هوس أركي (مكتملة )

البارت 11

عند عايشة

صافي حسيت براسي تقدا ليا الصبر وتقدا ليا الجهد معا لغديد والعصاب بقيت نبكي نبكي حتا  عينيا طيبتهم بالبكا ولاو حمرين بحال الجغمة ديال الدم

كنت غادي نتلاط في داك البيت ،فمي عواج ليا والمشكيلة لكبيرة مكاينش شي حد يطل عليك ولا يواسيك ولا يعنقك ويخاليك تفشي عليه قلبك ولا تقولي ليه أش دارك وأش معصبك ولا يهدنك هاد الشي لي معدبني كتر ،نهار واحد في الغربة حسيت براسي بحالي مغربة هادي 10 سنين

مني حسيت براسي تفشيت بالمزيان مسحت دموعي بالكم ديال أيدي ونذت وجمعت النودة جريت رجليا حتا الدوش دخلت ليه ، بركت في جاكوزي  وطلقت عليا الرشاشة لي كان فيها الماء بارد فوق راسي شي خمسة دقاايق ، حتا حسيت براسي برد عليا شي شوية كون متخشيت تحت الدوش كان غادي يتفرگع ليا شي فيزيبل فوق راسي ممنهاش ،مني ساليت حيدت حوايجي لي كانو صردو بالما ولبست واحد البينوار كان معلق  تماك وخرجت وأنا محطمة نفسيا ومعنويا وجسديا
دخلت البيت ديال التبديل الملابس لي كان عامر جميع الملابس لي حليت عليها فمك تلقاها تماك غير ملابس هاي كلاس وهاي كلاس . نشفت شعري بالفوطة  ولبست سروال ديال صيرفيط في لحمر وفيه خطوطة بيضين في الجناب وتيشور في لبيض ومرسوم فيه نونوس في لحمر ولبست بنطوفة بيضة،  أوشعري خليتو مطلوق حتا ينشف بحدووو

وليت كنبان كيوت بلا مكياج غير الزهر لي معنديش باتاتا

خرجت البيت لقيت مصعب گعما كاين في البيت يمكن باقي معا زا........ ديال خوه حيت شحال متلاقاو، وخا هكاك شوفا ديال  خوه خلاتني نتعصب ونتغدد المهم هادي دارها زوينة مني بقا شاد عليا مصعب خوه حيت هداك التصرف لي دار معايا في الطوموبيل باينة غادي يدير كتر منو الى تاحت ليه الفرصة وغادي يرجع يقول ليا نفس العذر بلي أنا مرتو وحلالو وميمكنش نبقا نبعد عليه مزال

خشيت أيديا في الجيوب ديال السروال ومشيت بركت فوق الجنب ديال الناموسية كنخمم على الله وعسا نلقا شي حل حتا كنسمع التيليفون ديالي كيسوني وقفت ومشيت لجهت الصاك جبدتو لقيتو خويا يوسف الصراحة غير شفت النمرة حسيت بالقلب ديالي غادي يخرج من بلاصتو العواطف ديالي تحركات الصراحة تواحشتم بزاااف بزاف مكانتش كنضن بلي غادي نتفرق معاهم وبلي غادي نتفرق معاهم في هاد المدة لقصيرة كون رجعوني للور عمرني كنت غادي نتخاصم معاهم وبلي عمرني غادي نقلقهم ولاكن لي عطا الله عطاه ولي طاح جا على عين گفاه،  تشجعت وحاولت نبدل النبرة ديال صوتي من حزن الى فرحة  لبنت  ضاحكة في أول أيام عرسها

أنا : وفين أصااط أش راك تعاود من نهار دفنوه مبقاو زاروه ياك لاباس مالنا مخاصمين وأنا مفيراسيش

يوسف :( باينة من النبرة ديالو بلي كان كيبي وبلي حزين وحتا هوا مباغيش يبين ) شوشوو  لاباس عليك توحشتك