احببت روحك

١٥

صرت احسن بس نفسيتي تعبانه ومالي خلك
اي شي وبس اصفن

مامه شبيج بس كاعده وصافنه حجيلي اني امج سترج وغطاج كلبي يتكطع عليج وانت بهاي الحاله

ودلي احجي وفضفض بس اعرف امي متكدر تضم على ابويه شي وابوي ميسكت وتصير هوسه طفرت الدمعه من عيني مسحته

بس تعبانه والدروس راحت عليه ومابيه حيل حته اقره

ميخالف الدروس تتعوض واني احجي ويه المدرسات وكلهم يساهلون وياج لتشيلين هم يله كومي خلي نروح لبيت جدج بيبتج خطيه باله يمج وهم تغيرين جو

لا عفيه ماكدر اطلع كلش تعبانه خليهه عالجمعه بلكي أصحصح راح انام

ييا تعالي تغدي يمه

ماشتهي مامه والله ماشتهي من اجوع اكل صعدت تمددت وافكر شراح يسوي هذا الحقير اكيد بس يهدد شنو  صور مخبل هذا
خو الفديو موجود ويبين هو جرني وراح يدين روحه ويطيح حضه بسيطه اني الك مصطفه الحقير

جتي رساله عالوتساب ركضت عليه عبالي مهند شفت صديقتي تسأل على صحتي
ضلينه نسولف وكتله الأحد اداوم إنشاء الله

ضليت اكلب بالموبايل رحت على المحادثه بالوتساب وعدت كل الكلام

طفيته ونمت بالليل اجتي بيي وجدي وعدي ومره عمو علي وضلينه نسولف وتعشوا يمنه

وبييبي كالت تعالي يمي بيبي اني اداريج

ياحبيبي سوده عليه انت تعباني واني الحمدلله صرت احسن وردت اني اجيج وياريت انت تبقين يمنه فد اسبوع

امي كالت اي والله عمه ابقى يمنه تدرين بنور شكد تحبج وهم شويه غير مكانج

جدي كال لا عمي المره مالهه غير بيته

جدوو خف علينه شويه اطلق صراح العصفوره احنه هم النه حق بييه
وانت هم جدو ابقه يمنه

لا جدي  اني ماعرف انام اله على فراشي

عدي كال بسيطه هاي اني اجيبلك فراشك

جدي شال العوده عالعدي يامنعول الوالدين تريد تخلص مني ولك يا ك---

مره عمي كامت تضحك عفيه عليك عدي ميجي وراكم غير الشتايم
الكل ضحكوا وضلينه نسولف وتوسلت بالجدي بقه بيبي يمنه وكلش فرحت ماراد يكسر خاطري واني مالي خلق

فرشت البيبي وكعدت اسولف وياهه
كالت بيبي سوفليلي يبيبي ليش الدمعه تلآلي بعينج بوعتلهه ودمعت فتحت ايده ورحت بحضنه

كالت منو وياج بس كليلي خاف مههيند

وخرت عنهه وضحكت ومسحت دموعي لا بيبي هو شعلي

خاف مو ش أكوول مهند ادري بي عصبي بس ميعيل بواحد ولا يأذي أحد   ويعزج ياحبيبي وخلت ايده عالمتني بتسمت وخليت راسي على رجلهه