أحببت روحك💞
فاطمة العامري ✍️
مر عله استشهاد عادل شهر الوضع كأيب دكول مو شخص راح عشيره رغم جنه نلتم ونفس كعداتنه واكثر لان ماعفنه جدي وبيبي وعمو علي وثوبات يعني ددائما ملتمين بس نحس نقص جبير مو شخص غايب لا
غابت الفرحه والضحكه و احساس بالوحده رغم ناس يم ناس
جدي تخربطة حالته وبيبي ومرة عمي بس ينوحن عمي مكسور عُدي الي جان الضحكه متفاركه صار محمل بالهم والغم وشال المسؤليه رغم جان مدلل
مهند سوده عليه مهموم وحزين وبس يجر حسرات ويشرب جكاير ومؤيد نفس الوضع بس ررغم كل هذا ناس تصبر بناس واحد يشد ازر الثاني بالحكمه والصبر واقبول بأمر الله
جنه مخبوصين بالاربعين وتفقوا يرحون لنجف واحنه نبقه يم بيبي وجدي وبقه بس مؤيد علمود الطبخ جابوا طباخين يسون عشه مال ثواب الأربعين
اجوي من النجف وصار العشه ولتمت العالم من كل مكان كرايبنه واصدقائه جانت طب جماعات حته عمايم كام اطب ميعرفوهم
ويوم يجر يوم وبده كلشي يرجع طبيعي والحياة متوكف الدوام ومسوليات وشغل
رجع مهند داوم رغم الكل جلبوا بي بس كنو شرد من الضغط والكائبة الي هو عايشه او يمكن روح الثار والانتقام جسدت بي
مر عله روحته اكثر من شهر بس اتصال سلام كل اربع او خمس ايام اني خليته عله راحته ادري حزنه جبير عله ابن عمه وصديقه بنقس الوكت فما كدرت افرض نفسي عليه
بس اكتفي هو بخير وراسه يشم الهوه كافي عليه بس اتصل كل ما أمن اتصال اسال عليه وأكله ددير بالك عله نفسك
بس هو متغير وگلبه محترك وبس بجر حسرات وقليل الكلام ومبين جرحه بعده ماطاب
بدت امتحانات نص السنه عدنه كورسات وملتهين وگوه أحصل وقت أروح لبيت جدي الي گام يكضيهه نوم بالفراش عمي حيدر ماعافه ابويه هم والولد اهتموا بشغلهم
فد يوم اني وهديل بالكليه كاعدين نراجع كلمن ماده مالته جتي بنيه كعدت يمنه وضلت تسأل ليش لابسين اسوود حجينالهه اخذت من خاطرنه وضلت تفتح مواضيع ويانه وتسال ووراحت وثاني يوم نفس الشي
بعددين كالت استاذ احمد دزني عله وباوعت عله هديل ااستفسر عنه لان عاجبتته ويريد يتقدم هديل نتففضت
أولا احنه بالكليه للدراسه وبس وثانيا دَتشوفينه حزانه فيريت تنهين الموضوع قبل ميبدي عتذرت البنيه بخجل وراحت
ضليت صافنه عليه شلون الدمعه غرغرت بعينه وتحول تتناسه الموضوع بس ماكدرت
ضعفت وضلت تبجي مثل الطفل الي امه عافته وطلعت كل الي بكلبه وحجتلي شكد هيه متندمه لان كسرت بخاطر ابن عمه وهو ميستاهل وشلون هههيه تحترمه وتحب شخصيته وموقفه ودفاعه عن الوطن
وماعندي غير اصبر بيه واكلهه الله عوضه بلي احسن منه اعوضه بحوريه بالجنه حببيت اللطف الجو وكتله الله يحبه وأخذ عمره ولا خلى يتورط بيج شاف مصلحته ياخذله حوريه كامله مكمله
وهيه تبجي كامت تضحك وضربتني باللكتاب كملنه االيوم عادي بسس مرور الايام ضلت تحجيلي عله نظرات استاذ احمد اللي جاي تقيده
أنت تقرأ
احببت روحك
عاطفيةما الحب؟ هل هو حب لذاتهه ام تحب شخص لنفسك لتمتلكهُ وتشفي غليلكَ وروحكَ وحواسك لتسعد نفسك بيه ام هو اسعاد الشخص الذي تحبهُ على حساب روحك وقلبك وتقدم لهُ دونَ مقابل هل هو اكتفاء بأنه بخير والنظرَ اليه فقط ام هو خيال لروحك ونفسك وأصراركَ بأن يبقى لك و...
