فصليتي ضابطة الجزء الثاني (٢)

البارت الرابع والعشرون

صكر.. كعدت الصبح سبحت وبدلت ولبست البدله (زي رسمي/ عسكري) ونزلت مبتسم بس فجأءة خيمت من تذكرت اليوم لازم اجيب سماهر لأن طلبو يومين تحضر نفسها ومنطيتهة أكثر من مليون. نزلت أكلت كلمتين وكمت وستغربت وين نيلوفر مثل هسه هيه نازله ودائما تكعد قبلي مروه هم دتاكل سئلتهة
صكر.. مروة لعد وين نيلوفر
مروة.. 🙄
صكر.. متحجين
مروة.. 💁
صكر.. هاي شبيج انخرستي اليوم
مروة.. 😌
صكر.. ركعت عالميز وسويت نفسي عصبي 😂 خطيه فزت وبعد متعرف شتسوي
مروة.. ها اااا شكو.... شبيك نيلوفر راحت من الصبح 😫
صكر.. متمشين إله بالعين الحمره 😌
مروة.. 😣. يله بأي اجة الخط وباستني وراحت.
طلعت للكراج ضليت منتجي عالسياره شنو الحل شكدر اسوي الناس دتجيني من محافضات احل مشاكلهم ومشكلتي عاجز عن حلهة هف الله كريم ركبت السياره ومشيت وصلت للمقر اخذولي تحيه ورحت لغرفة الرئيس دكيت الباب وأخذت تحيه ودخلت لكيتهم ديتناقشون هوة ونيلوفر صبحت عليهم
صكر... صباح الخير
الرئيس.. صباح النور اهلا حضرة الضابط صكر
نيلوفر.. صباح النور كالتهة وهيه دتكتب
الرئيس.. صكر انته ونيلوفر حترحون للمحكمة هم
صكر.. اوك سيدي
الرئيس.. تحضر الساعه ب ٨ نطلع
صكر.. اوك. نيلوفر طلعت لأن عدنه تدريب وهسة الساعه ب ٧ بعد ساعه بدلنه ملابسه وبدينه بالتدريب ركض وسباقات وماعرف شنو كملنه الساعه ب٧ و٥٠ دقيقة هم رحت بدلت ملابسي وأخذت شكم ملف ورحت للسجن اشوف المجرمين لكيت نيلوفر كدامي دتباوع عليهم وصوت يوشوش مينسمع تقدمت وانصدمت بعمااار مستحيل شيسوي هنا هذا.........................  
نيلوفر.. نمت وكعدت الصبح من ٥ سبحت وبدلت ولبست الزي ونزلت لكيت الشيخ والحجيه دياكلون والكل نايم صبحت عليهم
نيلوفر.. صباح الخير
الحجيه والشيخ.. صباح النور بنيتي.
كعدت اشرب كهوة وي الشيخ وسئلني إذا اروح للمحكمة كتله اي اكيد لازم اروح كالت الحجيه
الحجيه.. يمه اكليلج لكمه
نيلوفر.. لاحجيه فدوة والله ماريد مااشتهي من الصبح عود اني هناك اكل.
الحجيه.. براحتج يمه.
كملت  كهوتي بوستهم وكمت الجو بارد والبارحة مطرت والهوا منعش واو ضليت شويه وبعدين بردت صعدت بالسياره وسقت للمقر اشتريت بطريقي كهوة لخ يااخي اعشقهة والله 😌 وصلت اخذولي تحيه صبحت عليهم ودخلت للرئيس صبحت عليه وأخذت كم شغله محتاجتهة من أوراق وماعرف شنو ورحت لمكتبي كملت كم شغله ورجعت للرئيس راويته أوراق واتفقت ويا اريد اروح وكال انو هذا شي طبيعي اكيد ترحين دااحجي ويا أن كت الباب ودخل صكر سويت نفسي اكتب ورديت عليه حجة ويا الرئيس عن الروحة للمحكمة وكاله انو يجي وياي وبعد ساعه حنستغلهة تدريب احسن منضل نصفن رحت بدلت وبدينه بالتدريب دربتهم تلت أرباع الساعه وبدلت ورحت اشوف السجناء افتريت عليهم تحت نضراتي الهم بالاشمئزاز وصلت لسجن عمار معذبيهم ووجهة مدمة ماصدك اني بيوم من الايام حبيت هيج شخص مرات الإنسان يسوي تصرفات يحسهة صح ويكون واثق بأختياره وتصرفاته بس بعد فتره ينصدم بس مو ينصدم من اختياره ينصدم من نفسه شلون اختار هيج اختيار.) انتبه عليه واجة وضل يكول بهمس
عمار.. نيلوفر حبيبتي تصدكين اني أكدر اسوي هيج اصلا جانو خاطفيني اني حبيبج اني اصلي واصوم واقره قرآن شلون اسوي هيج.
نيلوفر.. عزيزي اكل تبن مالي خلكك وبعدين برأيك شكم واحد بريئ مات من وراكم ههه ضحكتني تصلي وتصوم مو وتقره قرآن قرانك علمك تكتل الناس وتأخذ اعضائهم صلاتك سوتلك هدايه عالمخدرات صومك يقبلهة تخطف الناس وتسلبهم بالشوارع جاوبني جاوبني لتتخورس تصلي مو تصلي لك الصلاة بريئه من امثالك ياعار ياعديم شرف تفلت بوجهة ودرت وجهي اروح لكيت صكر كبالي ومصدووم
صكر.. نيلوفر جنتي تدرين مو
نيلوفر.. أي ادري اي ادري بس محجيت مو لان استرلة لامحجيت لأن ادري لو احجي مجان احد صدكني ههه شلون احد يصدكني واني بنفسي مصدكت وعفته ومشيت كعدت يم الرئيس وصلت السيارات ونزلو اخذو السجناء ويسحلون بيهم واكو لازمين أسلحتهم محاوطيهم خاف يغدرون بيهم لأن جبناء كلشي نتوقع منهم صعدو بالسياره واني وصكر وضابط لخ صعدنه وي الرئيس مشه الرئيس لو احس الطريق صار سنه الرئيس لو نمشي عله بيض هم جان وصلنه واني ممتعوده عله هيج شي كله امشي سرعه حسيت طلعت روحي ضليت اشرب مي لمن وصلنه راسي دايخ وشبعت الرئيس غلط بس بكلبي 😂 اختصرهة عليكم دخلنه ولغوة والقاضي والشهود والمحامي راسي صار هالكبره معما انو الكل يعرف لو إعدام لو مؤبد عليش هالتمضرط هذا كله عابت بس يردون يتعبونه 😂 ضل القاضي يعلن عنهم رئساء العصابات انحكمو إعدام وذول الحراس وبعض مو كل بعض الأعضاء مؤبد واكو  شكم سنه عمار طلع ٢٠ سنه صح اتمنيته إعدام واتمنيته مؤبد بس الحمد لله على كل حال وزعوهم عالسجون عمار مو بنفس السجن الي بمقري اصلا طلع بمحافضه لخ كملنه ورجعنه للبيت كالعاده كبل لغوفتي سبحت وبدلت ونمت كعدت العصر حاجيت الشباب ونزلت ميته جوع لكيتهم كاعدين بس الحجيه والشيخ كرم طالع ومروة نايمة وصكر بالحمام  صبتلي الحجيه وكعدت اكل واضحك وي الشيخ والحجيه طلع صكر مبدل وحاجاه الشيخ
الشيخ.. راح تروح تجيبهة
صكر.. بيأس اي
الحجيه ضلت تبجي ماعرف ليش اصلا هيه دائما تبجي بدون سبب 😂
سويت نفسي ممهتمة وكملت اكلي وهوة طلع شبعت كمت غسلت وصعدت لغرفتي ضليت العب بالفون لمن اجت مروه وضلينا نسولف وتابعنه فلم واكلنه حلويات سمعنه جوة أصوات نزلت واشوف وحده لابسه جبه شكلهة حلوه يعني برونزيه وعيونهة سود عاديه نوعا ما ووحده وراهة لابسه عبايه ونقاب (بوشيه) 😂 معرفت منو تعيسة الحض الراح تحضة بصكيران بس ام العبايه رفعت النقاب وانصدمت هاي شجابهة هنا باوعت عله صكر اتسعت عيونه ومبين مصدوم أكثر مني وعروكة نطت من الغضب وصااح
صكر.... ولجن اني ألفي ك......اب  ببيتي عاهرررات يضحكن عليه والباقين مصدومين ميعرفون السالف شنو (مثلكم يعني 😂) وهيه وجهة اصفر وملزمة بجبة الوياهة.................... يتبع

