صكر.. وصلني ابو التكسي ونزلت دخلت للبيت لكيتهم بالديوان واكيد هسة هيه بغرفتهة سلمت عليهم ورحت سبحت ورجعت أكلت وسولفنه شوية ونمت كعدتني مروة علمود اكل غسلت ونزلت سئل الشيخ عله نيلوفر كال ليش مكعدتوهة
مروة.. متقبل واحد يكعدهة هي من تجوع تجي تاكل
الشيخ.. إذا هيه نايمة تاكل بالحلم
مروة.. كلشي اتوقع من نيلوفر 😂
الكل.. هههه 😂
ورة شويه نزلت نيلوفر وتريد تاكل ضلن يحجن هية ومروة ومن عرفت كرم حيجي صرخت لعد اني عبالي تدري وضلت تحجي عليه وهوة اجة وتحاضنو ردت اروح اجرهة من شعرهة واوخرهة عنه 😂😂 بيك حض
وادور ضلو يضحكون على مروة لأن تبجي وبعدين سلم عالاهل وصعد يرتاح من الطريق وكال ساعتين وكعدوني لأن حنشوف فلم ( تايتنك). شايفي الف مرة بس منمله وهذا وحته وهوة تعبان ميفوت الفلم 😂 ضلن مروة ونيلوفر يسون كيك وجلي وترايفل وشامية وسئلتني نيلوفر
نيلوفر.. اكول صكر وين النوتيلا مو كتلك جيب وياك 😔
صكر.. طبعا اعرفهة تريد تعرف جبت نرجس لو لا مهامهة النوتيلا بس شلون تسئل بطريقة تكتيكية 😂 عابت غير ضابطة انتبهت عله نفسي صافن ومبتسم 😂 تالي مأتحملت وكالت
نيلوفر.. مو وقت تتذكر لحضاتك السعيدة وي الآنسة جاوب على كد السؤال
صكر.. طبعا اني بالكوة لازم ضحكتي من كالت هيج انفجرت بالضحك هي صفنت بعدين هزت ايدهة وراحت 😂 كملن التحضيرات صارت سفرة تجنن كعدن كرم من نزل كام يصوفر عالكل لأن شكله يشهي عاطت بي نيلوفر
نيلوفر.. ولك مطي حيكعدلك الشيخ ويعلمك تصوفر صدك 😂
كرم.. ليش شكالولج عني مااعرف اصوفر 😂
نيلوفر.. أي جنك كتكوت يتنعوص 😔
كرم.. راوينه مهارتج ست نيلوف 😒
نيلوفر.. مو هنا بالسطح لأن حيكعدون الشيخ والحجية
كرم.. اوك تعالو شباب
صعدنه ووكفت نيلوفر بالحافه وصوفرت بكل قوتهة بحيث كرم انصدم صدمة عمرة 😂
كرم.. اذني انطرمت بعد مااسمع 😂
مروة.. والله كفو 😍
نيلوفر.. شكرا شكرا يله ننزل
صكر.. نزلنه وشغلن الفلم وضلينا نتابع وكلما تطلع لقطة رومانسيه كرم ونيلوفر يتعاركون هوة يكلهة تخجلين لأن تدور وجهة ويضحك واتحداهة تضل تباوع هيه سوت روحهة مسيطرة وصارت جرأة أكثر بالفلم صارت حمرة كرم ضل يصوفر ركعته بالمخدة واستأذنت وتعاركو وراحت صعدت هية ومروة كرم هم راح الغرفته واني هم صعدت راسلت سماهر وكالعاده الجرأة العدهة فضيعه سديته ونمت كعدت الصبح سبحت وبدلت وحطيت عطر كالعادة صاااك 😂 ونزلت لكيتهة مكمله كالعادة تجنن ودتشرب كهوة يم الشيخ وكرم بلكوة كاعد لأن الشيخ كاله اليوم لازم تروح تفتر عالبساتين يشوف الحلال وهوة يغفي ونيلوفر كل شوية تذبله كلمه وهوة ميجاوب يخاف من الشيخ 😂 وهية تضحك بست رأس الشيخ والحجية ونيلوفر ومروة رايحة للكليه كرم من بست رأس نيلوفر غص بالجاي ونيلوفر كامت تضرب عله ضهرة وتخزر بي 😂 وهوة مستمر يضحك ويكح وهية فلشت ضهرة
