كالوا--لا تحب الحب تعب بيه
كلت - - المحب يتحمل اذيه
كالوا - - تبتلى وتسهر العيون
كلت - للسهر عندي القابله
كالوا - - بيهه تهتم وتنسى دنياك
كلت - دنيياي لعيونه هديه
كالوا - - تنسه دنياك وتمتحن بي
كلت - امتحن باليمتحن بيه
كالوا - - نخاف عليك ينسه التعب ويعوف
كلت - لو عاف اممموت وهاي هييه
لسان حال مهند
راح ابدي وياكم من قبل لتجي نور لدنيا
عشت حياه طبيعه مثل كل شخص بين ابوي وامي وأخويه ابوي جان يشتغل ويه جدي بالعقارات
وحالتنه الحمد لله ابوي من اول مازوج اشتره بيت كبال بيت اهله امي تصير بت عم ابويه
ابوي لزم شغل جدي ومشت الامور بيده
عندي ثنين عمام وثنين عمات عمي علي تزوج قبل عمي محمد و صار عنده ابن عمي عادل ورى عُدي بعدين عمي محمد كدر يامن نفس وجمع وحييل تعب ياله شتره بيت لان اهل مرته شرطوا عليه اله بيت وهيه جانت بت جيرانهم بس اهلهه صار عدهم ضروف ونتقلوا غير محافضه المهم ماأطولهه عليكم
تزوج عمي محمد وصار عنده نور
اووف من نور اول مانولده بيت جدي نكلب بيه تكول اول وحده بس لان هيه اول حفيده بنيه وجدي وبيبي حيييل فرحوا بيهه
جان عمري سبع سنين تقريبا
من رحت ويه امي اول ماشفته صغيره حييل وبيضه ابوعلهه وخلي اصبعي بخدودده كلسى وأهلي يضحكون امي كالت تريده أشرت براسي خلتهه بحضني وكالت هاي مرتك بعد شتريد وهيه تتنعوص اباوع على امي واضحك اكلهه شبيهه تبجي
وكلسى الزم وجهه وحرك رموشهه
وكلسى اسمع واحد منهم يحاجيني ويضحكون بينهم هاي بت عمك دير بالك عليه هاي الك واني من كل عقلي عبالك مطيني لعبه ويكلولي الك لزمتهه زين واريد العب بيهه وكو اخذوهه مني ويضحكون عليه واكل لأمي خلي ناخذهه ويانه لو جيبلي وحده العب بيهه
وهههه وفعلا بنفس السنه امي جابت اختي هديل بس هديل مالحكت معزت نور واهتمام الكل بيهه وهديل جانت هادئ ودائما بالبيت يم امي تلعب
بس نور اكثر الأوقات لو بيت جدي لو يم هديل وضلت هيه كدام عيني تكبر ومنكد ماأسمع دير بالك عليهه من ابوي وعمي محمد وجدي صرت اني فعلا المسؤل عليه
بس كلما تكبر كلما تزيد وكاحتهه اني صح وكح وماانجرع بس هيه حييل حركه ومتكعد راحه من عمره سنتين ركضتني وراهه كلما تججي ويه امهه كلسى تطلع ومره عمي تكلي جيبهه
اطببه وترجع تطلع وبدت نور تكبر وتلعب ويانه اني ولد عمي بالشارع ومرات اضربهه لان اخاف عليه تطلع وجان من يجن بنات عمتي أكيف اكول بلكي اخلص شويه من تلعب وياهن يضلن يلعبن بالبيت هن هادئات بس هيه يمكن لان تربت ويانه
وجنت داءما اكلهه صيري مثل رند وريم وسما وسهى اتضوج وتزعل
نوب صارت سرور شويه لتهت بيهه
