**من اجل ابنتى **
**صفصفوتي **
**الحلقة الاخيرة الجزء الأولي**
ناهد: بجد انا جاية حالا هنتابقل فين
ريهام : في عبود والا انتى متعودة تركبي من مكان تاني احنا قولنا ناخد ميكروباص خاصة بينا
ناهد : تمام كدة انا بركب من هناك دايما بس اعدى علي شقتي اجيب حاجات ونتقابل هناك كمان ساعة
ريهام : خلاص ابلغهم علي الاتفاق ومش تنسي الفلوس اي حاجة تحت الحساب
ناهد :مش تقلقي سلام
تقوم ناهد تغسل وشها من البكاء تقف شوية قدام صورة بسنت وتتكلم مع نفسها انا جاية يا بسنت ازورك...... كنت بتقولي أنى بحب اخواتك اكتر منك ....لا والله انا عملت كل حاجه لأجلك انتى ......كنت خايفة ياخدكو منى و قلبي يوجعني عليكى..... بس للاسف حصل إللى كنت خايفة منه ... انا من غيرك ضاعية حاسة اني بقيت يتيمة من غيرك يارب صبرني يارب ....وكمان عمك الجديد دا دخل الشك في قلبي انا لازم اجى اتكلم معاكى واخد رأيكى اعمل اي زى ما طول عمرنا بناخد رأي بعض وتدخل تاخد شاور وتخرج تلبس وتاخد شنطة معاها وتخرج من باب الغرفة تلاقي سيف قدامها
سيف :رايحة فين
ناهد :ملكيش دعوة مش همك الاولاد اهوه عندك سبني انا في حالي ممكن
سيف :لا مش ممكن علشان إللى انتى بتفكر فيه مش قانونى
ناهد :واللى انت عملته كان قانونى يا حضرة المحترم تستغل تعبي وترفع دعوة وتاخد اولادى في حضانتك وتكسبها وانا مش عارفة وتهددنى تاخدهم من حضني اي بقي الفرق ما بينك وبين فارس فعلا اخوات تشرف واحد يدمر حياة أخوه ويشوه سمعة مراته وفي الآخر يحرض علي قتل بنت أخوه والتانى يعمل مؤامرة ويهمل في صيانة الكهربا إللى احترقت بيها بنتى
سيف :حيلك حيلك كل الهجوم دا علشان بسالك رايحة فين وخايف عليكى علشان تتوهى في الكلام ومش تقولى رايحة فين .
ناهد؛ : اه بتوه في الكلام عايز حاجة ابعد عنى ..
سيف يقترب اكتر منها : انتى ليه حبسة نفسك خايفة من أي ليه مش عاوزة تصدقى إحساسك خايفة تقرب منى وتضعفي صح
ناهد : احساس اي انت عارف انا لو صدقت إحساسي او طلع كلامك حقيقة يحصل ايه
سيف:انا مستعد لكل حاجة
ناهد : مش هتشوف وشي في الحظة دى يعنى انت تشكر ربنا أن يطلع إحساسي غلط
سيف بحزن :ليه للدرجة دى بتكرهيني
ناهد بعصبي :انت عايز اي دلوقتي
سيف : عايز اعرف انتى رايحة فين
ناهد :رايحة علي شقتي وبعدها علي البلد استرحت ابعد من وشي بقي علشان اتأخرت
سيف :انا جاي معاكى
ناهد : ليه خوفت والا عارف انك هتطلع كذاب والا واثق انك خسران بكل الطرق
سيف :انتى عارفة انى مش بخسر إلا لم بيكون ب مزاجى
وجاي معاكى
ناهد :انت حر
تخرج ناهد وتتكلم مع الدادة اللى موجودة
ناهد :أرجوكى مش هأوصيكى علي روان ورامى خد بالك منهم اوى لأنى هأغيب يومين وانا عارفة انك انتى اللى اخدتى بالك منهم وقت تعبي هما حكوا ليا
الدادة : اوعي تقول كدة يا بنتى هما بسم الله ماشاء الله هاديين وفي نظام ماشيين عليه وكل ما اسألهم يقول آبلة بسنت هي إللى طلبت منا كدة وأنهم بيسمعوا الكلام علشان مش تزعل منهم
أنت تقرأ
2) من أجل ابنتي الكاتبة صفاء حسني
Mystery / Thrillerدراما حزينه وانا وحيده كنت احتاج لشخص يخفف وحدتى ويحبينى واعيش قصه حب لاتنسى ولكن للاسف قصه الحب هذه سوف تولمنى وتعذبنى جدا واسوف اموت واتدرك العالم ده كله من اجل قصه حب عظيمه وداعا ياحبيبى وداعا يا اجمل قصه فى حياتى
