صعدت عالكيف طبيت للغرفة سرور كاعده على فراشه وحاضنه رجليهه بايده وخاله راسهه عله اديه مدنكه
تقربت منه عالسريع وخليت ايد علضهرهه
شبيج شكو شالة راسه
ماكو شي مبوزمه وضايجه
شبيج لعد
اكو غيره
اههوو
شنو سالفتكم
والله كليله اصلا اني ماردت اجي من وره بس خلي يفك مني ياخه
كعدت فتحت الدنبوس مال الشالي وكتله خلي اروح اغسل وفرج واجيج تسولفيلي رجعت وخرت عني الشال وكتله سولفي
نحجي بهمس نيمات البنات
رجعت دنكت على رجليه وخذت نفس وشالت راسه مسحت وجهه
كالت طلعت من الحمام اريد اجي انام قبل لا اطب للغرفه سمعته ورايه كال سرور باوعته واكفه مكاني كال تعالي كتله شتريد
كال جيبلي مي صفنت عليه هزيت ايد ومشيت تجاهلته أريد اطب شو جرني كل قوته وكال
مو احجي وياج
شبيك شنو تصخر متروح تشرب مي تره ماشتغل عندك عفته رجع دارني من جتفي حيل وعصبي وكال واشر بصبعه
وكال والله اذا مجريتي عدل اله خشمج اكسر انت شايفه روحج شو عينج كويه
كتله وخر عني يااخي مالك علاقه بيه كويه ضعيفه عوفني ليش انت الوحيد تدخل وكلما شوفني تضوجني وتحاول تغثني اني شمسويتلك
ودمعت وكتله والله حته ماردت اجي اليوم من وراك عقدتني من بيت جدي كلهم
صفن عليه وجر نفس وكلي لهل درجه تكرهيني كتله واكثر متتوقع امموت منك
ضاج بالزايد وكلي هاهيه بعد مالي علاقه بيج
ولا احاجيج وراح اعتبر عندي بت عم وحده
وعافني وراح
بتسمت بوعتلهه مقهوره
كمت نزعت ثوبي لبست دشداشه لنوم كتله يله هاهيه خلصتي بعد ميدخل بيج جانت مدنكه وكتله بس خسرتي واحد من ولد عمج جان مهتم بيج
صفنت عليه شالت جتفهه شمهتم قصدج
حاط كوره ويه كوري وكرهني بابن العم
عالعموم بعد ميدخل وعدج عدلت مخدتي وتمددت بوعتلهه نامت وصافنه عالسكف وبدت تنام
لزمت سواري وضليت افر بي شلون رجعه باجر اساله اذا صارت فرصه وضليت افكر ال ان نمت ماحسيت اله عله الصلاه الصبح اسمع حركه بسيطه بالبيت البنات نيمات كمت غسلت وتوضيت وصليت لبست حجابي ونزلت
جانت بيبي ومرت عمي بالمطبخ صبحت عليهم محضرات الدهن الحر على النار والدارسين المطحون على الميز اجه عمي صبحت عليه كال يله يمه طلعت بيبي تمشي عالكيف بالعوجيه ومرت عمي وراهه شايله الملح واني وراهم بوعت ماكو احد بالطارمه هدوء والجدوره مسطره ومقبقه وعله القبق فحم جان مجمر وخره عمي وفتح اول جدر وبيبي تصلي على محمد ومره عمي وراهه
لازم الملح اخذت بيبي الملح منه ورشت وتقره ايات قرأنيه ولازم العوده بأيد وايد ترش بيه سدوا القبق وراحوا الثاني والباقيات كلهن
كعدت على الكرسي وعمي يسولفلهه على الحبيبه وشلون شتغلوهه وهيج سوو وهيج كال فلان هيج طبت مره عمي جابت الدهن الحر فركعت الجدوره وعمي يفتحلهه الغطه مال واحد واحد
ويسلفون بهددوء اني حاطه اديه مجتفه اباوعلهم الجو بي بروده والضوه ستوه جهجر
طلع مهند عيونه مورمه لان نايم متأخر مبين مبغبغ وجه شكله يضحك ومغسل ولابس تراك اسود بي رصاصي شويه
طلع صبح علينه وحجه وياهم وهمه بقوا يسولفون اجه بتجاههي وكال
أنت تقرأ
احببت روحك
Romanceما الحب؟ هل هو حب لذاتهه ام تحب شخص لنفسك لتمتلكهُ وتشفي غليلكَ وروحكَ وحواسك لتسعد نفسك بيه ام هو اسعاد الشخص الذي تحبهُ على حساب روحك وقلبك وتقدم لهُ دونَ مقابل هل هو اكتفاء بأنه بخير والنظرَ اليه فقط ام هو خيال لروحك ونفسك وأصراركَ بأن يبقى لك و...
