احببت روحك

البارت الرابع

كعدت ثاني يوم لكيت امي تحضر بالغده والمطبخ مكلوب اكيد دولمه
وكفت وياهه علمود اتعلم لان تسويهه تخبل ورحيتهه جنن

الله عاشت ايدج يوم من ريحته تخبل
-بالعافيه حبيبي
-حته تودن ماعون لبيت جدج
-إنشاء الله
-اكول ماما شوكت نروح للبستان كلش مشتاقين نروح مو كال بابه شو سكت
-كال عالجمعه إنشاء الله
-اي الحمد لله واخيرا يله اني راح كلبهه
-ديري بالج
-ولووو اني كده لتخافين ابببا اممم تخبل شوفي هاي لان ساعتج بيه طلعت عدله تخبل
ههههههه وين موبايلج اطكلهه صوره
-لا ماما اضوج من هاي السوالف

تمام خل اسوي ماعون اودي لبيت جدي

وصلت قريب الباب جان كاعد بابهم
شفته وكملت مشي دا اجر السيم كال هوب هوب باوعتله كال
-اووف يابه دولمه ريحته سابقته جيبيه بسرعه
كتله بتحدي وشقه

-تره مو الك
طفر وكف كدامي راد يمد ايده وخرت الماعون على جهه ورايه جان يخزرني ويمد ايد عالماعون وتقرب عليه اني شهكت جمدت وحبست نفسي جان ياخذ قطعه وعينه عليه بتحدي ورفع حاجبه واكلهه كدامي وكال
اممممم طيبه اكيد مو انت مسويتيه واني بعدني مصدومه من قربه
بتسم وراح

اخذت نفس وطبيت مثوله من تصرفه
وديته لجدي وكعدت يم بيبي شويه وطلعت مجان بالباب رجعت للبيت واني كلسى اذكر قربه وافكر بي وبعدين ابعده عن تفكيري

اتفقوا عمامي عالروحتنه للبستان وتحضرنه
لبست ثوب حلو صيفي كلوش والردن عريض وبي بزمه من المعصم وكسرات ومن فوك عالجسم وأخذت وييا شفقه ونظارات ضميتهن بالجنطه خاف احتاجه هناك

وطلعنه كلمن سيارته واحله شي بالطريق المسابقات الي تصير
وصلنه فرشنه وبدينه نحضر معدات الشوي والولد وعمامي هم الي يهتمون بالشوي كل عاده و البنات تضل تصخر واني كل عاده اتيهه روحي بين الخضار والأشجار والنخيل واروح يم النهر عالشط اموت عالهل أجواء
اتمنى اعيش حياه القريه ماحب المدينه
كالعاده رحت عالشط ولازم اشوف صديقاتي بنات الفلاح وجيرانهم مالكيتهم بتسمت عود كبرن بعد ميطلعن بس اكو جهال صغار يلعبون يم الشط ضليت اتمشه كعدت عالجهه واخذ نفس اترس رئتي من الهوه الطيب
اشمر حجار واشوف الجهال شلون تعبر المعبر الي عالنهر مال جذع النخل واذكر كبل من جنت اعبر وافكر هسه اكوم اجرب كنوا جاي اختبر روحي اكدر لو لا
كمت نكثت ثوبي وتوجهت لجذع بعدني ماحاطه رجلي عالمعبر واسمع صوت ورايه

-وين يمعوده يبلوه مجوزين من سوالفج
اخذت نفس وضحكت اهههو هم اجه عزام
ليش انت مجوز من دور المرشد التربوي بكلبي
درت وجهي عليه بابتسامه خبيثه ومتصنعه
-مااعبر بس اريد اشوف الوضع شبيك
تقرب
- تمشين منا كبل يم اهلج تكعدين يم البنات حته من كبرتي مركضتني وراج يله كدامي واشر بيده على مكانهم
شلت ايدي ثنينهم كدامي

-ماشي ماشي
بس عفيه خلي اعبر مره وحده وابتسامه عريضه واشر بأيدي

-اني شكلت

-حباب