احببت روحك

٤٦

صعدت فوك روحي فايره شيخلص هالااسبوع وشلون ارجع للبيت وهاي هنا باقيه
اعرف ميباوعله ولا معتبره غير انو مره صديقه واثقه من هالشي بس ليش مااسكت وتقبل الموضوع ماعرف راح اتخبل من التفكير

ثاني يوم نزلت جنه نحضر الريوك طللعت للحديقه لزمت الصونده ارش بالاشجار حديقه بيت عمي اكبر من حديقتنه ومهتمين بيه اكثر تخبل شهر الرابع والورد الجوري تارس الحديقه اشم بي ومااشبع
رشيت كل الشجر وريحه تخبل اعشقه
اشجار البرتقال والنارنج شايل كومه ثمر صغار وعدهم شجرة رمان مزهره ونخلتين كبار مسويات ضل بالحديقه
وصبار شمع دان وجهنمي قوس بالمدخل
ارش وتخيل روحي هنا راح اعيش اني وجهالي وهنا يلعبون والعبهم وصيح عليهم
من يهوسون وحبيبي يلعبهم وفجاء سمعت صوت بجي طيرت من بالي كل الاحلام الورديه الى الواقع الاسود لتفتت ايه تبجي من الصبح اسمع صوته بالمطبخ غسلت وجههي بمي الصونده شراح يخلص الشغله هاي غسلت رجليه وطبيت عمتي كالت تعالي يمه تريكي
صبيتلي كوب جاي وباوعله تبجي وحاطه راسه بحضن امه وكلسى تشيل راسه تباوعلنه وتبجي وامهه سكتت بيه وهيه تعيط كتله

شبيه
كالت مادري يمكن مستغرب

كتله بعده مامصحصه خاف تريد تنام بعده نعسانه؟

شالته تكله اسويلج حليب وهيه تبجي وتصيح ما عمتي كلتله
طلعيهه بره يمه بلكي تسكت
طب مهند كال
شبيه شبيه ايوو ليش تبجين حبيبتي منو وياهه

هيه رأسا لتفتت عليه سكتت وضمت راسه بصدر امهه تفرك براسسه

كال صباح الخير سلم علينه جاوبنا

شالت راسه عليه وضحكت نوب مدت ايده اله ضحك كله تعالي ملعونه شنو هذا البجي تقرب يريد ياخذه واني فتحت عيووني مركز كل قوتي دنه عله امهه واخذ الطفلة يحجي وياهه ويسكته اخذه وطلع بره
امه كالت بس خلي اريكه
كله جيبي اككله بره عله المرجوحه

اني مثل الاطرش بالزفه حسيت اني مو بمكاني شعندي جايه وحاطه روحي بهيج موقف زباله كامت عمتي كالت يمه ليش عفتي ريوكج كتله الحمد لله صعدّت هديل بعدهه نايمه طلعت ثوبي بدلت عالسريع ولبست حجابي وخذت موبايلي ونزلت عمي جان يتريك ويه عمه سلمت عليه كال
وين عمو ؟
رايحه عله جدو وبيبي
بس ترجعين ؟
مو اكيد عمو عندي أمتحان باجر من رخصتكم
طلعت شفته عله المرجوحه مكعدهه بحضنه
ويلعبهه وهيه تضحك
وامه واكفه عالجهه لازمتله اكله تريد توكله
شافني كام مستغرب خله الطفله عله المرجوحه وكله لزميهه لتوكع هيه شالته وكعدت عالمرجوحه توكله وهيه تصيح عمو
وتبجي
اني واكفه اباوع عليهم تقدم عليه كال
وين رايحه؟
رايحه لبيت جدي
ترجعين
صفنت عليه همست تؤ
ليش مو اليوم نطلع عالساس
ضليت اباوع بعيونه
شبيج نور ليش صافننه
ماكو شي يله رايحه اخذ راحتك

مشيت بتجاه الباب وگلبي ينعصر الم عله قهر عله شفقه عله حالي شهل الوضع ماعرف اني انانيه بموقفي لو من حقي طلعت امشي بدون روح بقت روحي بينهم بينه وبينه وبين هاي الطفله البريئه احاول الكه كلمه تعبر عن الوضع كله مالكيت رحت لبيبي شبكته وبجيت بقهر هيه تمسح عله ضهري يمي الرحمن عله گلبج
يمه نويره شبيج بيبي شبيج حبيبه