رواية عشقت حُبك الاسود💔

الفصل الثاني عشر🌟

في نهار جديد
تفتح لينا عيونها وترى نفسها في حضن ادم
الغارق ف النوم وهو ضاممها بيده
تنظر لادم ب ابتسامه قائلة لنفسها:قد ايه شكلك وانت نايم بيبقي زي البيبي الصغير
لكن لما بتصحي من النوم بتبقى زي الوحش..
بس انا حبيت الوحش دا بالرغم انه جرحني كتير
لكن اعمل ايه هفضل احبك
وهتعرف الحقيقة في يوم يا ادم
يبدء ادم يستيقظ هو الاخر ويرى وجهها الجميل
لينا بخجل وخوف من رد فعله:ادم
ادم ب ابتسامة:صباح الخير
ويطبع قبلة رقيقة على وجنتيها
لينا بدهشة: ادم انت متأكد انك صاحي
ادم:طبعا وشايف حبيبتي اللي قدامي وفي حضني
لينا بحزن:ادم لوسمحت لو دي لعبة جديدة منك عشان تجرحني بيها ف ياريت بلاش تعمل كدا
ادم بنظرة حزينة:انتي صورة الإنسانة اللي حبيتها
او اللي كنت مخدوع فيها بمعنى أصح
انا حبيت لينا اللي عرفتها زمان مش اللي قدامي دي اللي قدامي دي واحدة كدابة وبياعة
ومبتحبش حد غير نفسها والفلوس مش كدا؟
لينا بدموع:ادم انا..
يمنعها ادم من الكلام بيده التي تلامس شفايفها
ادم بنظرة حزينة:مفيش كلام هتقولي هيريحني بالعكس كل اللي هتقولي هيوجعني اكتر
لكن اعمل ايه مش عارف اعمل فيكي
زي ما عملتي فيا بسبب حبي ليكي يالينا
لينا بلمعان عيونها من الدموع:انت لسه بتحبني
يا آدم
ادم بحزن:لسه بحب لينا اللي عرفتها مش انتي
لينا بوجع:انا وهي واحد يا آدم انا اللي انت حبيتها وعشقتها زي ما هي حبيتك بالظبط
ادم بحزن:كفاية يا لينا كلام
لينا بحزن:لا مش كفاية انا تعبت يا آدم
انت ساعة تبقى كويس معايا واحس بحبك ليا وساعة احس انك بتنتقم مني للي حصل زمان
معنتش قادرة استحمل
انا لينا حبيبتك يا آدم اللي انت حبيتها
وكان حلمهم يتجوزوا ويعيشوا في بيت صغير
المهم انهم مع بعض
اديني فرصة يا آدم اثبتلك اني محبتش حد غيرك واني لسه بحبك زي زمان

ادم وهو يتأمل ملامحها اللي عشقها قائلاً:لينا انا مش هعرف انسى كل اللي حصل بينا زمان
بس هديكي فرصة نبتدي مع بعض من اول وجديد...
هحاول اعتبر ان كل اللي عشناه مع بعض زمان دا محصلش
لينا ب ابتسامة والدموع تتساقط من عيونها
لأنها تعلم حبه لها بالرغم من كل ما فعلته به
وانه يتنازل عن كبريائه وجرحه
طوال خمس سنوات
من أجل حبه لها... كانت لينا تتمنى ان ترتمي في حضنه وتبكي اد ايه اتعذبت زيه
وتخبر ادم بخطه عمرو الرازي كلها ولكنها تراجعت بسبب خوفها على ادم لما يعرف ان السبب
في كل دا عمرو الرازي وخوف لينا على ادم من رد فعله وخوفها أيضا على  ادم من عمرو الرازي
لينا بدموع:بالرغم من كل اللي حصل
ولسه بتحبني يا آدم
ادم بثبات:هديكي فرصة يالينا سنة كامله هنقضيها مع بعض تحاولي تثبتي فيها انك اتغيرتي
السنة دي هتكون زي الاتفاق صفقة بينا
احنا الاتنين ولو حصل اي حاجة غير كدا
وعرفت حقيقتك هنتطلق وهختفي من حياتك تماما
تدخل لينا في حضن ادم:متبعدش عني تاني يا آدم انا مصدقت اشوفك بعد ٥سنين
وبعدين انا وانت هنعيش مع بعض سنة كامله
سنه كامله هقضيها معاك
يعني في السنة دي هنمليها ب ذكرياتنا الحلوة مع بعض
يشعر ادم ان لينا اللي حبها وحبيته لسه قصاده
لكن بيفوق من شروده على ذلك اليوم المشؤم
ادم:بالظبط ياحبيبتي
لينا ب ابتسامة بالرغم من الدموع:رجعت تقول حبيبتي تاني
ادم ب ابتسامة بالرغم من حزنه:عشان انتي الوحيدة اللي حبيتها في حياتي
ادخلي يالينا البسي هدومك وتعالي معايا
لينا ب استغراب:هنروح فين
ادم ب ابتسامة:تعالي معايا بس وانتي هتعرفي.
لينا ب ابتسامة:هدخل البس وهاجي على طول
يدخل ادم وراها ويختار لها فستان من اللون الابيض قائلاً:دا هيبقى حلو اوي عليكي هسيبك عشان تلبسي براحتك