كرم.. كافي والله مراح احجي شي 😂
هية بطلت تضربه وهوة يغمزلي اني ضحكت هوة كال
كرم.. ها صكيران شنو نسيت اخوك يعني مالي بوسة الناس كلهة حصلت بقت عليه 😂
صكر.. ماشفتك 🙄
نيلوفر.. بهمس اعمة 😔
كرم.. 😂😂😂
صكر.. كملت كهوتهة واكلت لكمتين وكمت وكالت
نيلوفر.. صلحت سيارتك لو تجي وياي 🙄
صكر.. اني صلحتهة سيارتي بس حبيت امشي وياهة كتلهة لا اجي وياج
نيلوفر.. وك
صكر.. غسلت ورحت وراهة صعدت ومشينه محجينه شي غير بس بأمور القضية وصلنه للمقر كلنه للرئيس انو نحتاج ملابس عمال علمود نراقبه براحتنه دبرلنه ملابس لبسناهن لون ازرق وبيهن قبعات بيض وشلون التراك وكمامات لبسناهن ورحنه للمكان المصنع بس بغير سيارة بسيارة سجاد نيلوفر واني بسيارة متدرب عندي هم رحت بيهة وصلنه ونزلت اني وادور هية طبعا أهل المصنع يعرفون كلشي دخلنه بجناسي غير اني اسمي كاضم 😔 ونيلوفر اسمهة فاطمة من شافت اسمهة ابتسمت واني علواهس ابتسمت 😂 وبدينه بالشغل لأن مو كل الي بالمصنع يعرفون الخطة فبديت اسلفن العلب ونيلوفر اوه قصدي فاطمة تسطر بالكراتين وبين مدنشتغل دخل واحد بس يخوزر ويتغامز ماكو وحدة عامله ماغمزلهة ولمسهة يعني يكرصهة من خدهة اني رحت وكفت يم نيلوفر علمود ميتقرب عليهة لأن ادري بيهة حتضربه وتفضحنه فهوة عبرهة واشر لورا جاب صندوك بي مثل السماد الي هوة بالحقيقه الكريستال ويبين مفعوله من اول مرة فحجة وي مدير المصنع وهزله راسة بالإيجاب وبدو يفرغون بي عالفيتامينات التالفه نيلوفر انسحبت وهي هاي الخطة وتنطيهم المعلومات بالاسلكي وغير انو اكو كاميرات مراقبة تشرف عليهة رئيس نيلوفر والرئيس مالنه ويكلولنه شنسوي هوة بالطريق ديطلع واني ونيلوفر وخرنة الكمامات ووخرنه القبعات وركضنه وراهم بسياراتنه بدون ميشوفونة والرئيس ويانه عالخط وصلو منطقه مهجورة وبيوت ومصانع كلهة هياكل ونزلو واتجهو عله مصنع كلش جبير ودخلو عرفنه انو هسة همة متجمعين بالمصنع دزت نيلوفر عله جنود طوقو المكان وصار رمي احنه ورة السيارات ونرمي وطلع عددهم أكبر منما متخيلين وواحد يصوب اللاخ اجاني اتصال رفعته بدون مااعرف منو ردت اطلب دعم بس اتفاجأت بصوت سماهر تبجي وتصرخ الحكني صكر الحكني البيت يحترك واخوية مختنك حيموت اني زغرت الدنيا بعيني يعني لو أضل يم نيلوفر واحميهة لو اروح أنقذ صديقي واخته بس مااكدر اضحي بواحد منهم.......................... يتبع
ستوب خلص البارت لتنسوون التصويت احبكم ❤️
أنت تقرأ
فصليتي ضابطة الجزء الثاني (٢)
Mistério / Suspenseراح تتغير هواي أمور بحياة بطلتنا تابعوه القصة واترقبو كولشي جديد بقلم الكاتبه زينب علي
