فريد بوجع:يووسف
يذهب كل منهما بسرعة الي المستشفي ليروا حالة يوسف وتتصل امل وتخبر ندي بما حدث ليوسف
ويصل كل منهما الي المستشفي ويتفاجأ كل منهما بي وجود مهند في المستشفي
امل ببكاء:مهند..انت عرفت ازاي ان يوسف هنا ومفيش دكتور يطمنا عليه
مهند وهو شارد..فلاش باك
الامس
يوسف:زي ما قولتلك كدا ابويا موافقش ب ندي عشان احنا من مستوي واهلها من مستوي تاني بس انا بحبها وعايزك تلاقيلي حل عشان اتجوزها مش انا صحبك
مهند بتفكير:عندي حل بس كله باايدك انت
يوسف ب رد سريع:قول وانا معاك في اي حاجة
مهند:اعرف واحد صحبي دكتور وصاحب مستشفي هظبط معا كل حاجة وهنعرف اهلك انك عملت حادثة وان حالتك في خطر والحل عشان نفسيتك تتحسن بسبب الحادثة دي انك تتجوز ندي جايز حالتك تتحسن وطبعا ابوك مش هيرضي ان ابنه الوحيد يحصله حاجة وهو اللي هيجيب الماذون كمان عشان تتجوز ندي
يوسف بضحك وسعادة:طب والله دي فكرة كويسة اوي يلا ننفذها من دلوقت
باااك
مهند بكدب:انا كنت بتصل عشان اكلم يوسف لقيت الممرضة بترد عليا وعرفتني ان يوسف عمل حادثة وجيت علي طول وبالصدفة طلع الدكتور اللي هيتابع حالة يوسف صحبي من زمان
امل ببكاء:انا خايفة عليه يامهند خايفة يجراله حاجة
فريد بقلق:مفيش اي دكتور يطمنا عليه
مهند:الدكتور مع يوسف جوا
تاتي ندي مع والديها وهي منهارة من البكاء
ندي لامل ببكاء:يوسف
حصل ايه ليوسف يا طنط
امل:لسه منعرفش حاجة عنه يا ندي كل اللي حصله دا عشان حبك ادعيله ميحصلوش حاجة
ندي وهي تبكي بكاء شديد ينظر لها فريد بضيق
والد ووالدت ندي بقلق شديد وخوف علي ابنتهم
مرڤت بتوتر:متقلقيش يا امل انشاء الله هيكون كويس ومش هيحصله حاجة
امل ببكاء:يارب يارب
تاتي الممرضة الي الجميع
الممرضة: استاذ مهند الدكتور عايزك جوا
فريد كاد ان ياتي معه
الممرضة:لوسمحت الدكتور عايز استاذ مهند لوحده بعد اذنكم
يزيد توتر فريد
يدلف مهند الي الداخل لغرفة يوسف
يوسف بقلق:ها طمني ايه اللي بيحصل برا
مهند: كلهم وصلوا ووالدتك عماله تعيط هي وندي ميعرفوش انك موجود جوا وزي القرد كمان
يوسف بضحك:اخلص بس من اللي انا فيه دا وهوريك بس قولي ندي عاملة اي
مهند بضحك:حنين انت اوي مموته نفسها من العياط وطبعا ابوك بقي مش هتكلم عنه كتير انت عارفه
يوسف:عارفه المهم قولي ايه اللي هيحصل الوقت
كان خالد/الطبيب يقف بجانبه
مهند لخالد: زي ما اتفقنا مع بعض يا خالد عايزك تخوفهم علي قد ما تقدر ومن نحيه يوسف متقلقش هيظبطك
خالد بضحك:كل اللي هو عامله في نفسه دا عشان يتجوزها وبعدين خلاص انا هقولهم ان العمود الفقري بتاعه حصله مضاعفات كتير من الحادثة ودا هياثر عليه ومش هيقدر يتحرك تاني
مهند:كويس اوي كدا
خالد ليوسف:وانت حاول تبين انك تعبان ومتتكلمش كتير عشان كل اللي بنعمله دا ميتكشفش
يوسف:نفذ بس اللي اتفقنا عليه وهيكون عندك من بكرا شيك ب200الف جنية
يوسف بضحك:انتوا مربطني كدا ليه واي كل الشاش دا
مهند بضحك:مش عايز تتجوزها استحمل بقي
يوسف بضحك:خلاص لو علي كدا هات كل الشاش اللي عندك دا وزود الدم كمان عايز يبان دم كتير
خالد بضحك:كدا تمام اوي يلا يا مهند اخرجلهم وبعد كدا هخرج انا تمم
مهند:ماشي بس اوعي تبوظ اي حاجة انت فاهم والا يوسف هينفخك
خالد بضحك:انا هتصرف
يخرج مهند بحزن مصطنع
امل بخوف:ها يا مهند طمني الدكتور قالك ايه
ولكن قبل ان يتكلم مهند خرج اليهم خالد
أنت تقرأ
رواية عشقت حُبك الاسود💔
Romanceوسيم بشدة ولكنه مغرور وقاسي لأبعد حد اهم شي في حياته تقدم شركته وأخته الوحيدة فقط التي بالنسبة له كل شي لايؤمن بالحب بعد صدمة كبيرة منذو صغره وحتي في شبابه اقسم علي الانتقام من اي فتاة تظهر في حياته بمعني اصح (قهر حواء) ولكن تأتي له من تغير حياته...
