رواية عشقت حُبك الاسود💔

رواية عشقت حُبك الاسود💔الفصل السادس

في ڤيلا نبيل القاضي عندما رائت يارا احمد
يارا بغيظ:انت..وكمان جاي هنا
احمد باابتسامة واستغراب:مش معقولة هي دي بنت حضرتك
صافية:انتوا تعرفوا بعض ولا ايه
يارا:ايوا طبعا الاستاذ دا السبب في اللي حصل لرجلي ..وباي حق تيجي هنا اصلا
صافية بحرج:عيب كدا يا يارا دا يبقي احمد ومامته الله يرحمها تبقي صحبتي من زمان وانا اللي مربياه
احمد:انا اسف جدا بس لا انا كان قصدي ولا انتي كمان كان قصدك
يارا ب احراج من طريقته وتاسفه لها:انا اسفة مكنش قصدي بس انت بصراحة كنت غايظني اوي بسببك بقالي اسبوع مانزلتش من البيت
احمد ب ابتسامة:ولا يهمك..وانا كمان اسف عشان انا السبب انك مش بتنزلي من البيت من اسبوع...المهم رجلك كويسة
يارا:احسن شوية..بعد اذنكم
صافية:رايحة فين يا يارا خليكي اعدة معانا شوية
احمد بضحك:سيبيها ياطنط شكلها اصلا مش عايزة تشوفني خالص
يارا ب عند:اوكي هعد معاكم شوية

احمد ليارا:بس ايه الجمال دا كله
يارا:افندم..انت هتعاكسني ولا ايه
احمد باابتسامة:مش بعاكس ولا حاجة بس بجد انتي جميلة جدا طالعة لطنط صافية اكيد
صافية:ديما دمك خفيف وطيب يا احمد
احمد:ربنا يخليكي ياطنط
وبعد وقت واحمد لم يفعل شي غير انه ينظر الي يارا بنظرة من نظرات الاعجاب الشديد
ولكن تاتي هنية لتسأل احمد
هنية:تشرب ايه يا استاذ
احمد:اي حاجة..ممكن نسكافية
يارا:وانا عايزة الهوت شوكلت بتاعي يادادة
هنية:حاضر يا يارا

يبدأ احمد باافتعال اي شئ حتي يتحدث مع يارا
احمد:احم..انتي في كلية اي يا يارا
يارا:السن
احمد :وانا كنت بدرس اقتصاد في لندن
يارا بضحك:مسألتكش
احمد ب احراج:نعم
يارا وهي تحاول ان تضع يدها علي فمها لتكتم ضحكتها :كنت بهزر ..بس انا كمان كنت في لندن
احمد:بجد ومشوفناش بعض خالص
يارا بضحك:وحتي لو كنا شوفنا بعض كنا هنعرف بعض ازاي يعني
احمد بضحك:عندك حق واي راجعة لندن ولا لاء
يارا:اها كمان شهرين
صافية ليارا:يابنتي ماتنقلي ورق كليتك وتكملي في احسن كلية في مصر ولا لازم لندن يعني
يارا:حد يسيب العيشة والتعليم في لندن ويجي هنا وانت بقي يا احمد كنت عايش في لندن وعارف الحياة هنا احسن ولا هناك
احمد:امممم اكيد هناك بس لو عايزة رائي خليكي هنا معانا..احم قصدي مع طنط واخوكي مهند
يارا:جايز يكون عندك حق ..بس الموضوع دا عايز تفكير كويس
احمد:كفاية ان طنط صافية رجعتلكم انا من رائي انك عمرك ما هتلاقي احن ام زيها في الدنيا 
يارا وهي تنظر لوالدتها بشعور مختلط بين الالم وفقدان الام وحنانها
احمد:هو مهند مش جاي ولا ايه كنت عايز اتعرف عليه
صافية بحزن:هو مش بيجي هنا كتير ولا بشوفه كتير يا احمد
يارا:تقصد عشان شغله يعني وبعدين مهند بجد احسن اخ في الدنيا دي كلها
صافية باابتسامة علي حب يارا الشديد لمهند :دفعي عنه كويس
يارا بضحك:مش اخويا ولا ايه
احمد لصافية:شكلها بتحبه اوي
يارا بسرعة وسعادة:طبعا ..اي حاجة مهند بيحبها انا بحبها احنا واحد في كل حاجة حتي يوم عيد ميلادنا في نفس اليوم
احمد بضحك:انتوا تؤام بقي
يارا بضحك:لا لا احنا مش تؤام لكن مولدين في نفس اليوم مش اكتر
صافية بحزن:ياريته كان معانا النهاردة
يارا:مهند ديما بيحب يكون لوحده
احمد:طبعا كنتي وحشاني جدا ياطنط بس لازم اروح دلوقت ورايا بكرا حاجات كتير بس هاجي عشان اشوفك تاني..هو ينظر الي يارا
صافية ب ابتسامة:ماشي يا حبيبي هستناك
ثم يغادر احمد متجهه الي منزله