رواية عشقت حُبك الاسود💔

تكمله الفصل التاني🖤

لينا بدموع:ادم
ادم بسخرية وهو يقف امامها:امسحى دمموع التماسيح دي مبقتش اصدقها ولا تليق بيكي
وكاد ان يذهب
لينا بدموع:متمشيش وتسيبني للمرة التانية
ادم بوجع يمسك يدها بغضب ويحاوطها وتصطدم بالحائط قائلا وقلبه ملئ بوجع:انتي اللي سيبتني مش انا اللي سيبتك
لينا وهي تنظر في عيونه بحزن:مدتنيش فرصة انك تسمعني يا آدم
ادم بضحكة ملي بالوجع:طبعا عملت كدا
خليتك تشوفيني
وفي نفس المكان من ٥ سنين لما ذلتيني هنا وكسرتي قلبي وكرامتي كان هنا
لكن اللي واقف قصادك الوقت دا واحد تاني
مش ادم اللي كنتي تعرفي انا نسيتك سمعاني وحبيت بعدك لكن انتي متفرقيش معايا
تنظر لينا في عيون ادم بوجع ولكنها تتصنع الثبات والدموع متجمعة في عيونها
ادم بتشفي ووجع:مش قادرة تتقبلي فكرة نسياني ليكي مش كدا مش قادرة تصدقي اني مبقتش بحبك وان قلبي مبقاش ملكك مش كدا؟
لينا ودمعه من عيونها تسقط قائلة:اديرت تنساني فعلا يا آدم
يسرح ادم في عيونها وهو ينظر على شفتيها التي اشتاق لها وهو يقترب إليها وكانت لينا مستسلمه لقبلته يقترب ادم من شفايفها
ولكن يتذكر كلامها له
وهو بالقرب من شفايفها قائلاً:نسيتك
واللي اتبقي ليكي الكره وبس يا لينا هانم
لينا بدموع وهي تنظر له
اما عن ادم فكانت القسوة والوجع مسيطرين عليه ويتركها ويذهب الي الحفل

في ڨيلا مهند القاضي
في غرفة زين وهو يمسك نوته العزف الموسيقى الخاصة به ويتذكر حبيبته الوحيدة ويغمض عينيه بحزن ويتذكر البحر ورائحته قائلاً:اه يا سلمى وحشتيني بدور عليكي في كل مكان ونفسي اعرف انتي فين
فلاش باك من سنه واحدة
في الساحل
تضحك سلمي مع زين... (سلمي ممرضة زين الخاصة بسبب مرضه نتيجة حادث بالشلل
وعدم القدرة ع الكلام ايضا)
وهي تلقى بالمية وتضحك من قلبها وتغمض عينها مع كل نقطة مياه تنزل على بشرتها
وتلامس قلبها مع زين...

وزين لأول مرة يحس انه مبسوط كدا
تلمس سلمي شعر زين المبعثر بالمياه بيدها
ينظرلها زين بحب وأمان حس اد ايه هو بيحبها
سلمي ب ابتسامة:ينفع ندرب شوية
يا بشمهندس زين
يحرك زين راسه ب ايجاب
تمسك سلمي يده وتحركها عده مرات يشعر زين بالتعب ولكن يقاوم من أجل شفائه وقرب سلمي منه
سلمي:تعبت يا زين
يحرك زين راسه بالنفي
سلمي بضحك:كداب اوي ثم تكمل قائلة:طب جعان
يحرك زين راسه بضحك بمعنى جعان اوي
سلمي ب ابتسامة مشرقة:بما اننا الصبح بقى
وفي الجو الجميل دا وبنتمشي علي البحر
من بدري...ايه رائيك تستريح شوية
وانا هحضرلك كل الاكل اللي بتحبه
يحرك زين راسه بمعني الموافقة
ويذهب كل منهما الي الطعام
تحضر سلمي لزين الإفطار في الهواء النقي المطل على البحر
وتبدأ تاكل زين بحب وسعاده
سلمي ب ابتسامة وهي ترى زين متحمس ويستنشق رائحة البحر قائلة:لدرجة دي بتحب البحر يا زين
زين بتعب يجهد من أجل الكلام:ا.. ا.. اوووي ي.. يا س.. سلمي

