وبعد إنهاء الطبيبة من الكشف على لينا
واخذ عينه من دمها..
داده منال وهي تدعو ربها ثم تنظر لطبيبة قائلة:خير يا دكتورة لينا هانم عندها ايه
لينا بتعب ويأس:منا قولتلك يا داده هما شوية برده
هيكون في ايه يعني
الطبيبة ب ابتسامة وفرح لصديقتها
قائلة:لينا انتي حامل
لينا بصدمة:نعم؟؟
داده منال بفرح:مش قولتلك يا بنتي
لينا بحزن:ح.. حمل.. حمل ازاي يعني
انتي عارفة يا مريم
اني مش بخلف وحملي مستحيل لان الرحم بتاعي عمره ما هيشيل طفل
مريم/الطبيبة ب ابتسامة:صدقيني يا لينا دي معجزه فعلا انا لما عملتلك سونار الرحم بتاعك طبيعي جدا غير الأول خالص واكيد دا لي سبب
وبعدين انا قولتلك حملك صعب
مش مستحيل ومتنسيش انك متجوزه بقالك فتره مبروك ياحبيبتي انتي حامل وعشان تصدقي كمان نتيجة الدم بتاعتك بتاكد انك حامل
داده منال بفرح:الحمدلله يارب
لينا بدموع وفرح:يعني انا حامل في جوايا طفل
من ادم وهي تبكي من الفرح وعدم تصديق
ثم تكمل بفرح ودموع:داده ونبي يا داده لو دا حلم
متصحنيش منه
داده منال ب ابتسامة:دي حقيقة يا لينا
مش قولتلك مفيش حاجة بعيدة عن ربنا
مريم بتحذير:بلاش عيط يا لينا انتي كدا بتئذي البيبي اي زعل أو انفعال في خطر على البيبي وعليكي
واحنا مصدقنا انك تبقى حامل
لينا بفرح وهي تضع يدها على بطنها بخوف قائلة:لا مش هئذي البيبي ولا هعمل حاجة
هسمع كل كلمه بتقوليها وهو هيعيش وهيفضل متعلق بالدنيا لآخر نفس هيبقى قوي شبه ادم
داده منال بفرح:يارب ياحبيبتي يجي بسلامه
ويتربى في حضنك انتي وآدم يارب
مريم ب ابتسامة وهي تضع الچيل على بطن لينا وتحرك جهاز السونار يميناً ويساراً
وهي تشير على تلك النقطة الصغيره قائلة:النقطة الصغيرة دي هو البيبي وعمره ٤٠ يوم بالظبط
لينا ب ابتسامة ودموع وهي لم تصدق عيناها
ف هي ترى ثمره حبها هي وآدم (طفلهم)
بالرغم من صعوبة حملها
ولكنه تعلق في الدنيا من أجل والدته
معجزه خلقت لكي تجمعهم من جديد
مريم ب ابتسامة:اسمعيني كويس في كل كلمه هقولهالك يا لينا انتي حملك غير اي حمل
ولازم نحافظ على البيبي باي طريقة
لغايت معاد الولاده ان شاء الله
وانا هديكي شوية تعليمات دي اللي هتخلي البيبي يثبت لان بعد الشر ممكن ينزل في اي وقت
لينا بخوف:لا لا بعد الشر هو مش هيسيبني
مش هيسيب مامته وانا هسمع كلامك
مريم ب ابتسامة تبدأ ب اعطاء لينا التعليمات الخاصة بيها وبي طفلها وتخبرها ان تأتي لها بعد اسبوعين لترى حالتها وحالت طفلها من جديد
وبعد وقت تخرج لينا وداده منال من العياده
شعرت لينا وقتها انها تملك الدنيا ب أكملها
فحلمها من آدم تحقق
تذهب إلى الڨيلا تنتظر قدوم ادم بشده
على الجانب الاخر
في الساحل
وعز يحسس على شعر رضوي النائمة بطفولة
قد ايه مبسوط انها بقت ملكه
وانها بتحبه زي ما بيحبها بيخطط يسعدها ازاي
رضوي ب ابتسامه وخجل عندما تفتح عيونها
وترى أمامها وهو يملس على شعرها
رضوي ب ابتسامة:عز
عز ب ابتسامة:قلب عز.... لوتعرفي انا فرحان قد ايه
يا رضوي
رضوي ب ابتسامة:بتحبني اوي كدا عز
عز ب ابتسامة:بعشقك
رضوي بخجل وهي تنظر لصدره العاري:طب هو احنا
هنفضل كدا مش هنخرج او مش هتلبس حاجة يعني
عز بضحك على خجلها:لا اليوم دا بتاعنا
ومش هنخرج من هنا انا استنيت اليوم دا
من اول اتكتبتي على اسمي فيه
رضوي بضحك وخجل:عز ابعد
عز بغمزه:طب ما تقربي انتي
رضوي بخجل:عز
عز بضحك يقربها منه قائلاً:لو قولتي عز
من هنا لصبح مش هسيبك ابداً
يقبلها للمره الثانية بشغف ويقضي كل منهم وقت معاً
أنت تقرأ
رواية عشقت حُبك الاسود💔
Romanceوسيم بشدة ولكنه مغرور وقاسي لأبعد حد اهم شي في حياته تقدم شركته وأخته الوحيدة فقط التي بالنسبة له كل شي لايؤمن بالحب بعد صدمة كبيرة منذو صغره وحتي في شبابه اقسم علي الانتقام من اي فتاة تظهر في حياته بمعني اصح (قهر حواء) ولكن تأتي له من تغير حياته...
