فصليتي ضابطة الجزء الثاني (٢)

البارت الثالث عشر

( بسم الله الرحمن الرحيم  والف الصلاة والسلام على رسول محمد  الله صلى الله عليه وسلم) بنات وخرتهن التعليقات مال البنيه لأن عليهة حقوق وميصير هاذي قصه محترمة شغلات مثل هاذي تشوهة وشكرا للبنات الي وكفن وياي وعدلو نفسيتي بكلامهن لأن والله من قريت تعليقاتهة ضجت ومتوقعت اكو انسان لهالدرجة واصل بي الحقد معما انو اني لشايفتهة ولااعرفهة بس شكول غير الله يهديهة. استمتعو وقراءة ممتعه ❤️

صكر.. اتفاجأت بدخلة نيلوفر وانصدمت أكثر بردة فعل الرئيس من اتحاضنو وعبالك حاضن بنته وحته عيونة دمعن وعرفت من خلال كلامهم انو هوة رئيسهة القديم يعني هذا المقر مقرهة اكول ليش كاشه نفسهة من المقر مالنه لعد جانت عايشه بالجنه صح غرت لأن حضنته ومن كامو يحجون حسيت نفسي مثل الأطرش بالزفه ومن طلعنه جنت ناوي اشكرهة بس تفاجأت من كلهة تسلم عليهة شباب وكبار وأشكال حته ضابطات والي يسلم عليه ارد بانزعاج لأن ضجت وغرت عليهة طلعنه وخابرني الرئيس ولازم نمرله اني وياهة كتله يصلح بس اني لأن ادري بيهة مريضة وعدهة نحول بس مقبل لأن دنتأخر بالقضية كلتلهة ومشينه صعدت  بالسيارة ومشت اتفاجأت من صفت عله محل ستاربكس للكهوة و أدت تنزل مقبلت كلتلهة اني اجيبلج
نيلوفر.. لا شكرا متعودة اني اجيب
صكر.. سكتت عنهة وراحت دخلت للمحل فتحت هاذي إلى بالسيارة يسموهة يمكن (جكمجة) لكيت حاطة بيهة مسدس وسجينه 😂 ومبرد ومكياج ونوتيلا وجبس واصباغ اضافر وعطر عوزهة بس تجيب ملابسهة 😂
سديتهة وضليت العب بالفون علما اجت انطتني كهوة وصعدت هية هم ضلت تشرب كملت ومشت وصلنه للمقر ونزلت بعد ما عدلت نفسهة وحطت ألوان 😂 مكياج
ونزلت تمشي بشموخ سلمو عليهة الحراس وتحمدولهة وهي ردت ببرود وكملت مشيهة وصلت غرفة الرئيس واني وراهة دكت الباب وفاتت أخذت تحية للرئيس واني هم أخذت بس نصدمنة بصوت صاير عاليسار يعني اليدخل ميشوفه إذا أحد كاعد بي التفتتنة وشفت الضابط الجديدة وجذب لا رجلهة مكسورة ولاشي مزورة التحاليل نيلوفر تحولت نضراتهة لخزر اني كلت علكت اليوم شيخلصهة عاد نيلوفر خزرت الرئيس اقسم بالله اتصنم بمكانه من الخوف حته اني خفت 😂 وهاي الضابطة عوجت حلكهة خزرهة الرئيس عود اجت تعتذر تتغامز وتحرك شفايفهة عود تسوي إغراء متدري لعبت نفسي 😂
نيلوفر ضلت تتأفأف واخيرا كملت ودارت لنيلوفر وانطتني ضهرهة وشبكت نيلوفر بكل قوتهة بحيث نيلوفر فتحت عيونهة عله كبرهة بعدين انتبهت الي اباوعلهة غمزتلي وكرصتهة من خصرهة بحيث ذيج كمزت بالسكف ونيلوفر كتمت ضحكتهة ومشت حته مستأذنت بوقتهة عرفت انو هية كرهت الرئيس لأن يمشي ورة نزواته وهاي مصدكت تريدلهة حجة وضلت تحجي بالأدب والاحترام طبعن هية تحجي بالالغاز عبالهة مطي كاعد يمهة ماافتهم
طبعن اني بعدني دااتواصل وي سماهر وكامت تلمحلي انو هية معجبه بيه وحديثهة صاير أكثر جرأة وين سماهر الطيبة إلى جنت ارتاح من احجي وياهة هسة عبالك إذا اريد أزيد من همي اراسل سماهر المهم كالو عدنه تدريب وهاذا اول تدريب للضابطة الجديدة اخذو من كل ضابط ٥ متدربين وانطوهيا تدربهم وانطونة اللبس رحنة بدلنه وطلعنه نيلوفر ملابس التدريب عليهة تجنن طالعه أميرة ومسوية ذيل حصان وشعرهة بطولهة 😂 وبين مداباوعلهة طلعت هاي الضابطة الجديدة لابسة تيشيرت ابيض نفسنه بس صاير عليهة جيس من كدما ضيق ولابسة ستريج مو جينز وفاله شعرهة ولادي وتلعب النفس نيلوفر باوعت عليهة ابتسمت وكملت طريقهة هاذي من شافتهة خلتهة أدير وجهة وغمتهة والله لوشايفتهة جان دفنتهة بكاعهة 😂 بس اضاهر بعدهي متعرفهة طلعنه لساحة المقر لكيناهم حاطين ستيج وعليه مايك ومسوي حلو يعني ومخلين قنفات للضباط وكراسي للمتدربين والشرطة  عرفت انو هذا للتعارف مسوي كلمن يصعد عالستيج ويعرف عن نفسة للضباط الجدد............................................................................

تعبت كتبلكم ٥٠٠ كلمة   وهذا الكدرت عليه صراحة  لاتنسون التصويت يأبه صوتو علمود بلكي باجر انشرلكم

احبكم كومااااات ومااكدر عله زعلكم ❤️❤️