لسه اذكر من خلوهه بالأول ابتدائي الجهال كلهه تبجي وهيه شاركه الحلك ومكيفه وتلعب ومنطلقه عود هيه كبرت وجان متنتظر احنه نجي ناخذه من المدرسه هيه تطلع وتجي لبيت جدي كبل ونرزلهه وجنه من نطلع لمكان اني اكوده وجانت شتريد تكلي تمون عليه أكثر من أبووهه هههه من نروح لمدينه الألعاب جرجر كلسى بمكان واني احب اشاقه وياهه واخوفهه واشوف خوفه وعفويتهه تحب الحياه وأجتماعيه وبريئه كبرت كدام عيني صارت كدامي مثل الكتاب المفتوح اعرفه من نظراته اذا ضايجه او زعلانه أو فرحانه اعرف شتحب وشتكره
وشوكت تجوع وشوكت تريد تشتري كل عصريه لازم اخذهه هيه وهديل اشتريلهن
مرات اقشمرعليهن اني اجيبله بدون مااخذهن هديل بسرعه تتقشمر بس هاي بلوه اله هيه تجي تشتري وتحب اخذهه عالباسكل والطريق كله تسولف كمت بيوم الي ماشوفهه لو اتلاغه وياهه احس اكو نقص
جمره توكع بأزمه وبتلي بيهه لو تتعارك ويه جيرانه لو تصعد على الحايط تشلع نبك والكهها تبجي متكدر تنزل خو من نروح البستان ماعندي شغل وعمل غير ست نور خاف بالشارع حركته ميت درجه بالبستان تصير ميه وثمانين درجه تصير فول ابوبشن كلشي تريد تصعد عالاشجار' تعبر النهر' كلشي تريد تجرب وتصادق الجهال وين متروح
بس اني تاويهه توي وعمامي يضحكون يكلون والله محد يكدرلهه غيرك المهره مالهه غير خيالهه
جنت دائما اسمع جدي يكلي نور الك
مرت السنين ونور كلشي بنسبه الي اخاف عليه من الهوه ومن نفسي ابد ماستغليتهه بيوم جان تصرفي وياه صارم وحاسم بس بكلبي كتلت مشاعر ماريد اخدش حياءهه بأي تصرف خارج نطاق الالفه والأمان
و من صارت صف خامس ابتدائي بدت تعقل وتفتهم وكامت دير بالهه عالتصرفاتهه
وكامت تلبس حجاب شكد ماجنت افرح شكد ماضجت بعد مااشوف شعرهه الأسود الطويل جانت كصيبهه نقطه ضعفي كلما اشوفهه اجرهه منهه احب اخليه تضوج وتصير خدوده حمر اني جنت بعمر المراهقه وماادراك ماعمر المراهقه بديت ابعد نظري عنهه قدر الإمكان او أقنع روحي هيه مثل هديل حته ميروح بالي بعيد رغم كل معاركي وياهه يبقه الاهتمام والخوف اله دوره وكامت تفرق بين هذا وذاك حسيت بيهه بدت تكبر وتعرف وتوعه من اهتم بيهه وعيونه تلمع وتضحك من ادافعلهه وحميهه وصارت مثل الحمامه الوديعة
كامت تهتم بيه تعرف شوكت اريد جاي وشلون اشربه وشحب من أكل وشوكت اصير عصبي من شغله مسويه
وجانت تصعد بغرفتي ويه هديل تقره بكتبي واحس بحضوره ولامساتهه عليهن احس بيه كامت تحبه الي احبه وكنو تتقمص شخصيتي هذا الشي يفرحني بس مرات انرفزهه بالحجي او اصيح عليه لان اعرف البنيه تصير بهيج عمر عاطفيه ماريد تغرك بسرعه اگوي كلبهه
أنت تقرأ
احببت روحك
Romansaما الحب؟ هل هو حب لذاتهه ام تحب شخص لنفسك لتمتلكهُ وتشفي غليلكَ وروحكَ وحواسك لتسعد نفسك بيه ام هو اسعاد الشخص الذي تحبهُ على حساب روحك وقلبك وتقدم لهُ دونَ مقابل هل هو اكتفاء بأنه بخير والنظرَ اليه فقط ام هو خيال لروحك ونفسك وأصراركَ بأن يبقى لك و...
