رواية عشقت حُبك الاسود💔

تكمله الفصل السابع🌟

في نهار جديد
والكل مجتمع على السفرة
يدخل يوسف وهو يتاوة من راسه وداليدا معه
سارة بصدمة:ايه اللي حصلكم يا يوسف انت وداليدا ومجتش البيت امبارح ليه
لينا ب استغراب:انت دماغك اتفتحت يايوسف
ولا داس عليك قطر
مالك:ماتنطق ايه اللي حصل
يوسف وهو ينظر لداليدا
ثم يكمل قائلا:انا وداليدا اتخانقنا وفتحت دماغي المفترية إنما هي بقى ايدها كانت هتتكسر
زي ما انتم شايفين
مع اني كان نفسي يبقى رقبتها
وبعدين كل الحكاية غورزتين مش اكتر
داليدا بتحدي:بقى كدا يا يوسف
طب والله لا انا قيلالهم
يجري يوسف ويضع يده على فمها قائلاً:خلاص اسكتي متفضحنيش قدمهم
وهعملك اللي انتي عايزاه
لينا بضحك على يوسف وداليدا قائلة
:بتفكروني ديما واحنا صغيرين
فاكر لما كسرت رجلها وهي سيبت عليك الكلب بتاعها واخدت 21حقنه يا يوسف
يوسف بغيظ:افتكريلنا حاجة عدله يا لينا
عشق بضحك:هو انتي بتاكلي بني ادمين
داليدا بضحك وهي تنظر ليوسف بغيظ:
ساعات لو لزم الامر
ثم تكمل قائلة:انتي مرات مالك مش كدا
مالك ب ابتسامة وهو يضمها اليه قائلاً:
ايوا يا ديدا
داليدا بضحك:لا عرفت تختار يا مالك جميلة اوي وطيبة كمان شكلنا هنبقى صحاب
يوسف بضحك:ابعدي عنها يا عشق بسرعة
عشق بضحك:ليه هتنفجر ولا ايه
يوسف بضحك:كل شي جايز منها
عشق بضحك:حرام عليك يا يوسف دي داليدا دي شكلها رقيقة اوي وهنكون اكيد صحاب يا ديدا
يوسف بضحك:دي شكلها من برا كيوت
لكن لوعرفتيها ممكن تاكلك
تحسي انها ب 100شخصية في وقت واحد
عمرك شوفتي واحده تبقى بطلة البوكس في الكلية البوكس ياربي
عشق بضحك وهي تنظر لمالك:بوكس؟؟
داليدا وهي تنظر ليوسف:ايوا بوكس عشان في ناس ناقصة رباية عشان يتربوا كويس
وبعدين مش لما حد بيجي يضربك يا يوسف
انا اللي بقف قصاده البوكس بينفعك برده
يوسف بضحك:طب استأذن انا بقى
لينا بضحك:تعرفي ياعشق بالرغم من كل الخناقات دي والمصايب اللي بيعملوها في بعض الا انهم ميقدروش يستغنوا عن بعض وشوية كدا
وهتلاقيهم بيتكلمه تاني وهتشوفي بنفسك
يوسف بضحك:اعمل ايه يعني من اول ما اجت الدنيا دي وهي ورايا ورايا لا انا اعرف استغني عنها
ولا هي تعرف تستغني عني اعدين على قلب بعض اخوات بقى زيها زي لينا بس الفرق ان لينا دي ملاك ماشي على الأرض وداليدا دي قنبلة مؤقته
تضحك عشق من تمثيل يوسف لداليدا
داليدا بغيظ:انا قنبلة مؤقته يا يوسف
يوسف بضحك:بس احلى قنبلة في حياتي والله
ايه هنفضل متخاصمين كدا كتير بقالنا ١٠ ساعات متخاصمين مش كفاية
داليدا بضحك:خلاص صالحتك يا يوسف
سارة بضحك:شوفتم اتنين اهبل من كدا
هيموتوني ناقصة عمر
يوسف:بعد الشر عليكي يا أمي
داليدا:بعد الشر عليكي يا احلى سارة ف الدنيا
ثم يجلس كل منهما للإفطار
ياكل كل منهما وتاخذ داليدا بيضه وتخبطها عده خبطات على رأس يوسف
يوسف:ااااه يا مجنونة اومال لو مش اخد فيها غرزتين كنتي عملتي ايه
داليدا بضحك:بلاش اكل يعني
يوسف بضحك:لا ازاي كلي
عشق بضحك:انا مشوفتش كدا
مالك بضحك: ولا هتشوفي
و على فكرة ديدا دي برقبه يوسف
داليدا بضحك تضرب يوسف بخفه قائلة:شايف الناس اللي بتقدر مش انت
يوسف بضحك:شايفة يا عشق البيت كله بيحبني ازاي
عشق بسخرية وضحك:دول بيموتوا فيك يعني
والكل يضحك فجأه تأتي إليهم يارا وهي تجري
على عشق قائلة بلهفة:انتي كويسة يا عشق
عشق ب استغراب:مين دي يا مالك
انا حاسه اني اعرفها
سارة بحزن على حال يارا:اهدي يا يارا عشق كويسة وخرجت من المستشفى
مالك بخوف:ايوا يا حبيبتي دي عمتي
انتي شوفتها واتكلمتي معاها قبل كدا
يارا ب استغراب:انتي ازاي مش فاكراني يا عشق انتي مش فاكرة اخر حاجة مالك عمالها لما ض...
مالك بخوف وصوت قوي:عمتتتتي..عشق فقدت الذاكرة ومش فاكرة حاجة لكن هتبقى كويسة
ثم يكمل بتوتر لعشق قائلاً:قصدها تقولك مش فاكرة اخر مره لما بركتلك بجوازنا يعني
عشق ببرائة:اه.. شكرا على سؤالك اوي
انتي الوحيدة وفارس اللي فاكراكم بس انا فاكره صورتك بس لكن انتي مين او اي حاجة اتكلمنا فيها مش فاكره ابدا
سارة بحزن:بكرا ترجعلك الذاكرة وتبقى كويسة
تفهم يارا ان مالك قصده ميفكرش عشق بالي عمله فيها قبل ما تفقد الذاكرة
تكمل عشق بحزن:ياريت انا بقيت حاسه ان ذاكرتي بقت عامله شبه الورقه البيضة
كل اللي فيها اتمسح وملوش أثر
ثم تبتسم قائلة:بس نفسي افتكر اوي
عشان افتكر مالك وجوازنا كان عامل ازاي
وافتكركم كلكم انتم كمان ثم تبتسم ليارا قائلة:وحضرتك انتي كمان
يارا ب ابتسامة وهي تملس ع شعرها قائلة:اهم حاجة اني شيفاكي قدامي كويسة
وتبدأ تضع امامها الطعام