فصليتي ضابطة الجزء الثاني (٢)

البارت السابع من الجزء الثاني

هلو شخباركم استمتعو وقراءة ممتعه ⁦♥️⁩

دخلن البنات وبدن يتقربن للشباب الي تكعد بحضنة ولي تلمس خدة ولعبان نفس صراحة باوعتلهم عمار تكول مشايف فاتح حلكة بس جاد وصكر ممنتبهين وجاد هوة طبعة يكره البنات ماعدا اني ونياز وميار يموت علينه وحتة ميار تصيحلة بابا وصكر اصلا مرتبط واحنة نركص اجت وحدة من البنات يم ياسر وبدت تتغزل بي كالهة
ياسر .. مو هاذي حبيبتي كدامج شكو جايه يمي ترة هسه تفترسج
البنية .. من جمالك عقل مضل براسي
نيلوفر .. اني طكيتها بضحكة بكل علاة صوتي على خبالهة وعفتهم ومشيت كعدت يم مروة وهوة راد يكعد يمهم ضلت تسوي حركات صراحة خجلت اباوعلهم وهوة استسلم وضل يركص وياهة كملو كلمن كعد بمكان وهنة ضلن يركصن بس مو رومانسي لا هز 😂 وهز يالكمر شعر شعر ههههه تحمست احم نرجع للقصة .
نيلوفر .. اجت البنية نفسهة يمي وكالت
البنية .. اخذتة منج لو لا
نيلوفر .. اعتقد انتي عمية لان مثل مشفتي كدامج اني الي عفته ورحت .
البنية .. انتي دريتي بنفسج حتنطردين فرحتي من وحدج احسن منما هوة يذبج مثل القندرة العتيكة ولزمت خصلة من شعري . عاد اني متحملت انطيتهة راشدي فرهة فر فهي عبالهة لابسة فستان معناتهة كيوت وكذا ماتدري زلم مشوربه تتوسل بيه ارحمهم تجي هية تهيني
المهم طلعت حركة كلبي بيهة والوياهة يتراجفن والولد يباوعولي مستغربين
عمار .. انتي ماتدرين اذا اشتكت عليج توديج ورة الشمس بتهمة انو تعديتي عليهة
نيلوفر .. ضحكت بصوت عالي انت نسيت انو اني ظابطة يعني هسة اكدر اخليهة تعفن بالحبس وانته تهددني بيهة
نيلوفر .. جاد ميار حتروح ويايه بليل كلش تعال اخذهة
جاد .. اوك يعمري براحتج
نيلوفر .. يلة ميار تعالي نروح . مروة كرم تجون ويانه لو ترحون وية صكر
مروة وكرم .. لا وياج
نيلوفر .. اوك يلة لعد . طبعا محد تجرء وسءلني ليش او دافع عن المستفزة لان يدرون راح انفجر بوجهم . ميار سلمت عالكل وحضنت جاد واجت .
عمار .. ميورة لعد واني متودعيني
نيلوفر .. يلة ميار امشي دارت وجهة عنة ولزمت ايدي ومشينة .اجو ويانة كرم ومروة وصعدو كرم بالصدر ومروة بالورة هية وميار شفت الساعة ب ١٠ اي زين اكو مطاعم مفتحة هسة
نيلوفر .. شتاكلون
مروة .. صاج
كرم .. كباب دجاج
ميار .. بيتزا
نيلوفر .. اوك حنزل اجيب وارجع
كرم .. انزل عنج
نيلوفر .. لاتسلم اني نازلة . نزلت وجبتلهم الرادو وجبت جيكن ناكلز الي احبة وكولا للكل ورجعت صعدت سقت ووصلنة للبيت
مروة .. حبيبتي نيلوف غيري ملابسج وانزلي تلكين الاكل جاهز
نيلوفر .. ابتسمت آلهة وصعدت غيرت ملابسي ولبست تراك فرو ناعم ومريح بالوسط بي ميكي ماوس ولبست القبعة مالته لان بردت من طلعت جانو بالمطعم مشغلين تدفأ ومن طلعت لبست كوت طويل بس هم بردت بس هسة احسن نزلت لكيت صدك مروة محضرة السفرة طبعا الشيخ والحجية نايمين بدلت الميار لبستهة اوفر صوفي زيتوني جوا بلوزة بيجي طلعت كيوت ومروة هم لكيتهة مبدلة هية وكرم هم كعدنة ناكل طبعا محد التزم بالاكل مالته واحد ياكل من اللخ وخلصناهة ضحك ورة شويه اجة صكر دخل علينة عزمة كرم
كرم .. متجي تاكل لو اله عزيمة
صكر .. لا عيني تعشيت واجيت
مروة .. الله عليك شصار ورانة ست نيلوف اخذتنة سحل
