اليوم يمر عليه بسنه من من گالت هديل اجت اليوم ماعرف شصار بيه بس أرجف
عود گمت الهي روحي بالشغل من اجيت من الكليه حته مانمت عود أشتغل أديه متاخذ شغل
اتصلت عله هديل جانت نايمه گوه صحصحت اساله تكلي شمدريني اني نايمه بغرفتي ضليت احجي عليه حته تكوم تشوفلي الوضع
لهيت روحي سويت بورك ماعرف حته شلون سويته حشيته جبن وكرفس ودهنته عله وجه صفار بيض وحليب وخليت حبه سوده وسمسم وشويته بالفرن وبالي يم هاي البلوه هديل مادگت عليه رجعت تصلت عليه
الووو اليوم مااخلص
وجع ها شصار وينهه
بالغرفه الجوه كاعده وساكته حته بته من تطلع من الغرفه تاخذه وطب
زين منو جابه ويه مهند؟ وين تغدت شحجوا
وحده وحده علكيفج امي كالت جبناهه اني ومهند ومادري شحجوا وين تغدوا جنت ويه حضرتج بالدوام
غير تسالين عابت
يا نور صددك تحجين شجاج
شمدريج انتي شكو عالگلبج هسه گليلي شتسوي
بغرفته
ومهند
طالع
خوش شويه وخابرج
لا دخيلج تره اسويلج بلوك
دسوي وشوفي اني شسويلج
هههههههه كلش يطلع منج صايره حيزبون الشريره
حييزبون بعينج
يله روحي بااي
ضليت الوج اجتي سرور شافتني مثل تطلك
شبيج يمعودة شكو سولفتلهه كالت
اني لو منج اروح وگعد عله كلبه وماطيه مجال خاف تريد تلعبب بذيله قابل اضل عله رحمة هديل االفاهيه ضليت اباوعله حجايته طبت براسي ماكو غيره صعدت مثل الصاروخ غسلت ومكياج خفيف لبست ثوب نيلي احنه صح ذبينه الاسود بس نلبس كله الوان غامقه
ثوب تركي ويا كب ماروني ووشال نيلي
والثوب بي حزام موروني ناعم وخذت ماعون بورگ همزين مسويه خوش حجه اروح بيه
كتله لامي ستغربت بس بتسمت كالت روحي مامه الله يهديكم
رحت والتوتر والفضول فووول عندي طبعا اول ماشافتني هديل فتحت حلكه خزرته ومشيت سلمت عليهم المصيبه ياهو الي يششوفني يبتسم وكنو مكتوب عله الگصتي الفضول بس ولا همني ضليت اتلفت گعدت بالصاله وره ساعه طلعت الطفله تركض من الغرفه شارده من امهه وتضحك عمتي تكول
هله هله تعالي حبيبتي تعالي اجتي يم عمتي تبوس بيه وهديل تكرص بيه هيه صدك مال عض اني بس مبحلكه عليه وعيني عله باب الغرفة طلعت لابسه جبه عريضه سوده وربطه سوده طلعت مستعجله تعدل بربطتته كالت سلام عليكم سلمنه جرت الطفله
وطفله تصيح ما عوفيني ماما
عمتي گلتله عوفيه خاله
عوفيه شنو ساجنه الطفله من اجتي لسه
لا خاله مو ضوجكم
لا مضوجنه عوفيه ضلت واكفه قبل لدور عمتي گلتلهه هاي نور خطيبة مهندد
شالت راسه وباوعتلي بتسامه وخجل كالت
تشرفنه اهلا وسهلا
اني بس هزيت راسي اباوع بتفاصيله جانت حنطاويه مملوحه ملامحه حلوه عيونه مو كبار بس حلوات وجهه مدور حواجبه مبيناتت مامحفوفه مبين عليهه الحزن صاحبت وجنات مبين عمره 25 اكثر سلمت ورادت تروح للغرفه
عمتي كلته ابقي هنا خاله
لا خاله اخذوا راحتكم وراحت بالغرفة
جريت نفس باوعت لهديل نظرته تسال شنو رأيج اشرتله بشفايفي عادي بتسمت ورفعت حاجبه للمغرب اجه عمي اول ماطب رفع حواجبه وكال
اخخخ اگول البيت اليوم منور ثاري نواره هنا
تلگيته باسني براسي بست ايده ضم راسي يم صدره ويضحك ملعونه ليش گطعتي رجلج علينه
أنت تقرأ
احببت روحك
Romanceما الحب؟ هل هو حب لذاتهه ام تحب شخص لنفسك لتمتلكهُ وتشفي غليلكَ وروحكَ وحواسك لتسعد نفسك بيه ام هو اسعاد الشخص الذي تحبهُ على حساب روحك وقلبك وتقدم لهُ دونَ مقابل هل هو اكتفاء بأنه بخير والنظرَ اليه فقط ام هو خيال لروحك ونفسك وأصراركَ بأن يبقى لك و...
