول)
خلود : دي عربية عمى سيف
وجارنا اللي ساكن فى البيت الجديد سيبك من الكلام دا أنا عارفه
انتى بتعملي كدا ليه علشان متجيش عيد ميلادى مش أول مره تعملى كدا تعتدزرى ومتجيش ...
بسنت : مش كدا الموضوع أنا قلت لماما وهتوافق باذن الله...
خلود : وإذا جيتى تانى يوم فى المدرسة واديتينى هديتى وقولتى لى عذر ...
هاعرف وقتها أنك مغروره بجد واقطع علاقتى بيكى و مش هنكون أصحاب
بعد كدا ...
بسنت : وهل أنا فى نظرك كدا مغرورة ومتكبره انتى عارفه أنى بحبك ولكن
ظروف شغل ماما وأخواتي الصغيرين والسنه اللي فاتت كان عيد ميلادك فى وسط الإسبوع وكانت ماما متقدرش تاخد أجازه من الشغل وتيجى معايا أو نسيب أخواتي فى البيت لوحدهم ...
خلود بمزح وضحك : الحل مع مامتك أنها تتجوز راجل غنى علشان تسيبك تعيشي حياتك وتعيشي سنك أنتى مش بتخرجى بسبب شغل مامتك حتى الدروس الخصوصية بتاخديها يوم الجمعة والسبت تخرجي من درس لدرس ومش بتاخدى راحه لنفسك ....
بسنت : مش بحب الهزار بالطريقة دي عارفه أن ماما جميله وصغيرة لكن هى رافضة الفكرة لأنها كانت بتعشق بابا وعارفه ليه بتشتغل كتيرا علشان تهرب من كدا ووحدتها وتلبى جميع مطالبنا أما وعد هاجي يوم الخميس لأنه آخر الأسبوع...
خلود: عارفه ليه بطلب منك كل سنه وأزعل منك لما متجيش ...
بسنت : ليه ...
أنت تقرأ
2) من أجل ابنتي الكاتبة صفاء حسني
Mystery / Thrillerدراما حزينه وانا وحيده كنت احتاج لشخص يخفف وحدتى ويحبينى واعيش قصه حب لاتنسى ولكن للاسف قصه الحب هذه سوف تولمنى وتعذبنى جدا واسوف اموت واتدرك العالم ده كله من اجل قصه حب عظيمه وداعا ياحبيبى وداعا يا اجمل قصه فى حياتى
