فصليتي ضابطة الجزء الثاني (٢)

البارت العشرون

نيلوفر.. حلمت بأبوية لأول مرة بحياتي بحيث واني بالحلم ميته بجي واحضن بي وهوة لابس ابيض ويربت عله شعري ويكلي الفرج قريب واني أكله اخذني وياك يكولي عمرج طويل بنيتي ويبتعد واني اصرخ وراه وابتعد وضليت اركض وراه ووكعت بحفره واجة صكر طلعني منهة وبعدين فزيت لكيت الشباب وصكر وكرم كلهم واكفين عله راسي ويبجون اني مسحت دموعي الي محسيت بيهم شوكت طلعن اجو وحضنوني ويبوسوني واني اكلهم مبيه شي بعدين صدموني من كالو صارلي شهر بغيبوبه بحيث كلتلهم دتشاقون
جاد.. لاوالله مدنشاقه هاذي الحقيقة
نيلوفر.. لعد ودوامي شلون
جاد.. لتخافين عمري كلشي تمام بس ارتاحي
نيلوفر.. حاولت أبين طبيعيه واطلع صكر من حياتي لأن ادري بنفسي مراح اعيش براحة وابتسم كوة والكل يشاقون وياي ويبتسمون بس بعيونهم اسئله يردون يعرفون ليش هيج صار بيه واني مغلسه ردت اعرف صكر عقد بس حزت بنفسي اسئل وحاسة انو حجيب الاتهام لنفسي سئلتهم يمته اطلع
ياسر.. هسة اروح اشوف الدكتور إذا قبل تطلعين راح ورة ربع ساعه اجة كال يالله سويت الخروجية
اجة جاد شالني ولكيت نفسي لابسه لبس مستشفى ردت اتقيأ
نيلوفر.. جاد نزلني لعبت نفسي
جاد.. وداني بسرعه عالحمام تقيأت وكتله انطيني ملابس انطاني قفطان بسيط يمكن مال مروة لبسته كلش حلو وعدلت شعري وغسلت وطلعت لكيتهم منضريني طلعت معندي نحول بس دوخة وخفيفه سندني جاد من اليسار وياسر من اليمين راد جاد يشيلني بس مقبلت تمشينه وصعدنه السيارة نزلنه بكافتريا عائلي اخذولي عصير ليمون واخذو همة ايسكريم فراوله يدرون بيه اعشقة بس موزين عليه باوعت لجاد نضرة عاطفيه وبرطمت
جاد.. والله مو زين عليج
نيلوفر.. لعد بس انتم من تاكلون كدامي متكولون هاذي تعشقه وحتشتهي وممنوع عليهة 😫
ياسر.. ههه هذا لؤي طلبنياه 😂
لؤي.. من عاب شكلك اني جبتلهة بس أكله كرم 😂
كرم.. ها مو جاد كال آخذة موزين عله نيلوفر 😥
نيلوفر.. اوك بالعافيه عليكم بس روحو جيبولي واحد وكثرولي نوتيلا
جاد.. نيلوفر يكلبي ياحياتي ميصير موزين عليج ☹️
نيلوفر.. لا لتخاف عله مسؤوليتي 😓
جاد.. اوك حجيبلج بس سؤال انتي يمته تبطلين العناد هذا حته من كبرتي نفسج متغيرتي 😒
نيلوفر.. شنو قصدك بكبرت هوة عمري كوله ٢٦ سويتني عجوز 🤢
جاد.. اسكت احسنلي لأن إذا أضل وياج للصبح محتبادرين و تسكتين.
نيلوفر.. ابتسمت وكعدت انتضرة يجيبلي الايسكريم لأن كلش اشتهيتهة 🍦وكرم شرب الليمون
نيلوفر.. كرم حتطك كافي استر علينه
كرم.. انتي بس اسكتي ستوهة صاحيه من الموت وتحسب اللكم لكرم 😥
الكل.. هههه 😂
اجة جاد اخذتهة منه وكعدت اكل بطيئ علمود استمتع بالطعم 😂 منو مسويهة .. وطبعا همة منظغطين من عندي فمخلصيهة يعيبون عليه وجاد ساعه يعيط بيهم ساعه يضحك وياهم واني وكأنو مدااسمع شي فاصله وصكر مشارك بالحديث بس يبتسم كملنه ورجعنه كلمن بسيارته واني ودعتهم ورجعت وي كرم وصلنه احنه وصكر ورانه نزلت ذبح الشيخ طلي لسلامتي وحضني وباسني براسي ومراد واكف يمة هم سلم عليه واتحمدلي كتله تسلم ودخلت الحجيه حضنتني وتبجي ومروة هم حاضنتني وبس تبوس بيه ودكلي ردت اموت من سمعت صرتي بغيبوبه ودمعن عيونهة. اني حضنتهة وكلتلهة
نيلوفر.. اسمالله عليج حبيبتي. باستني بخدي وكامت جابتلي اكل وشفت سما طلعت من الحمام هية وابنهة اجت عود تتحمدلي
سما.. سلامتج عيني نيلوفر... بس معرفنه ليش هيج صار بيج من شنو نصدمتي 😏
نيلوفر.. باوعتلهة وابتسمت ورفعت حاجبي وغمزتلهة صراحة معرفت ليش هيج سويت جان بس همي اغيضهة وكمت للمطبخ يم مروة...................................................

صكر.. اجة الدكتور وفحص نيلوفر وكال كلشي تمام وبأي ساعه تلكوهة كاعده ضلينه كلنه ملتمين عليهة متحمسين نريدهة تكعد وصدك ورة ساعه ونص كعدت وكلهم حضنوهة وتحمدولهة تمنيتهة الي بهذا الوقت بس استغفرت ربي وضليت بعيد عنهة سئلت عن دوامهة ودوامي الي هاجرة من يوم القضية وبعد مرحت وسماهر خابصتني بالاتصالات احضرهة من رقم تطلعلي من ثاني واجاوبهة وارزلهة ميفيد بعدين عفتهة وحته خطي غيرته ارتاحيت ومن شالهة تمنيت اني الاشيلهة ورادت تتقيأ وفاتت للحمام وتقيأت واليعجبني بيهم كلهم وجوهم صفرت لعد شكد يحبوهة ورادت ملابس انطاهة جاد من مروة لأن دكول مروة دورت ملكيت آلهة قفطان أو فستان فأضطريت اخذ منهة انطتني واحد ولبسته نيلوفر طلعت تجنن ملاك فديتهة وسندوهة جاد وياسر ونزلنه يم كافتريا طلبلنه لؤي كلنه ايسكريم وهية جاد جابلهة عصير ليمون وتناكرت هية ويا عرفتهة تحب هالايسكريم وضليت ابتسم عله كلامهم ومشاركت بالحديث وهمة يعرفون موقفي ويدرون العقد مراضي عليه ففاهميني كملنه وسلمت هية عليهم ومعدهم سلام غير الحضن 😒
صعدت يم كرم هية واني ضليت احجي وياهم وعزمتهم عالغدة باجر لأن الشيخ مسوي غدة لسلامة نيلوفر ولازم نعزمهم................................................. يتبع

ستوب خلص البارت ونعست ولتنسوون التصويت والنشر حيكون كل يومين او حته تلاثه أو اربعه اوحته كل أسبوع لأن عندي دوام مدرسة ودوام بالمعهد 😭
صووتو احبكم بأي تصبحون على خير حبايبي 😪