احببت روحك

٢٠

جنت كاعده بالخط وحاطه راسي عالجامه
وكف باب بيت عمي دك هورن طلعت هديل صعدك يمي سلمت عليه ضلت صافنه بعيني
شبيج ولج شنو باجيه

ماكو شي حبيبتي شفت فديو لشهيد بالفيس ومسحت وجهي وخشمي

اوو والله كلبنه خلص ياربي شوكت نخلص يارب دخيلك مو خلصت شبابنه
اني وين اطي وجههي وحجت عالكيف

خرررب بليسج هدييل هههههه ولج ضربته بعكسي مجوزين احنه وين وانت وين ضحكتيني ومالي خلك اضحك

والله عمي الشباب جاي يموتون بالمئات اذا مو بالالف والبنات ماشاء الله تزيد متنقص
من غير عدد الأرامل متكليلي شلون راح يصير تكافئ اجتماعي هاي اله يصدرون قررار كلمن ياخذ ثنين

امم صايره محلله اجتماعيه ماشاء الله

انت شكوا على كلبج محجوزه وخلصانه

شنو انت حازدتني ونافستني شحال لو مو اخوج جان لفتي عليه

ههههه اسويهه حتلوا ثنينه بواحد شكو بيه كلنا العراق جاي يمر بفتره صعبه غير نوكف ايد وحده واني وياج منختلف حته نخفف زحم عله الباقين ههههههه

ضلينه نبسبس ونضحك سمعنه الهورن مال السايق وصلنه لبيت صديقتنه ورحنه لمحاضره ساعتين ورجعنه للبيت

ضغط السادس مينجرع هم رجعت اقره وكلسى يجي عالبالي كلامه الحمد لله هو بخير بس احس بنقص ماحجينه شي وره كل هاي الفتره اريد اركز ماكو كلما اقره صطر يجي على بالي كمت اخذت الموبايل من سرور ورحت اكلب بلكي داز شي ماكو

رجعت للفيس على اخر منشور الي شفته
وطلعت اغاني المنشد تقي الحسناوي
كل الاغاني مالته روعه خاصتا أين حقي والمتمرد العاشق تخبل
وشفت اغنيه مال ابن العراق مشيم عجبتني الموال مالته وعلى الوطن كتبت الكلمات ورحت على التعليقات الي بصفحته
وكتبت رد على الي ناشره بصفحته

ابن العراق مشيم عالطكاك معلم
العاداك ابد مايسلم يلخزرتك رشاشه
للحيهم انت تفزع للموت ابد ماترجع
ابن العراق مسنع للحرب هو الباشه

منهو اليكضك بالحرب يمرافك التفكه عمر
تتغزل بطاري الفشك تسحك بجدمك عالجمر
هذا الهوه لو ضوجك تعاركه لمن يمر
شيخ انت والحرمه نتخت والفزعه دله وتستعر

وكتبت جوى
حييي الله ابطال العراق
رحمه الله الدائمه للشهداء
ويحمي ابطال العراق من كل شر وضر

ياعنتر الساتر تره عبله العراق بشاربك

كتبت التعليق وسويت إرسال
وهم ماكعددت راحه رحت لصفحتي ونشرته