ကျနော့်ယောက်ျား အမျိုးကောင်းသား [က်ေနာ့္ေယာက္်ား အမ်ိဳးေကာင္းသား ]

🥂၂၁🥂

Unicode

" မျက်နှာလည်းမလန်းပါလား Haejin "

လက်ဖျစ်တစ်ချက်တီးကာ ခုံမှာဝင်ထိုင်ရင်း မေးလာသည့် Minguကို စိတ်ပျက်စွာ သူမကြည့်လိုက်သည် ။

" မျက်နှာကြီးကလည်းကွာ ။ ဘယ်လိုဖြစ်တာလဲ "

" စိတ်တွေရှုပ်လို့ Mingu "

" Lee Jenoနဲ့အဆင်မပြေဘူးလား "

သူမခေါင်းကိုခါယမ်းလိုက်သည် ။

" ဒါဆိုပြေတယ်ပေါ့ "

" ငါစိတ်ညစ်နေတယ် Gang Mingu "

" ညစ်နေတဲ့အကြောင်းပြောပြလေ "

" ငါမောင့်ကိုဘယ်လိုမှအဆုံးအရှုံးမခံနိုင်ဘူး Mingu "

" Lee Jenoက နင့်ကိုချစ်ပါတယ် "

" သိတယ် ။ အဲ့လိုချစ်တာကြောင့်လည်း ငါ့ပလိုင်းထဲကဖား ဘယ်အချိန်ထုတ်ရိုက်ရိုက် ရတယ်ဆိုပြီး ပေါ့လိုက်တာ ။ အခု ကိုယ့်ရည်းစားကိုယ်ပြန်လုနေရတဲ့အဖြစ် "

မေးထောက်ကာ စိတ်ပျက်သလို ပြောလိုက်တော့ Minguက ရယ်သည် ။

" ဘာရယ်တာလဲ "

" လျှော့တွက်တာကိုကွ "

" ငါစဉ်းစားနေတာ Mingu ။ Jenoမိန်းမကလေ ပုံမှန်မဟုတ်ဘူး "

" ရူးနေတာလား "

" ရူးနေတဲ့လူကို Jenoက ယူမလား ။ အခုဟာက ရူးတာထက်ပိုဆိုးတယ် "

" ပိုဆိုးတယ် "

" ဟုတ်တယ် ။ သူကလေ မိန်းကလေးသာပြောတယ် ။ ဘယ်နေရာမှ မိန်းမနဲ့မတူတာ "

" ဒါဆိုယောက်ျားကြီးလား "

" မပြောတတ်ဘူး "

" နည်းနည်းတော့ စဉ်းစားစရာပဲနော် Haejin "

" နည်းနည်းမဟုတ်ဘူးဟေ့ ။ များများ ။ တကယ့်ကို ငါ့အတွက်တော့ ခလုတ်ကန်သင်းပဲ ။ နင်မသိလို့ မောင်က သူ့ကိုသိပ်ဂရုစိုက်တာ ။ သူသေအောင်မူးလာလည်း မောင်ကပြုံးပြီးတွဲတာပဲ ။ ကောင်လေးတွေနဲ့ ပခုံးဖက်ပေါင်းလည်း မောင်ကကြည်ကြည်ဖြူဖြူ ခွင့်ပြုထားတာပဲ ။ တစ်ခါတစ်လေ သူစိတ်အခန့်မသင့်လို့ အိမ်အကူတွေကိုအော်လိုက်တာနဲ့ မောင်က ချက်ချင်းအလုပ်ဖြုတ်ပစ်တာ "