ستوب لهنا يكون خلص البارت متت تعب 😰 والله مشاعر واضحة وفصليتي ضابطه اكتبهن بنفس الوقت والمشكلة واني دااكتب بهاي تجيني أفكار للخ واروح اكتب باللخ تجيني أفكار لهاي وهيج ضاله 😂🤦 المهم لتنسووني بالتصويت ومحنشر لمن توصلون البارت ٢٠٠ تصويت والله العضيم المشاهدات فوك الالف و٥٠٠ والتصويتات متعبر ال١٥٠ ميصير هيج والله وهالمره اقسم بالله مراح انشر إله يصيرن ٢٠٠ مو مثل كلمره اكللكم وبس اكمل البارت انشره لا هالمره تختلف وانتم بكيفكم بعد وبالنسبه للبنات يمعودات يادوله اسلاميه تره سكمتني بيهة 😂 ام جان شصار بيهة وعمار ليش بس هوة اللزمته غير ام جان وريتا ويا كولن يالله عمي ششاربات 😂 اني مكايله هيج حجي هذا عند الكاتبه. ميمي وصدك عن الجزء الأول بس الحافضي بالمكتبه يطلعلهم ليش لأن لاغيه النشر ومااعرف السبب.
ولتنسوني بالتصويت وتعليقاتكم الحلوة دمتم في رعاية الله وحفضه احبكم ❤️ ❤️ ❤️