2) من أجل ابنتي الكاتبة صفاء حسني

الحلقه الثالث

اسم الرواية ( من أجل إبنتى )
**صفصفوتى**
الحلقة 3

ركبت علي السريع بسنت وهو قلبها يخفق من الخوف والرعب كانت تخاف أن يأخذ عمها  أخوتها أو يأخذها هي مثلما فعل من  قبل  والله  كان السبب في إنقاذها المرة الماضيه جلست بجوار اخوتها وهى خايفة ...
اما  خلود ذهبت الي مكان آخر ولم تركب معهم ....
كانت بسنت تتذكر  نفسها وهي في عمر 8 سنوات  خارجة من مدرسة  حكومية في سكن شعبي بعد وفاة ابيها مباشرة  جاء لها عمها...

*******فلاش باك
فارس : بوسي حبيبتي وحشتيني جدا..

بسنت : عمى فارس !!!  وأنت كمان   وتجري عليه وتحضنه أنا بحبك لأنك شبه بابا  ...

فارس : بتحبيني للسبب دا بس ...

بسنت  : لا ما أقصدش ...

فارس : ليه  سبتيني وروحتي   عند أمك ؟  جدك  زعل جدا منك ...

بسنت : لأن ماما جابت ٢  بيبي صغيرين  إخواتي وانا مقدرتش اسيبهم  لانى بحب  ألعب معاهم ...

فارس : أخبار  أمك إيه   وإيه حالها  دلوقتي ...

بسنت :بخير لكن تعبت بسبب اخواتى طول الوقت بيبكوا ...

فارس : إيه  رأيك أنك تيجي  معانا وأقدم لك في مدرسة جميله وأروع من دي ...

بسنت :  وماما وأخواتي معايا ؟  ...

فارس بمكر إذا جات البنت  هاقدر أضغط  علي ناهد واتجوزها لأنى بعشقها من قبل ما تتجوز أخويا ومشافتناش علشان كدا  قلبت ابويا عليهم ..

فارس : أيوه يا بوسي تعالي معايا  وأنا هاتصل بمامتك .....

ذهبت بسنت معه ...وكانت ناهد تبحث عنها في كل مكان والدموع لا تفارقها عينيها يومان وفارس يخبئ بسنت في مكان بعيد ...

بسنت بدموع :  فين  ماما يا عمو وفين جدى ..

فارس : هأقولها إنك معايا  إذا كلتي الأكل دا  كله ...
بسنت : مش  هاكل ولا  أشرب لغايه  تيجي  ماما عايزه  ماما  وبدأت تبكى حتى اغمى عليها ...

فارس والمربية  فزعوا فنقلوها  إلى  المستشفي واتصل ب ناهد ...

فارس: لو عايزه تعرفي مكان بنتك لازم نتجوز الأول ....

ناهد :انت إللي  خطفتها كنت شاكه في الحكايه دي  عايز إيه  مني أنا سبت  لكم كل شيء عايزة  بنتى...

فارس : إنتى عارفه  إنى مش عايز  كل دا أنا عايزك  إنتى تكوني في حضنى أنا بحبك ...

ناهد : وانا قلتلك إنى مش  هتزوج مرة تاني  بعد جوزي حسام لانى بعشقه واللحظات اللي عشتها معاه كفيلة انى أعيش علي ذكراها طول العمر ...

فارس : لما يجي  ابويا  من السفر  هشكك في اولادك  توئمك الصغيرين احفاده وهو لما يكون موجود مش  هيعترف بيهم وخصوصا أخويا مات ومكنش  ظاهر عليكي الحمل وقتها ...