ကျနော့်ယောက်ျား အမျိုးကောင်းသား [က်ေနာ့္ေယာက္်ား အမ်ိဳးေကာင္းသား ]

🥂၁၀🥂

Unicode

တကယ်တော့ Haejinက ငါ့ရည်းစားဟောင်း Renjun ။

နားထဲကမထွက်သေးတဲ့အသံကြောင့် မျက်စိရှေ့က Jung Haejinအား လှေကားထစ်နားကနေ ရပ်ကာ ကျွန်တော်စိုက်ကြည့်လိုက်သည် ။

ကပိုကရိုဆံပင်လေးကို နောက်မှာခပ်လျော့လျော့ စည်းထားပြီး ပုံမှန်ဂါဝန်လေးနဲ့တောင် ဆွဲဆောင်မှုရှိပြီး လှလွန်းပါသည် ။

Jenoကြွေလည်း ကြွေချင်စရာပဲ ။

" Renjunလာလေ "

လှမ်းခေါ်လိုက်တဲ့ အသံက Jenoဆီက ။

သူလည်းရှိနေတာလား ။

ရှုပ်ပွနေတဲ့ ဆံပင်တွေအား လက်ချောင်းတွေနဲ့ ပိုမိုထိုးဖွကာ Jenoဘေးက ခုံတစ်ခုံအားဆွဲကာ ဝင်ထိုင်လိုက်သည် ။

" အလုပ်မသွားဘူးလား "

" ဒီနေ့က တနင်္ဂနွေနေ့လေ Junရဲ့ "

" အော် "

စားပွဲပေါ်တင်ထားသည့် ပန်းကန်ထဲမှ စတော်ဘယ်ရီသီးတစ်လုံးအားယူကာ ပါးစပ်ထဲထိုးထည့်ပစ်လိုက်သည် ။

" ဆံပင်တွေလည်းရှုပ်ပွနေတာပဲ "

လက်ချောင်းများကိုအသုံးပြုကာ Jenoက ကျွန်တော့်ဆံပင်တွေကို သေသေသပ်သပ် ဖြစ်အောင် ဖီးသင်ပေးနေသည် ။

" Morning Renjun "

အငွေ့တထောင်းထောင်းထနေတဲ့ ပန်းကန်အား စားပွဲဝိုင်းပေါ်တင်ရင်း Jung Haejin နှုတ်ဆက်တာမို့ ပြန်လည်နှုတ်ဆက်လိုက်သည် ။

" Morning "

" အိပ်ရေးမဝလို့လား မျက်နှာကြီး ဆူပုတ်နေတာပဲ "

" အွန်း "

မျက်လုံးစုံမှိတ်ကာ ခုံနောက်ကိုပက်လက်လှန်ကာ မှီနေတဲ့ ကျွန်တော့်ခေါင်းကို Jenoက သူ့ပခုံးပေါ် ဆွဲယူလေသည် ။

" အိပ်ချင်တာများ အိပ်နေပါလား "

" ကိုကိုမှမရှိတာ "

တမင်တကာပင် နှုတ်ခမ်းလေးဆူကာ ကျွန်တော်ပြန်ဖြေလိုက်သည် ။

" မျက်နှာသစ်ပြီးပြီလား "

" အွန်း "

" ရေဘာလို့ချိုးမလာတာလဲ "