2) من أجل ابنتي الكاتبة صفاء حسني

الحلقه الثانيه عشر

** من أجل ابنتي**

**الحلقة الثانية عشر **

**صفصوفتي****صفاء حسني الطيب **

ناهد :  خلال الفترة دى انا  نجحت في 2 وطلعنا 3 وطبعا لو فضلت علي كدا ممكن أكون معيدة في الجامعة ودا مينفعش..

بسنت : ياااه وليه مينفعش وتعملي دكتوراة..

ناهد هههه :  بقولك كل حروفي غلط أشرح إزاى للطلبة بس ...

بسنت : طيب بابا كان دوره إيه في الموضوع دا ؟ ....

ناهد :هههه هو إنتي مش عندك  مذاكرة..

بسنت : لأ مش هتهربي مني عايزة أعرف كل الحكاية بليز ...

ناهد هههه  : حتي كلمة بليز كنت بقولها بليس وفعلا مكنتش عارفه ولا فاهمه إزاى لم بقرأ الأسئلة بفهمها كويس وبحل كويس أما النطق كله مدمر وطبعا الإدارة لازم توقف الموضوع ده ....

في إدارة الجامعة ..

المدير  : ده مشكلة فعلا. البنت دي لازم آخر سنتين تجيب جيد او جيد جدا علشان إستحالة تكون معيدة وهي كل حروفها كدا..

ممدوح  : بس ده حقها مش بتذاكر ومتفوقة ويعني كام واحد  معيد كل 4 سنين  من الدفعة يتعدوا  علي الصوابع ...

دكتور تاني : يبقي منديهاش درجاتها الحقيقية  علشان نرتاح او نحولها لتجارة عادى...
 
ممدوح : أنا مستغربكم فعلا أنكم بالعقل دا  ما هي لو كانت عايزة تجارة عربي كانت راحت والله أنا حاسس لو دخلت علوم كانت هتبقي بردوا من اللي  بيتفوقوا  بتقديرات  وممكن كانت هتبقي معيده والبنت صدقوني نطقها بيتحسن ...

المدير : وإحنا مش في حضانة علشان ننتظر نطقها يتحسن وبعد كدا إختبارت مكثفة علي إللي  بيتقدم لتجاره إنجلش والأفضل إنه  يكون ثانوي تجريبي  مهنسمحش بالمهزلة دى تحصل تاني....

دكتور آخر : هو حد أتكلم مع البنت الأول  وعرف منها هي فعلا عايزة تكمل في مجال الدراسة ولا لأ ممكن حلمها إنها  تتعين في شركة كبيرة أو بنك مثلا.

المدير : يبقي ممدوح يتكلم مع البنت مش فاضل إلا سنتين  ولو البنت استمرت بنفس المستوى صعب إن

دكتور : يبقي  فعلا أنت يا ممدوح إللي  تفهمها علشان بموافقتك دخولها للجامعة  حطيتنا في المشكلة دى لما أختبرتها ونجحتها وإتغاضيت عن مشكله النطق عندها ....

ممدوح : لأني مش بحب الظلم وشوفت ان  البنت هتتفوف في الكلية وفعلا ظني كان عند محله ...

وينسحب ممدوح وهو يشعر بالضيق
قابله حسام

حسام:  مالك إنت متضايق ليه ....

ممدوح : أنت السبب ، كان لازم تطلب تصحيح البنت وتلفت نظر الإدارة ليها !!! أهوه رافضين البنت تكمل خايفين لتكون معيدة وهي بتتكلم كدا...