احببت روحك

٣٧

كتله بس بشرط

شنننو

شلت راسي من صدره وعدلت شعري
تعقد عليه بس محكمة وتبقه بيته وكلما تريد تاخذله غراض او اي شي لو اني اروح وياك لو عمه الى ان تفض المشكله

صفن عليه وكام وكف وعكد حاجب وفرك وجهه وكال

بعد اكو اوامر ثانيه حجه بقلت صبر وادي عله خاصرته ومعصب

لا ماكو واعتقد هذا من حقي

شنو يعني من حقج ؟ من حقج تتحكمين بيه وتعلميني شسوي شنو مو بعينج لو شايفتني صغير لو مو رجال وامشي بححي النسوان

لا مو قصدي بس

سمعني زين يابت الناس اني اذا اريد ازوج جان تزوجت من زمان كدامي بدال الوحده الف من جنت بالكليه لحد هاي اللحضة
ماروح ادور زواج من زوجة صديقي الي اصلا ماشايفه وكتلج هذا الشي بس انتِ الضاهر
قافله    اني لا بطران ولا اريد اسوي مشكلة
وجاي اقنعج بالتي هيه احسن بس الظاهر ماكو فائدة مو سألتج قبل شويه ثقين بيه لو لا

صفنت بوجه

جاوبي مو سألتج ليشش كمتتي طلعيلي حجج كلمه اخيره لو تعوفيني اتصرف واحل المشكلة بأقل خسائر لو كولي ماريد
لتضلين دورين شروط براسي

كلش عصب  وعروكه بينت مال ركبته ويحجي بعصبية  كتله

بس اسمعني مهند ماأكدر بعدني مامكمله كال
واشر بيده عليه بحركة كافي

خلص خلص هاهية ابقي تصوري وسوي افكار براسج وسيناريوهات وابجي وشتردين تسوين سوي اني مالي خلك تعببببان مالي خالك سوالف النسوان ودار وجه للباب يريد يطلع

صحت مهند وركضت ورى لزمت من ضهره شبكته لا عفيه لتطلع وانت ضايج جسمه نار وخر ايدي  ويتنفس سريع ودار وجه عليه

باوع بعيوني حجايه وحدة تقبلين لو لا
ضلليت اباوع بوجه

يعني اهون عليك اذا عندك صديقك ومرته اهم   روح

لا اله اله الله بابه انتي منو داسلج عله طرف
اعتبريني عندي مشكله واريد احله  بس اني صوجي كله صوجي من البدايه لازم ماحجيلج
عله شنو هالدووخه كله مني اني جبت دوخت الراس  وغيرت النسوان وقلتة عقلهن

ددمعتت عيني وبلعت ريكي وحجيت بهمس
ماشي عقلي صغير    والله بلاك بيه
شسوي اني ماتحمل اغار عليك ماتحمل

ماحجه ولا كلمه بس كال الكلام ضايع وياج
وعافني وراح گلبي نعصر كعدت اعصابي گله ترجف وماعرف شفكر وشسوي صراع بين گلبي وعقلي وبين جر وعر يومين بس افكر
ولا اني تصلت ولا هو تصل سكته

گلت خلي اشوف شراح يسوي يبقه عله قراره لو يسوي الي كتله عليه يومين مرت ماعرفت شسوه حته هديل سالته كالت ماكال شي