يفوق زين من ذكرياته قائلاً:هلاقيكي يا سلمى
حتى لو قلبت الدنيا دي كلها عليكي

وبعد انتهاء الحفل
وفي غرفة لينا القاضي وهي تنظر على صورهم  وهي تتذكر حبهم وضحكهم معا
ثم تاني أمامها ذكرى من ذكرياتهم
فلاش باك من أربع سنوات
في مكان ادم ولينا المفضل يطل على البحر
تحاول لينا الاتصال ب ادم عده مرات ولكن لم يجب على اتصالها
لينا بحزن :حرام عليك يا آدم عرفت اني غلطانة لكن اسبوع من غير ما نشوف بعض مش بوحشك خالص
ياتي ادم من خلفها وهو يهمس في اذنها قائلاً:وحشتني طبعا..
ابتسمت لينا واقتربت منه ب استغراب:انت هنا
ثم بكت قائلة:انا اسفة يا آدم وعارفة اني غلطانة لما كلمت عمرو الرازي لكن مش هعمل كدا تاني
ادم ب ابتسامة وهو يحاوط وجهها بيده
قائلاً:ينفع اعرف بتعيطي الوقت ليه
لينا بدموع:عشان انت زعلان مني وبقالك اكتر من اسبوع مش راضي تكلمني
ادم بغيرة:وانتي مش شايفة انك غلطانة لما تلبسي فستان قصير كدا لا وكمان كنتي عماله تتكلمي
مع عمرو الرازي اللي عينه منزلتش من عليكي
يا لينا
لينا بحزن:دي موضة الفستان يا آدم ومش قصير ولا حاجة والله وبعدين انا معزمتهوش على عيد ميلادي والله هو اللي اجي من نفسه
انا كنت عاملة عيد ميلادي مخصوص السنة دي برا عشانك انت وعشان نكون مع بعض
واعرفك على مالك كمان...لكن طلع اوحش عيد ميلاد
عدا عليا اصلاً
ادم ب ابتسامة وحب:خلاص انا مش زعلان يالينا وبعدين احنا مع بعض يا حبيبتي
وبعدين مش اوحش عيد ميلاد ولا حاجة
وانا هصالحك وهنعيده تاني ودلوقت
لينا بدموع مثل الأطفال..
ادم ب ابتسامة:لسه بتعيطي برده خلاص انا عارف الطريقة اللي هتخليكي تبطلي عياط وهو يحسس على شفايفها
لينا بخجل وهي تمسح دموعها:لا خلاص مش بعيط وبعدين ازاي هنعيد عيد ميلادي من تاني يعني
ادم ب ابتسامة يجلب تورتة الفراولة اللي بتعشقها لينا وهو يضع شمعة في منتصف التورتة
قائلاً:كل سنة وانتي طيبة يا حبيبتي
وعقبال سنين كتير واحنا مع بعض فيها
لينا بفرحة وعدم تصديق
وهي تضع يدها على وجهها
وتدخل في حضنه لأول مرة قائلة:ربنا يخليك ليا
يا آدم
ادم بحب:اتمنى أمنية يا حبيبتي واطفي الشمع
تغمض لينا عيناها وتتمنى أمنية من الله
ادم ب ابتسامة:اتمنتي ايه
لينا وهي تنظر في عيونه بحب قائلة:اتمنيت ان احنا نفضل مع بعض ومنفترقش ابدا وتفضل حبيبي
وكل حاجة ليا في الدنيا دي و...
ثم تصمت بخجل
ادم ب ابتسامة:وايه يا لينا
لينا ب ابتسامة وخجل:اتمنيت ربنا يرزقنا بولد يكون حلو كدا وشبهك يا آدم
ادم بسعاده من امنيتها:هخلي حياتك كلها سعادة
يا لينا دا وعد مني
يمسك يدها قائلاً:قريب اوي هروح
وهتكلم مع والدك وهتقدملك رسمي يا لينا
وبعدها هنتجوز وتبقى حرم وملك ادم الأنصاري
ثم يكمل ويخرج من جيبة علبه صغيرة بها سلسلة رقيقة الشكل  قائلاً:دي هديتي ليكي يا لينا
انتي عارفة لو اقدر اشتريلك الدنيا دي مش هتاخر وكان نفسي اشتريلك حاجة اغلي من دي
بس انتي عارفة ظروفي
لينا بفرح:السلسلة دي عندي بالدنيا يا آدم
كفاية انها منك من حبيبي الوحيد
اللي قلبي اختاره وبعدين دي جميلة اوي
يا حبيبي واحلى هدية جاتلي
وانت اللي هتلبسهاني بنفسك
واخر مرة تقلل من اي حاجة انت بتجبهالي يا آدم كفاية انك بتفكر فيا وجبتلي السلسلة دي بفلوسك
انا عارفة انها غالية على فكرة وانك اشتغلت زيادة عشان تجبهالي
ادم ب ابتسامة:مفيش حاجة غالية عليكي
يالينت قلبي وبعدين اديني وقت بس
وانا هنحت في الصخر وهشتغل اكتر عشان اعيشك في مستوى زي اللي انتي عايشة فيه واحسن كمان
تضع لينا يدها على شفايفه قائلة:متفرقش معايا غني او فقير يا آدم المهم انت ثم تكمل وتشير على قلبه قائلة:دا اللي يهمني يا آدم
كنت ممكن تكون غني جدا لكن مكونش بحبك
الفقر مش عيب فيك على فكرة انت انسان ناجح ومجتهد في شغلك وان شاء الله ياحبيبي ربنا هيقف معاك وتكبر في شغلك.
ونحقق كل اللي احنا عايزينه ونبني بيتنا سوا
المهم نكون مع بعض يا آدم انا مش عايزه غير كدا
ادم بشرود في عيونها الخضراء المخطلطة يالون العسلي:بحبك
باك
لينا بوجع ودموع:محبتش حد غيرك يا ادم لكن ظلمتك وظلمت نفسي