احببت روحك

٢٧

مهند
جنت كاعد ويه الحجي نسولف كلي

بويه شوكت ناوي تسوي العرس

يابه بس خلي يهدئ الوضع ما بقه شي
ويتحرر الموصل ويرتاح بالنه وتصفه الامور ماريد أعلعل البنيه اجيبه هنا  وكضيهه هناك

الله كريم زين شدكول عله سالفه عادل اليوم عمك هم  حاجاني

يابه البنيه متقبل خو مو نجبرهه وله اذا عليه اطيهه واني مغمض

اني راح اضغط عليه صح ربت ويا بس من يصير رجله كلشي يختلف مو اني وامك كدامه

هههه يابه علساس ماجنت هاويهه

ها اي بت عمي ورابين سوه  اهلي من كالوا اني قبلت

قصدك كيفت هههه يابه مواني هم  كدامك خو مو لان بت عمي الكلب وما هوه

اي ميخالف تتعود عليه والكلب يهوه عالكيفه عود

مادري شكلك انت اعرف بس اني اشوف خليهه عالراحته

اجت امي وضلوا يحجون بالموضوع صعدت لغرفتي تصلت بنور كتله حضري روحج خلي نطلع نص ساعه الكاج جاهزه فرحت وكالت
ماشي بس رمش عليه اطلعلك

بدلت وكلت الاهلي لتنتظروني عالعشه راح نطلع اني ونور ضحكوا بوجهي امي كالت روح يمه الله وياكم

وصلت بابهم رمشتله طلعت بسرعه ضليت اباوع عليه اريد اطلع شغله خطأ ماكو
حجابه مستور مكياج ماكو وجهه مرسوم وحده ملابسهه مستوره وطالعه تخبل
ودلي اضمه من الكل طلعت مبتسمه صعدت

سلام عليكم

وعليكم السلام   ليش حاطه مكياج وتتمضحكين

فتحت عيونه صافنه عليه سدت الباب
والله محاطه  بس مسكاره وشويه
مرطب 

ها يعني حاطه

لا يعني قليل راسا اخذت كلنس وطبطبت عالشفته  خرب صافن عليه مال كرط بتسمت بوجه   ووين تردين نروح

كيفك

كولي وين يعجبج

المهم وياك أي مكان يصير حلو

باوعتله وحمدت الله عله هلنعمه شغلت السياره  وعلكت اغنيه وكتله هاي الج بتسمت
لزمت ايدده بسته راسآ صارت حمره

خذذته مدينه الالعاب ماخلت لعبه تكمز كدامي يالعبه تشوفه تكول خللي نصعد والفرحه بعينهه شتريتلهه شعر بنات وكلسى نطك صوره سوه  وفترينه بالمولات شترتله كم شغله كلما اشوف شي حلو اكله ختاري وهيه تكول لا ماريد اني اخذله
رحنه مطعم تعشينه كوه تاكل أحله شي بيه خجله

ليش تخجلين منني نسيتي اني منو جنت ابسطج من تجلبين بيت جددي وتردين تتغدين وياهم تبجين عالاكل ههههههه

مهندد شنو هاي أنسى سوالفي من اني صغيره عفيه

هههه ولج شنو انسه غير جنت اكزكز عليج