~ Sinta C Koliput ~
By : Tescy Descy
Cerita Rekaan
~ Part 34 ~ (End)
“harap dapat bawa be'tenang ya encik. Sekarang dia kana scan dulu mau tingu tu paku.”
“jadi, ada apa-apa yang kami perluh mau tau kah ni duktur?.” (mama c koliput lagi tanya tu doktor)
“kami kekurangan darah. Kami perluhkan darah sebab patient banyak kekurangan darah.”
“doc, sia mau derma darah buli kah?.” (c ann be'suara)
“boleh, kita cek dulu lah.”
“sia pun mau derma.” (c buntal lagi be'suara)
“bah, mari ikut saya siapa yang mau derma darah. Kita mau cek dulu kalau layak atau tidak.”
Semua pun ikut tu doktor, semua pun mau cuba juga derma darah untuk c koliput. Semua pun be'doa saja dalam hati untuk c koliput supaya c koliput tiada apa-apa.
*** 2 Jam Kemudian ***
Kreekkkk..
“doc, macam mana tunang sia?.” (c ann terus-terus tanya tu dokor)
“syukur patient okey, luka dia sudah kami jahit. Nasib juga tu paku tidak sampai jantung dia, tapi mungkin lapas ni dia kana rehat dulu, pasal luka dia tu dalam juga.” (jatuh air mata c ann dingar perkambangan c koliput)
“makasi doc.” (tu doktor anguk kapala saja)
“kami mau hantar sudah dia pigi wad, tapi tidak boleh semua masuk mau tingu dia nanti, kami bagi limit 2 orang 1 kali masuk saja. Kami mau bagi dia rehat dulu.”
“okey doc.”
Tu doktor masuk balik pigi ka'camasan, c ann nangis lagi sambil senyum tingu mama c koliput. Mama c koliput pigi paluk c ann, mama c koliput pun nangis juga, durang nangis sebab happy pasal c koliput tidak juga apa-apa.
“puji tuhan. Terima kasi tuhan. Terima kasi banyak-banyak sebab tidak ambil dia dari sia.” (mama c koliput cakap-cakap sambil tingu siling)
“sia takut butul ma kalau dia ada apa-apa.” (c ann cakap sama mama c koliput)
“mama pun, tapi mama pacaya, tuhan masi bulum mau ambil dia dari kita. Puji tuhan.”
Semua yang duduk-duduk di luar ka'camasan pun ikut nangis juga tingu mama c koliput sama c ann. Durang pun rasa bo'syukur juga pasal c koliput masi ba'napas lagi.
Bila c koliput sudah kana hantar pigi wad, durang c ann ganti-ganti pigi tingu c koliput. Bila semua sudah pigi tingu c koliput, c ann mau jaga c koliput, jadi mama c koliput okey saja, bapa c koliput sama mama c koliput pulang rumah dulu mau pigi ambil barang-barang c ann.
Yang lain pun pulang sudah bila ka'adaan c koliput okey sudah. Sakarang, bapa c koliput sama bapa c ugou mau urus c ugou lagi. C ugou kana ikat di rumah, mama c ugou lah yang jaga c ugou di rumah.
*** 1 Minggu Kemudian ***
“bie okey juga kah ni mau jalan sendiri?.” (c ann tanya c koliput)
“ya bah. Napa sayang?.”
“bie tidak duduk di kerusi roda?.”
“tidak lah. Bie bukan sakit kaki bah sayang.” (c koliput jawab c ann sambil senyum-senyum)
YOU ARE READING
Sinta C Koliput
Historia CortaCerita ni mengisa kan sorita sinta c koliput. Koliput seorang tanak wagu yang tidak pandai putus asa mau cuba nasib mongurat sama sumandak pujaan hati dia. Dari kici sampai lah c koliput tanak wagu, tidak pandai putus asa juga c koliput ni mau kajar...
