** من أجل ابنتي **
**الحلقة التاسعة **
ناهد : مين حازم دا ؟.....
بسنت : أخو خلود يا ماما ....
ناهد : اخواتك اتغدو وناموا خالي بالك منهم ماشي ....
يدق حازم الباب الذي كان مفتوحا وهو يسند خلود ... تراهم ناهد فتمسك يد خلود
ناهد : إتفضلوا سلامتك ألف سلامة يا بنتى ..روحي أعملي العصير يا بسنت
بسنت تومئ برأسها وتدخل
ناهد تمسك يدها فيترك يدها حازم ويبحث عن بسنت ...ناهد تجلس خلود علي الأريكة بوضع مريح وتأتي لها بمخدة خلف ظهرها ..
ناهد : خدى نفس كدة وارتاحى ...
خلود : شكرا جدا يا طنط ممكن طلب منك ؟ ...
ناهد : إتفضلي يا بنتى ...
حازم يحاول ان يبحث عن الاسطوانة ولكن الشقة صغيرة وكل الغرف في وجه بعضها ينتهز انشغال ناهد يدخل علي المطبخ وبسنت بتعمل العصير ويقترب يلمس يدها بسنت تفاجئ وينسكب قليل من العصير من الكؤوس...
بسنت :في حاجة يا أستاذ حازم ؟...
حازم : كنت عايز أساعدك...
بسنت : لا متتعبش حضرتك أنا خلصت
حازم : بس برافو عليكي بتعرفي تعمل كل حاجة ...
بسنت ب ابتسامة رقيقة : كل حاجة ايه دا مجرد عصير فرولة علشان العصاير الطبيعية مفيده ...
حازم : آه ما انا شوفتك ازاى بتقطعي حبات الفراوله وبتحطيها في الخلاط وبتظبطي السكر ...
بسنت :زوده كله شغلانه بالنسبالك اكيد....
حازم ههههههه : طبعا أنا لما بحتاج بطلب من الشغالة بس دائما بشربه في الكافية ...
بسنت :بس أكيد من إيد مامتك أحلى...
حازم : أمى عمرها ما طبخت بنفسها او عملت عصير ....
بسنت : لا أكيد عملت لكن انت ناسي أنا عارفة أنها بتشتغل صح علي ما أظن زى ماما..
حازم : آه سوسي هانم عندها اتيليه ملابس بس مأفتكرش أكلت أكل من إيديها قبل كدا ...
بسنت تنهي من صب العصير
بسنت : ماما هي إلا علمتني كل حاجة علشان أغلب وقتها بتكون في الشغل وانا بهتم باخواتي يعتبر انا ربيت روان ورامي مع ماما ...
حازم : كمان والله... إنتى مفيش زيك ....
بسنت : ههههه لا أنت النهاردة علامة الإندهاش اترسمت علي حواجبك كتير في كتير زيي أعمل حسابك يالا علشان أختك محتاجة العصير...
حازم : أخ والله نسيتها الكلام معاكي ينسي الواحد نفسه ...
بسنت : لا أنا بريئه انت ناسي نفسك بنفسك مش محتاج حجة وتغمز بعينها وتخرج .....
أنت تقرأ
2) من أجل ابنتي الكاتبة صفاء حسني
Mystery / Thrillerدراما حزينه وانا وحيده كنت احتاج لشخص يخفف وحدتى ويحبينى واعيش قصه حب لاتنسى ولكن للاسف قصه الحب هذه سوف تولمنى وتعذبنى جدا واسوف اموت واتدرك العالم ده كله من اجل قصه حب عظيمه وداعا ياحبيبى وداعا يا اجمل قصه فى حياتى
