ကျနော့်ယောက်ျား အမျိုးကောင်းသား [က်ေနာ့္ေယာက္်ား အမ်ိဳးေကာင္းသား ]

🥂 ၂ 🥂

[Unicode]

ဆောင်းတွင်းရောက်လာပြီမို့ အအေးဓာတ်က နှစ်ဆတိုးလို့လာသည် ။

လူများစွာနဲ့ ရှုပ်ထွေးပွေလီနေသည့် ညဈေးတန်းအား လျှောက်ရင်း Fashionဆိုင်တစ်ခုသို့ ဝင်ရောက်ခဲ့လိုက်သည် ။

ပုံစံစုံ ဒီဇိုင်းမျိုးစုံနဲ့ အနွေးထည်လေးတွေက အရောင်းဆန်းလေးတွေနဲ့ လှလွန်းတာမို့ အိတ်ကပ်ထဲရှိ ဘောပွဲနိုင်လာသည့် လောင်းကြေးတို့အား နှိုက်ယူကာ Injunအတွက် အနွေးထည်တစ်ထည် ဝယ်ယူလိုက်သည် ။

ဝန်ထမ်းကောင်မလေး ထုတ်ပိုးပေးလိုက်သည့် ပါဆယ်အိတ်လေးအား ကိုင်ကာ Hoodieထဲ လက်နှိုက်ရင်း ပြန်အထွက် ။

အဝင်ဝမှာ ထိတိုက်လုမတတ်နီးကပ်သွားသည့် လူတစ်ယောက်အား ရှောင်ရှားရင်း တံခါးမှန်နဲ့ကျောက ထိစပ်လို့သွားသည် ။

ခဲပုတ်ရောင်suitနဲ့ ခန့်ညားစွာ လှမ်းဝင်လာသည့် ထိုလူက ကျနော်တို့အရွယ်သာသာပဲ ရှိအုန်းမည် ။

မသကာကြီးလှ တစ်နှစ် နှစ်နှစ်ပေါ့ ။

ဆိုင်ထဲ၌ လက်ညှိုးညွှန်ကာ မှာတမ်းတွေခြွေနေတဲ့ ထိုလူက ဆိုင်ပိုင်ရှင်ဖြစ်ပုံရမည် ။

သူများတွေများ ကောင်းလိုက်တာ ။

တကယ့်ရွှေပေါ်မြတင်တွေ ။

Ring ~  Ring

' အေး Injun ၊ ခဏစောင့် ငါလာပြီ '

ဆိုင်ထဲမှထွက်ကာ ကားဂိတ်ဆီသို့ အလျင်အမြန် လျှောက်ခဲ့လိုက်သည် ။

ကားပေါ်ကဆင်းကတည်းက နောက်ကနေတောက်လျှောက်ပါလာတဲ့လူကြောင့် သူမကြောက်ဒူးတို့တုန်နေမိတယ် ။

Renjunဆီဖုန်းဆက်ပေမဲ့ လဒလေးက ဘာတွေလုပ်နေလို့ အဲ့လောက်ကြာနေတယ်မသိဘူး ။

လမ်းထိပ်မှာ ဟိုကြည့်ဒီကြည့်လုပ်နေရင်း တစ်လှမ်းချင်းCatwalkလျှောက်လာတဲ့ Renjunလက်အား ပြေးဆွဲလိုက်ပြီး …

' မြန်မြန်လာပါ အဖေရဲ့ '

' ဘာလဲဟ '

' ငါနောက်ကိုလူလိုက်လာလို့ '

ချစ်လှစွာသော အကိုရဲ့လက်အား တင်းတင်းဆုတ်ကိုင်ကာ ခပ်တိုးတိုးပြောလိုက်သည် ။