نيلوفر .. باوعتلهة خزرتهة وكملت اكل
صكر .. من بعد مطلعتو البنية ضلت تصيح وتفشر وتسب وجاد هم راد يضربهة لان تجاوزت بس بلكوة لزمو وذني الوياهة بس يسدن بحلكهة اخير شي عافنهة وراحن
مروة .. عابتلهة الصاقطة ( سوري ) هي كدام نيلوفر محجت خوينسة بس من طلعت طلع السانهة
نيلوفر ..( لايهمني من يتكلم وراء ضهري بل اليهمني هو ان يخرس عندما يراني )
مروة .. فديتج يكلبي
نيلوفر .. فداج الكون وماي العيون 😂
مروة .. عود صدك صكر انت مسويتلهة شي
صكر .. لابس غلطت عليهة من كامت تفشر
نيلوفر .. اوي وانت شدخلك هية مفشرة عليك
صكر .. لتخافين مو السواد عيونج غلطت عليهة لان صدك فشرت عليه وعالكل هم .
نيلوفر .. للعلم ترة عيوني مو سود 🙄
صكر .. هم صدك يله مو لزراك عيونج 😏
نيلوفر .. مليق . ابتسم ومارد عليه عابتله اخذت ميار
نيلوفر .. تصبحون على خير
كرم ومروة .. وانتي بالف بخير
نيلوفر .. ابتسمت وصعدنة اني وميار صراحة مشتاقتلهة ومااريد اعوفهة وهي نامت حطيتهة عالجرباية وطلعت برة الغرفة وبنفس الوقت خايفة يشوفهة مراد ويحبهة ويتعلق بيهة وادور يطالب يشوفهة اتصلت بجاد .
نيلوفر .. الو هلا جادو ميار نامت واراح اخليهة يمي اليوم
جاد .. اوك بس متأكدة ميشوفهة مراد
نيلوفر .. تنهدت احاول مااخلي يشوفهة نهيت الاتصال ودرت وجهي اريد ادخل شفت صكر
صكر .. منو المتخلي يشوف منو
نيلوفر .. نعم !! ترة اكو شي اسمة خصوصية واني ضابطة يعني عندي قضايا ومجرمين ماكو داعي كلشي احجي
صكر .. اوك براحتج وعافني وراح
نيلوفر .. يارب صبرني وانطيني القوة دخلت للغرفه ونمت كعدت على صوت المنبه واليوم لازم التقي بالضابط اووف تعبانة كمت وعفت ميار نايمة سويت دوش سريع وشسورت شعري وسويته ذيل حصان ونزلت خصل خفيفة ولبست لبس رسمي ( زي عسكري ) وكعدت ميار لبستهة جينز وبلوزة وسويتلهة هم ذيل حصان طبعا هية تشبهني شبه مو طبيعي والعيون والخزرة وعلامة الانزعاج نسخة نزلنة اني وياهة
نيلوفر .. يسعد صباحكم
ميار .. كودمورنك .
نيلوفر .. ماما اسمهة صباح الخير . حجيهة مكسر شوية
ميار .. صباح الخير
الشيخ .. هنيالنة على هذا الصباح عمي . الكل ضحك
الحجية .. ييمة هاي بنيتج صدقه الله نسخة منج تعاي ابوسج حبيبة . راحتلهة ميار وباستهة الحجية وحتة الشيخ تريكت هية واني شربت بس كهوة شوية وي الشيخ وكمت بست راس الشيخ و الحجية ورحت لميار لكيتهة كاعدة يم صكر ياخذون صور اجيت يمهم صبحت علة صكر استوة كعد وراح يسبح واخذت ميار وطلعنة اخذتلهة حلويات والعاب وحتة ملابس وطلعنة من المول وديتهة للشقه مال جاد وودعتهم وطلعت بوجهي للمقر قابلت رئيس المقر وكلي انتضري الضابط كاعدة ومنتضرة سمعت صوت الباب مدرت بال سويت نفسي مشغولة بس من سلم انصدمت ورفعت راسي هوة هم انصدم مثلي وضل صافن عليه واني هم صفنت عليه بس بالي مو يمة معقولة هوة حيشاركني بالقضية وموقضية عاديه والرئيس ووصفة من احسن الضباط بس من يمتة؟ ...............................................................
ستوب خلص البارت لاتنسوون التصوويت صراحة معبالي انشر اليوم لان اسم الله عليكم عندي صداع نصفي ومأذيني كلش همزين كتبت بس نص والنص اللخ كاتبته من البارحة صووتو وباي