احببت روحك

١٨

اتصلت هديل عليه اليوم كالت حبي حضري روحج اليوم انت وسرور وشدن حزمجن وتعالن
خير شكو نشد حزمنه
اليوم جابونه تمر من البستان وعمل شعبي يله بسرعه

يا هم تمر اخخ من هسه ضهري وجعني
يله يله بسرعه اجتي بيبي وامي فرشت وبدن يشتغلن
اي يمعوده هو انتوا تصحولي بس للكراب
سديته منه ورحت السرور الحالفه متروح بس ابويه عاط عليه وكلهه يله بلا دلال

ورحنه مثل كل مره نفرش فرش كبار ونحط التمر ونبدي نعزل النظيف للجبس والتعبان للدبس و اليابس للخل ونعزل لعماتي ولعمامي كلمن حصته

جنه كاعدين كلنه ونشتغل وبيبي بنصنه وتسولف ويه امي وحننه نكركر وحدنه وجان اسمع صوته يصيح لهديل

جمدت باوعت لهديل بخزره عرفت شنو معناته الحقيره ماكالت هو هنا
باوعتلي ضحكت بخباثه وصعدت جتفه كلتلي انت ماسالتي وعافتني وراحت فوك

اني تلعثمت من يمي ضلينه نشتغل وره شويه نزلت هديل

ها يمه شراد اخوج
كلي نزلي ملابسي الوسخه وسويلي جاي

راحت سوت الجاي وماأسمع اله صوت رجليه هو ينزل الدرج ويه كل خطوه دكات كلبي تزيد والحراره صعدت وكمت احوص اريد اشرد سمعت كال
الله يكويكم
هله يمه
هله حبيبي كل الهله هله بهطول
هله بيج بيبي دنك عليه وباس راسه وكال
ليش متعبه روحج حبيبتي كومي رتاحي همه
يكملون
لا يبيبي بس اشغل ادياتي جا شعندي

عاراحت يالغاليه

اني مدنكه وبس احس بحركاته كعد على القنفه الي يم بيبي وتصير على يميني

كال شلونج سرور يمه هو هيج كال ودلي اطلع اشرد لبيتنه ختنكت ولا جن اني كاعده بس سويت روحي ولا يمي بس اني أغلى من داخل هيه جاوبت
الحمد زينه
اجتي هديل جابت الجاي وخلته كدامه كله
اي والله يسلموا
كعدت يمنه تكمل شغله وهو لزم مبايله

هديل تحاجيني واني كلسى اخزره وارجع اكمل والسوالف مستمره

وره شويه طب مؤيد وجه احمر ومحتر كال
سلام عليكم
اني رديت وياهم بصوت واضح حته اسمعه
وعليكم السلام هلو مؤيد شلونك

هلو نور شلونج شلون صحتج

الحمد لله اسأل عليك

بتسم تسأل عليج العافيه وضحك باوع لأخو

اني كملت شغلي مؤيد كعد يم بيبي

يداهر وياهه وحط اييده على متنه ويبوسسه افشش يريحت الجنه هنياله جدي

ضربته بعكسه ولك انت ماجوزز من سوالفك
وين جنت جاي تلهث

جنت بالجم
ياجيم هذا
هههههه التمرين العب رياضه

سرور منزعجه بس تريد تكوم كالت
هذا شيخلصه عمه ضهري شكل تعبت

مؤيد ضحك وكل لبيبي