احببت روحك

١٤

ثاني يوم اجتي اخت الغثيث طتني رساله وكالت يكول مصطفى بس اقريها اذا شككتيهه تندمين كتله هذا شايف نفسه اخوج كليلي
اذا حاول بعد يزعجني او يضايقني هو راح بتندم تره لسه متحمله وساكته علمود الجوره وماريد اخرب علاقه اهلي بأهلج
وهاي رساله مالته شككتته
وكتله بعد اذا جبتيله اي خبر منه لتجين لبيتنه فهمتي

وعفتهه وكمت صدك سببلي قلق نفسي
شكد جان غثيث من جنه صغار صار أضعاف
مكروه ومتكبر ومغرور ومدلل شيريد يلكه كدامه مكيف بفلوس اهله سياره اخر موديل
وملابس وكشخه وحلو عبالك وهو ولا غير
كمت ماأطيقه بعيشت الله

عفته ورحت هيه هم ضاجت وراحت كالت سرور شبيهه ليش زعلت وضاجت كتله اكو غير اخوهه الغثه مسويه مرسال

شبيج نور هم علكيفج تره الولد ماشفنه عن شي محترم وحباب وكلج اريد اخطبج

وأني كتله مااقبل لو محترم جان دار وجه ووله عني بس شلون يرفضله طلب هذا مدلل ماما

ههههههه هاي غير متحمله عليه

واكثر متصورين كطيعه

اليوم كعدت من وكت علمود السفره امي سوتلي اكل خلته بالحافضه كتله اريد لفات سفري ماريد ابسط واكعد لان مدينه الالعاب واريد اكضيهه لعب وخذت جنطه كتافيات حته متعيقني بالحركه وتفقت ويه هديل نلبس نفس الشي مانتوات او كات جوه الركبه وبنطرون واحذيه فلات ولفينه الشال ولبست ساعتي والسوار اني داءما البس بس بالمدرسه مرات اخلي جوه ردني ميبين واذا بصيف نص ردان انزعه وبس ارجع للبيت البسه ومحافظه عليه وطلعت كتلهه لمامه يمكن نتأخر ليضل بالج وأخذت الموبايل واجه ابو الخط وكناله لتجي علينه الضهر نرجع بالسيارات السفره

طلعنه للمدرسه وكل فرحانين والبنات مبدعات باللبس والمكياج تكول حفل مو سفره وللبس سكتوا وخلوهه

الطريق كل بالسياره اغاني والبنات يركصن بالنص تكول زفه
يمعودات عيب من السايق (ولجن عييييب يولن) ههههههه هاي مال هسه

بس لا حياه لمن تنادي وكلسى يطن السايق رام ويخلي بسماعات السياره وهنه ذبن لحم خطيه

وصلنه للمدينه وركضنه جنه ماشايفين وكل لعبه عليه سره شطوله الي تكمز من السور والي تنتظر اني وهديل رحنه عالالعاب الي مابيه زداحم على متخف وركبنه باليخت بنص المي وديلاب الهوه وعربه الموت والسفينه كلهن من غير الي تعجبنه نعيده
وكلسى نشتري ونطك صور وكضيت احله يوم وكومه ضحكت وخفت من هالضحك وره بجي لان دائما وره الضحك المفرط لازم اكو بجي الله يستر المهم صارت بتلاثه صاحوا بالسماعه على مدرستنه علما جمعن علما تحركنه صارت بالاربعه حركنه وحده بالسيارة تخربطت وكفنه السياره علما غسلت ورتاحت
وكفنه كدام صيدليه وطوهه علاج تأخر الوقت صارت بالخمسه احنه بعدنه
مامه دكت كتله مامه جاين بالطريق وطمنتهه
وره شويه قبل لنوصل دك رقم مهند
يمه كلبي دك ويا اني مسجله رقمه بس مامتصله بي اخذت نفس وجاوبت