Sinta C Koliput

Part 21

~ Sinta C Koliput ~

By : Tescy Descy

Cerita Rekaan

    ~ Part 21 ~

*********************************

*** Ann ***

    “dia marah sia kah tu sampai dia tidak balas senyuman sia?.” (c ann cakap dalam hati saja tingu c koliput)

    “sia main-main saja pun tu sa'malam.” (c ann cakap juga dalam hati dia)

    “lala.” (c fifi panggil adik c koliput yang bungsu guna suara be'bisik saja)

    “ya kak?.” (adik c koliput jawab c fifi)

    “siapa tu?.” (c fifi tunjuk c koliput guna hujung bibir saja)

    “ohhh.. tu abang sia.”

    “ohhh.. tiada sia nampak dia pun sebelum ni.”

    “baru juga dia sampai tu sa'malam.”

    “ohhh.. macam perna nampak bah. Tapi sia lupa di mana. Atau mungkin palanduk 2 serupa kali tu.”

    C ann tingu saja c fifi sambil be'pikir. Macam c ann ada jeles-jeles bila nampak c koliput senyum sama c fifi tadi. C ann sambung lagi makan sambil be'pikir.

    Siap saja durang c ann sarapan, durang c ann naik pigi ruang tamu. C ann pura-pura mau pigi sana luar kaki 5, sengaja c ann mau pura-pura pigi tingu-tingu sana luar, maka c ann mau pigi cari c koliput kama tu. C ann nampak c koliput duduk makan di luar kaki 5.

    “aduiii.. mau pigi kah tidak ni ahh.” (c ann cakap dalam hati saja sambil cubuk-cubuk c koliput)

    “ishhh.. macam mana ni ahh.. pigi tidak.. pigi tidak? Aduiii.. pigi lah.”

    Bermain dalam hati saja c ann cakap, last-last c ann keluar juga mau pigi tampat c koliput. C ann gigit-gigit bibir dia sambil tingu c koliput. Sekali c koliput tingu c ann, terus te'berhenti saja langka c ann mau pigi dakat c koliput.

    “aduiiii.. matai lah.” (c ann cakap dalam hati saja sambil tingu c koliput)

    “napa kau bediri sana?.” (koliput tanya c ann guna suara sorius kakah)

    “ahhh.. tiada lah. Siou kacau.” (terus c ann pusing mau masuk balik dalam rumah)

    “ahh.. mau pigi mana tu?.”

    Koliput tanya c ann. Terus te'berhenti lagi langka kaki c ann. C ann palan-palan kasi pusing kapala dia mau tingu c koliput sambil gigit bibir sambil juga senyum paksa.

    “masuk lah.”

    “duduk cni.” (koliput tapap-tapap (pukul-pukul) tampat duduk di sa'balah dia saja)

    “haa?.” (c ann kasi pusing badan dia mau pigi ara c koliput)

    “duduk cni.” (koliput ulang lagi cakap dia. C ann jalan juga pigi duduk dakat c koliput sana sofa rotan)

    “siou.” (kici saja c ann cakap sama c koliput)

    “pasal apa?.” (koliput tingu muka c ann. C ann gigit bibir dia sambil tingu anak mata c koliput)

    “aduiii.. hensom lah bah ni urang ni.” (c ann cakap dalam hati saja)

    “pasal apa kau mau cakap siou ni?.” (c koliput tanya lagi c ann)

   

    “ahh.. pasal sa'malam. Siou, sia main-main saja bah tu.”

    “ohh.. tidak apa bah tu.” (koliput sambung lagi makan)