احببت روحك

البارت العاشر

رحت وخجلان تأخر الوكت لا اكد ماروح اخاف منتظرتني وادري بيهه بسرعه تزعل ولا اكدر اروح خاف الوقت مو مناسب
بس ماكدر اللتحق وماشوفهه

دكيت الباب علكيف وره شويه فتحت الباب بدوون متكول منو كتله شلون تفتحين الباب وهيه هم حجت نفس الوقت بعفويه ليييش تأخرت يعني جانت منتظرتني ضحكنه

سلمت عليه وسألت على عمي كالت نايم واحنه هم راح نام وزعلانه ههههه غير مال كرط
اجتي سرور وسلمت عليه
وضليت اسمع نور جم حجايه لتكلولي ليش ماعرف اذا مازعجهه وخليه تضوج
يعني من تشوفون طفل كدامكم مو تشاقوا وتردون تاكلوا اني هيج من اشوفه لا اني أكثر هم هههههههه

جابتلي الكليجه ومدري شتبسمرله سرور
ريحته تخبل

درت وجههي اريد اطلع وكلبي ميريدني اطلع وصلت يم الباب راحت سرور
ماكدرت اطلع وخليلهه زعلانه كتله سبب تأخري بحجة تكل لعمي حته تعرف اني مامتقصد اتأخر اشرتلي براسهه وعيونه تودعني بألم
اووف والله ودلي اخذهه بحضني وشبع رأتي من ريحته ويرتوي كلبي العطشان
طلعت ماكدر اشوف نظراته كتله دخلي ضلت واكف وصتني أدير بالي واني هم وصيتهه

وطلعت بسرعه رحت لغرفتي وكتبت شعر احبه ودائما اتخيله الهه وخليته بكتاب الي دائما تقره بي واشوفه مأشره عليه

ثاني يوم طلعنه اني وعادل الفجر ورحنه للمقر ويوم يجر يوم ويه كل هذا الوضع الي نعيشه اشوف عادل يصفن لليل جان الوضع هادئ كعدت يمه وجان يشرب جكاير وخذت منه وحده اني ماأشرب بس عالواهس الشباب كله تشرب هنا وكعدتتنيه طول بالغفارات ويقدم لي فكمت اخذ وياهم وحادي
ورثت الجكاره من جداحته

وكتله ككول ابن عمي شعندك ذب حملك عليه
مو يكولون ابن عمي شيال همي

بتسم وكال ونعم من حزام ضهري واخذ نفس
وينفخ الجكاره ليفوك
كتله اضنك عاشك يخوي بتسم وباوعلي
بعد انت خبره بالعشك وتعرف الي مثلك
ضربته بوكسي بصدره بخفه
تحجي لو شلون لتلوفه عليه

ضحك اي حكك ياخوي كلبك مأمن الي تحبه تحبك بعد ميهمك شي

لعد انت الي تحبهه شنو؟
دكلي مو فتيت كلبي

ذب الجكاره بعيد ولتفت كال ضيمي ضيمين
هم هيه متدري وين الله خالني وهم امي الي معارضه معارضه تامه

بوعتله بتسأل كال راح احجيلك
اني احب رند بت عمتي من زمان بس هيه متريدني وداءما تصدني بس رغم صدده كول اكدر الين راسه وجيبهه لطريق
لان ماكدر أخليهه تحبني واني مالي سلطه عليه جنت مفكر من تصير الشغله رسميه ابددي بالخطوه الثانيه بس المشكله
أمي من كتلهه رفضت وابد ما طتني مجال وكالت لو اني لو هيه

كتله زين ليش

كال هيه وعمتي ابد ميتراهمن انت تدري حته من تجي عمتي تبقه يمكم بس تسلم على جدي وبيبي وتطلع ومن ننجمع كلنه تصير المشاحنات وتبقه وحده تسمع لثانيه حجي
ومن فاتحت امي بموضوع رند نوب الأمور تأزمت بالزايد
اصلا بهاي كعدتنه الاخيره
امي كامت تذب كلام لعمه وعمتي ماتحملت وتعاركن واني بس صافن عليهن لا اكدر افزع لهاي ولا الذيج يعني يخوي شغلتي مكيسه من كاعدهه