احببت روحك

٥٢

مساء الحب والرومانسيه عله احله متابعين

اليوم عوفلي مؤيد وسرور
والمفاجئه تأجلت عله البارت الجاي
ركزوا بأبطالنه اليوم عرسهم ولازم نفرحلهم لان الشفنا منهم قهرنه وبجانه فحزموا امتعتكم وهيا نعيش
احله لحظات الحب بين مهند ونور
قراءة ممتعة حبايبي 🥰⁦❤️⁩😊

اليوم موعد الحجز مال القاعه سرور ماقبلت تجي ويايه مر عليه بسيارته اول ماطبينه للقاعه جان هم اكو ثنين عرسان يحجزون گعدونه عله جهه اجتي بنيه غير اللي شفناهه اول مره هاي منسقت الحفلات بس شنو
اشششرد تخبل فاتحه الشعر سرح طويل والبنطرون الضيك والبدي عود عليه ستره
بس مو طويله رحبت بينه واني عيني عله مهند خاف يباوعله
مدت ايده اله تسلم خله ايده عله صدره ببتسامه هيه خجلت وخرت ايده وضحكت سلمت عليه مديت ايدي سلمت كعدنه جرت الدفتر والقلم
كالت شنو بالكم فقرات

كتله هوايه بالي بالبدايه بدلات خمسه وياهن زي هندي وعدنه فقره نلبس سوه صديقاتي ونسوي ركصه خاصه كالت

مدربات عليه

اي بس مانفذناهه دربنه كلمن بيته وحفظنه الركصه من النت

لا موكافي لازم تنجمعود ولو مره باجر اذا تكدرون خلي يجون او تجون من وكت للقاعه بيوم العرس اضبطه الكم

ماشي

وبعد متركصون سلو باوعتله

بتسم هز راسه كتلهه اي

هسه نختارالاغنيه وادربكم عليه

كنالهه ماشي

بعد شنو تحبون اضافه

هو عدل سترته وباوعله هيه باوعتله وصفنت هزت راسه ماعرف شنو مافهمت نوب كله

وتصوير نريد فديو وفتو

اي اكيد نسويلكم لقطات وهديه من القاعه نكبرلكم صوره انتوا تختاروهه بعد اكو شي

كله اذا ستجد شي نتصل بيكم

كالت ماشي يله تعالوا ويايه اخذتنه مكان وحدنه كالت اكو أغنيه بالكم لو اني اختار الكم لتفت عليه كتله اي اكو كتبتهه

كالت يله تعالوا وكفتنه واحد مقابيل الثاني بس ضجت من تصرفاتهه كلسى ولازمه مهند وهو يبتعد اخر شي من علمتنه وبدينه او مابدينه بالحركه كالت لا مو هيج شو سحبتني وكفت بكل صلافه وخلت ايده عله صدره وتريد تلزم ايده واني تخبلت رأسآ جريته كتله

شو وخري اعرف اعرف هيه بقت صافنه فاتحه صرت بينه ويينه ضهري عليه وفتحت اديه اسد الطريق او امنعه كتله

هاي هيه عرفت شكرا هو رأسآ حوط خصري بأيده وسحبني عليه وكله

اذا امكن خلينه عله راحتنه بالحركات حته تصير الركصه طبيعيه مو جنه انسان ألي احنه نختار الحركه الي تعجبنه