احببت روحك

٢٦

مهند

فتحت الرساله وكلبي يقره كبل عيني
كاتبه

تلاشتْ الكلماتُ عجزَ القلمُ دمعتْ العيون
تَسارعت دقاتِ قلبي
لا بل اصبحَ قلبكَ واسيرُ حبكَ
هلْ هناكَ كلمةً تجمعُ شَوقي وحبي لكَ ؟

اشتقتُ لعيناكَ ألتي ترجفُ قلبيِ
اشتقتُ لمحياكَ الذي يؤمن خوفيِ
اشتقتُ لبسماكَ لكلامكَ لصوتكَ
للمسة يدكَ ودُفء شفتيك التي ترجف جسمي وترعش كياني انا مولعاً بدفء أحضانك وسحر تلك النظرات أغرقتني في بحورك حبيبي وأسقيتني حلو العسل إجعلني أرتوي من ضفاف شفتيك حتى الثماله

حبيبي لن تغيب عن مخيلتي اراكَ في كل مكانً وفي كلٍ صوتً وفي كل شخص
طال غيابكَ اتعبني بعدككَ ارهقني حبك

انتَ دوائي وانت نَظري وانتَ أمني وانتٌ اهلي وانت روحي

مهند صرت اخاف عالنفسي من حبكَ
شتاحني وتغلغل في جسدي وعقلي وقلبي
استودعك قلبي وروحي الذي بين يديك
احفظها لي وعد وكن لي وطنآ
فأني بغيرك لا حياتآ ولا مسكنآ

حبيبتك ومخلصتك نور 💓

طبكت الرساله ونحفرت كلماته بكلبي
ضميته اجه عادل يمي

الله بالخير ابن عمي سالمين شو تجر حصرات
يمعود مبين هيجت المواجع هههههه

اضحك شكو عالكلبك اكعد اكعد
ورثت جكاره وطيته جكاره ورثتله وياي اخذه ونتجه عله الحايط ورفع راسه لفوك متبسم ينفخ بالدخان

اي يخوي شكو عندي خااللي مختلي خليت االحب لهله
ويباوعلي ويضحك خليني مرتاح هيج احسن من حالك شوف شصار بيك عيونك حمر وتخاذ حصرات وكلبك طاك

هههه هسه اانت شلونك عاد جاي تتفيك براسي ماكتلي مريت عالبيت سعود

اي مريت وخليت المسواك بالباب وحاجتني
مرته من وره الباب وكتله هذا من سعود ورحت

اي بارك الله بيك اهلي جدي شلون صار

خطيه ضغطه مينزل هو نزف خشمه وكام يطلع من حلكه الدم وركضنه بي ومغذي وابر ياله نزل وبيبي نوب هبطت عليه وهم صعد ضغطه وحرنه بيهم

هههههه غير يكعدون راحه روميو وجوليت

هههههههه لا التاريخ راح يعيد نفسه بعد 50
سنه انشاء الله يطلعونه ثنين ينظرب بيهم المثل

هههه منهمه

جا غير نور ومهند ماعرفتهم

ههههه اي شلون ماعرفهم اشهر مسلسل مدبلج
اتراك بعد

لا عمي اتراك شنو واحنه عدنه النسخه العراقيه الأصليه نور ومهند تعود من جديد
قصه غرام وعشق وهيام
وأيشر بيده كأنو مكتوب عاللوحه معلكه وناصب عليه ويضحك