احببت روحك

٥٣

سرور
كل فترة خطوبة نور بكوم ومن صارت صدك كوم ثاني كل ما يمر الوقت احس بده العد التنازلي وراح ياخذوهه مني
نور مو بس اختي الوحيدة هي امي وصديقتي وروحي ماتخيل راح اعيش بالبيت وحدي شلون افارگه صحيح مو بعيده بس
راح تعيش يمهم يعني انام وأكعد وأكل كله وحدي حته اذا تريد تجينه او اروحله اكيد لساعات فأعصابي دمرت واني اشوفه تلم بغراضه كفت غرفته بقت شغلات بسيطة اساعده وگلبي يحترك بس ماريد اضوجه بالحنه نمت بحصنه وهم ماشبعت منه ثاني يوم هيه گعدت كله نشاط وسعادة واني گعدت كلي كسل و تعاسه من قهري حقدت عله بيت عمي كلهم عائلتم جاي تكبر واحنه تصغر همه كعدتهم حلوة ونوب اخذوا احله شي عدنه احسدهم عله لمتهم
كمت اشتغل واساعده بس بدون نفس راحت للحمام وكالت حضري البدلات والغراض كلهن حضرتهن وهيه طلعت من الحمام اني طبيت غسلت وراهه ودموعي تصب ويه المي صبرت روحي ماريده تشوفني
مامه حالته مو احسن مني بس فرحته بيه
مغطيه عله فراكه خو بابه طلع من الصبح بيت جدي فرحان بعرس ابن اخو ⁦عشتو وعلمود مسوين غده والعشيره كله معزومه من غير الاصدقاء والمعارف

مامه خلتنه غده وكالت عوفوا البدلات أخذوا بس اول بدله والغراض المهمه والباقي احنه نجيبه
نور صاحتني يله سرور طلعي الغراض اجه مؤيد لبست ولفيت الحجاب طلعت العلاليك جان گاعد بالسيارة يكلب بموبايله مدري يكتب فتحت باب الصدر خليت الغراض
باوعلي ونزل نظراته عله خشمه شويه
كتله هلو
كال وعليكم السلام من وره خشمه ورجع نظارات بصبعه ورجع يكتب ويتبسم طبكت الباب وفتحت الباب الوره وصعدت اجتي نور
سلمت عليه وكام يحجون عن تحظيراتهم ومنوا اجاهم ومهند شديسوي هيه تسأله وهو يجاوب نوب كله نور ماوصيج تلفلفوا من طلعون هيه دكله انشاء الله كلما اشيل راسي اباوعله احسه يباوع بس ميبين لان لابس نظارات ادور وجهي عله الشارع حته ماحجيت ولا كلمه اخر شي من وصلنه هم كال ديرو بالكم من تطلعون يعني احنه منعرف هو احرص علينه ماشالله نزلنه ونزل ويانه الغراض وكال من تخلصون خابروني

دخلنه وجنه حاجزين ستلمو نور من فوك ليجو تقشير وتنضيف بشره وتسريح كالت ماريد اي شي حته سبره ماريد للشعر يوكف ماحبه كلوله متثبت التسريحه كالت ماريد تسريحه أوفر شي بسيط وكلسى تكل للماكيرة ماريد مكياج قوي اكيد هذا مهند مخبله
بس من كملوهه تخبل طلعت مثل عرايس الغرب الرشاقه والبدله السنبل وكليل الورد
ومكياج الهادئ بس ضهر ملامحه وجه
تخبل طلعت هيه اصلا حلوه عيونه سود وكبار ورموشه كثيفه وبيضه ودورة وجه وشفايفه
اني بس برمت شعري وخليت ايلاينر وحمره وردي بناتي من خلصنه اتصلت نور بمؤيد
لبسته ولفلفناهه عله كولته خاف يحجي واني خليت شالي عله راسي ولبست الجبه رمش
طلعت بيدي الغراض جان منتجي عله السياره
ومسفط أدي طلعت مخبوصه بالغراض وصلت يم السيارة شو مافتح الباب شلت راسي
خازرني وصافن اشرتله عله الباب وبيدي الغراض اجه فتحه ويستغفر شمرت الغراض ورجعت لنور مشيته الباب مفتوح صعدت وصعدت يمه صارت عينه بعينه هم خازرني
اووف شلون عيون مادري شيصير بيه من اباوعلهن شكد ماحلوات شكد مايخوفن ماعرف گلبي من الخوف يدك لو ماأتحمل اشوف جدحتهن دنكت وبلعت ريكي عدلت شالي خاف شعري طالع وضاج هيج
شو ماطالع هم عدلت الشال تبارك لنور وهيه كلتله يوم لألك شو هذا رأسآ جاوابه كله
انشاء الله عن قريب مادري شصار بيه گلبي نتفض ماتخيل يزوج يبقه هيج ولا يزوج ضليت صافنه عله الشارع وافكر